Вилоят автомобиль йўллари худудий Бош бошқармасида Президент Олий Мажлисга Мурожаатномаси ҳамда янги қабул қилинган қонунларни тарғиботи бўйича Давра суҳбати ўтказилди. Унда меҳнат хуқуқ инспектори З. Холов ва техник инспектор Д. Шукуровлар маруза қилдилар.
Жорий йилнинг 17 февраль куни Ўзбекистон таълим ва фан ходимлари касаба уюшмаси Денов туман бўлинмасининг навбатдан ташқари II Пленуми ўтказилди. Пленумни вилоят касаба уюшмалари ташкилотлари бирлашмаси раиси Ахмедов Абдукарим Абдурахмонович олиб борди.
Пленумда вилоят касаба уюшмалари ташкилотлари бирлашмаси раиси Ахмедов Абдукарим Абдурахмонович, Денов тумани хокимининг ёшлар сиёсати, ижтимоий ривожлантириш ва маънавий-маърифий ишлари бўйича ўринбосари Турсунов Дилмурод Холмуродович, Ўзбекистон таълим ва фан ходимлари касаба уюшмаси Республика кенгашининг Сурхондарё вилояти бўйича масъул ташкилотчиси Тагаева Моҳира Рахматуллаевна, туман халқ таълим бўлими мудири Ахроров Эркин Абдуқахорович хамда 21 нафар Пленум аъзолари иштирок этди.
Навбатдан ташқари Пленум кун тартиби белгиланди.
1. Ўзбекистон таълим ва фан ходимлари касаба уюшмаси Денов туман бўлинмаси кенгаши ва кенгаш Ижроия қўмитаси аъзолигидан озод қилиш ҳамда кенгаш ва кенгаш Ижроия қўмитаси аъзолигига киритиш тўғрисида.
2. Ўзбекистон таълим ва фан ходимлари касаба уюшмаси Денов туман бўлинмаси кенгаши раисини сайлаш тўғрисида масалалар кўриб чиқилди.
Пленум аъзоларининг таклифи хамда овоз бериш йўли билан Ахроров Эркин Абдуқахорович Ўзбекистон таълим ва фан ходимлари касаба юшмаси Денов туман бўлинмаси кенгаши ва кенгаш Ижроия қўмитаси аъзолигига киритилди
Иккинчи масала юзасидан Сурхондарё вилоят касаба уюшмалари ташкилотлари бирлашмаси ҳамда Ўзбекистон таълим ва фан ходимлари касаба уюшмаси Республика кенгаши, шунингдек туман ҳокимлиги билан келишилган ҳолда Ўзбекистон таълим ва фан ходимлари касаба уюшмаси Денов туман бўлинмаси кенгаши раиси лавозимига Ахроров Эркин Абдуқахорович номзоди бир овоздан Пленум аъзолари томонидан мақулланди хамда тасдиқланди.
Денов тумани хокимининг ёшлар сиёсати, ижтимоий ривожлантириш ва маънавий-маърифий ишлари бўйича ўринбосари Турсунов Дилмурод Холмуродович хамда туман халқ таьлими бўлими мудир ўринбосари Хайдаров Чори, пленум аьзиси Махмадиёрова Майсара Мардоновна томонидан Ахроров Эркин Абдуқахоровичга омад тилаб ўз фикр мулохазаларини билдиришди.
Олтинсой туманидаги 62-умумтаълим мактабига Ўзбекистон касаба уюшмалари Федерацияси раиси Қ. Рафиқовнинг “Ватан ва миллат қайғуси” китоби Таълим ва фан ходимлари касаба уюшмаси Олтинсой туман бўлинмаси раиси томонидан топширилди.
Бойсун туман тиббиёт бошқармаси касаба уюшма кенгаши ва туман таълим ва фан ходимлари касаба уюшма кенгаши билан ҳамкорликда Самарқанд вилояти бўйлаб саёҳат ташкил этилди. Ушбу саёҳатга 20 нафар ходимлар юборилди.
15.02.2021й. Ўзбекистон Мудофаа вазирлиги тизимидаги Термиз ҳарбий Госпиталида жорий йилнинг 15 февраль куни жамоа шартномасининг 2020 йил якунига бағишланган йиғилиш бўлиб ўтди.
2021 йил 15 февраль куни Олтинсой туманидаги 51-умумтаълим мактабида жамоанинг умумий йиғилиши ўтказилди. Унда 2019-2021 йилларга тузилган жамоа шартномасининг 2020 йилда бажарилиши бўйича белгиланган вазифаларнинг ижросини таъминлаш мақсадида амалга оширилган ишлар юзасидан мактаб директори ва жамоанинг касаба уюшма раислари меҳнат жамоасига ўз ҳисоботлари ўқиб эшитдирдилар.
Умумий йиғилишда жамоа шартномасига 2021 йил учун ишлаб чиқилган жамоа шартномаси макетида киритилган қўшимача ва ўзгаришлар асосида пандемия муносабати билан соҳадаги ислоҳотлар бўйича ходимларнинг манфаатлари учун киритилаёган янги бандлар муҳокама қилинди.
Ҳар қандай давлатнинг тарихий тараққиёт йўлидан маълумки, юртнинг жадал ривожланиши, муайян ютуқларга эришиши, халқнинг фаровон бўлиши ўша давлатда ёшлар таълим-тарбияси ва келажагига бериладиган эътибор даражасига чамбарчас боғлиқ. Шу маънода, Ўзбекистонда ёшлар масаласи давлат сиёсатининг энг устувор йўналишларидан бири ҳисобланади.
Мамлакатимиз Президенти Шавкат Мирзиёевнинг Ўзбекистон ёшлари форумида сўзлаган нутқида ёшларни Ўзбекистоннинг энг катта бойлиги, бебаҳо хазинаси сифатида юксак қадрлашини таъкидлар экан, юртимизда қандай ислоҳотларга қўл урмайлик, аввало, ёшларга, уларнинг куч-ғайратига суянамиз дедилар.
Жорий йилнинг 10 февраль куни Вилоят касаба уюшмалари ташкилотлари бирлашмасида Президент Мурожаатномасининг мазмун моҳияти тарғиботига бағишланган “Янги Ўзбекистон – янги касаба уюшмалари” шиори остида давра суҳбати бўлиб ўтди.
Республика таълим фан ходимлари касаба уюшмаси раиси Р.М.Бедилов, вилоят касаба уюшмалари ташкилотлари бирлашмаси раиси А.Ахмедов, тармоқнинг вилоят бўйича масъул ташкилотчиси, туман (шаҳар) тармоқ кенгашлари раислари иштирок этди.
Тадбирда бирлашма раиси А.Ахмедов томонидан Ўзбекистон Республикаси Президентининг Олий Мажлисга Мурожаатномасида кўтарилган масалалар, белгилаб берилган устувор вазифаларнинг барчаси халқимиз турмуш даражаси ва сифатини оширишга қаратилганлиги билан янада аҳамиятли эканлиги қайд этиб ўтилди.
Шунингдек, тадбирда бугунги кунда мамлакатимизда хотин-қизлар ва ёшларни қўллаб-қувватлаш борасидаги ишларни янги босқичга кўтариш йўналишларида амалга оширилаётган ишлар ҳамда бу борада белгилаб берилган вазифалар ҳақида тўхталиб ўтилди. Президентимиз Мурожаатномада “Учинчи Ренессанс” мактаб остонасидан бошланади” деб таъкидлаган эдилар. Шундай экан шу юртда истиқомат қилаётган ҳар бир фуқаронинг, ҳар бир раҳбар ва ходимнинг, айниқса, таълим соҳасида фаолият олиб бораётган педагогларнинг масъулияти юқори эканлиги алоҳида таъкидлаб ўтилди.
Тадбирда тармоқ касаба уюшмаси Республикаси кенгаши раиси Р.М.Бедилов сўз олиб, Президент Мурожаатномасида белгилаб берилган устувор вазифаларни ҳаётга тадбиқ этиш, ислоҳотларимиз самарасини юртимизда яшаётган ҳар бир инсон, ҳар бир оила ўз ҳаётида ҳис этиши учун амалга оширилаётган тизимли ишларга муносиб ҳисса қўшиш мақсадида Касаба уюшмалари Федерацияси тизимидаги барча ходимлар бор имкониятларини ишга солишлари таъкидланди.
Қизғин музокараларга бой ўтган тадбир якунида тармоқ кенгашлари томонидан 2021 йилда амалга оширилиши лозим бўлган вазифалар, жамоа келишувлари ва бошқа масалалар юзасидан муҳокамалар ўтказилиб, истиқболдаги фаолият йўналишлари белгилаб олинди.
