So’nggi vaqtlarda masofadan turib ishlovchilar soni sharoit va tanlov talabi bilan ortib borayapti. Internet orqali ishlash xizmatchi uchun ham, ish beruvchi uchun ham juda qulay ekanligini hisobga olsak, O’zbekistonda bu yo’nalish kelajakda ancha yaxshi rivojlanadi, degan tahmin qilish mumkin.

Xorijda internet orqali masofadan turib ishlash odatiy holga aylanib ulgurgan. Tabiiyki, ularda buning uchun yetarli sharoit ham shakllangan. O’zbekistonda bugungi kundagi sharoitni hisobga olgan holda masofadan online ishlash mumkinmi? Ushbu savolga javob berish maqsadida ushbu maqolamda internet orqali ishlashda qulay hisoblangan bir necha bepul yoki juda arzon xizmatlar haqida yozmoqchiman. Bu xizmatlardan foydalangan holda internet orqali faoliyat yuritish nafaqat xizmatchi uchun, balki ish beruvchi uchun ham bir qator qulayliklarga ega.

Bir kishi uyidan chiqmagan holda, internet orqali kuniga 4-6 soat ishlaydi, deb hisoblaylik. Unga qiladigan ishi uchun haq to’laydigan kompaniya esa xizmatchining ish samaradorligini masofadan turib baholashi, topshiriq berishi, bajarilgan vazifalarni qabul qilib olishi va albatta haq to’lashi kerak bo’lsin. Har ikki tomon uchun zarur bo’lgan bu amaliyotlarni bir necha foydali online xizmatlar yordamida hayotga tadbiq etish mumkin. Talablar minimal darajada – O’zbekistonning istalgan shahridagi Uzonline interneti orqali ishlash mumkin. Xizmatchi va ish beruvchida internetga ulangan kompyuter bo’lsa kifoya!

Xizmatchi va ish beruvchi o’rtasidagi munosabatlarni aloqa, nazorat, taqdimot va to’lov amaliyotlariga bo’lgan holda ko’rib chiqamiz. Chunki har qanday masofaviy mehnat munosabatining asosida aynan shu to’rt amaliyot yotadi: ish beruvchi va xizmatchi tez-tez bir-birlari bilan aloqada bo’lib turishlari kerak bo’ladi, ishlarning qanday bajarilayotganligini ish beruvchi nazorat qilib turishni xohlaydi, xizmatchi bajarayotgan ishini ish beruvchiga taqdimot sifatida namoyish etib turadi va nihoyat, ish beruvchi bajarilgan ish uchun xizmatchiga haq to’laydi.

Aloqa

Internet orqali muloqot va konferensiyalarni tashkil etishda bir nechta qulay xizmatlarga tayanish mumkin.

Appear.in – Video konferensiya uchun juda yaxshi sayt. Bir necha kishi bir-birini ko’rgan holda video muloqotga kirishishi mumkin. Bepul bu xizmatdan foydalanish juda oson.

TeamSpeak – Ovozli muloqotga mo’ljallangan bepul platforma. P2P asosda ishlaydigan bu dastur ovozli muloqot uchun juda qulay hisoblanadi. Bunda bir necha kishi guruh bo’lib ovozli muloqotga kirishishi ham mumkin.

Telegram – Bu dasturga ortiqcha izoh shart emas. Uning masofadan ishlashdagi qulayligi kompyuterda ham mobil qurilmalarda ham birdek ishlay olishidir. Telegram bilan ish beruvchi va xizmatchi turli usullarda tez va samarali muloqotga kirisha olishadi.

TeamViewer – Ushbu dastur kompyuterni masofadan turib boshqarishga moslashgan. Bunda bir tomondagi foydalanuvchi internet orqali boshqa tomondagi foydalanuvchining kompyuterini to’liq boshqarishi mumkin. Dasturda ovozli, video va yozma xabarlar uchun imkoniyatlar bor.

Nazorat

Ish beruvchi masofadan turib xizmatchiga vazifalar tayinlashi va ularning qanday bajarilayotganligini kuzatib/nazorat qilib turishi mumkin. Buning uchun quyidagi qulay xizmatlardan foydalanish kerak.

Todoist – Shaxsan o’ziga yoki kimgadir/guruhga vazifa tayinlash va ularning bajarilishini nazorat qilishga moslashgan platforma. Web interfeysidan tashqari Android uchun mobil ilovasi ham mavjud. Shaxsiy rivojlanish yo’lida o’ziga o’zi maqsadlar tayinlab, samaradorligini oshirmoqchi bo’lganlarga alohida tavsiya etaman.

Google Kalendar – Ishlarni sana va soatga ko’ra rejalashtirish uchun juda qulay xizmat. Gmail akkauntingizning bo’lishi u xizmatdan foydalanishingizga kifoya qiladi.

Zoho – Masofadan turib ishlash uchun kerak bo’lishi mumkin bo’lgan barcha qulayliklar. Shaxsan menga eslatmalar tizimi juda ma’qul keldi.

Remember The Milk – Eslatmalarning juda ajayob tarzda tashkil etilgan ko’rinishi.

Taqdimot

Google Docs – Bajarilgan ishlarni online tarzda Word, Excel yoki Power Point ko’rinishida taqdim etish uchun juda qulay platforma. Jamoamiz bilan Word xujjatlarni online tahrirlashda ushbu xizmatdan juda ko’p foydalanardik.

LightShot – Kompyuter interfeysini bir zumda suratga olib, online jo’natish uchun qulay bo’lgan kichik dastur. Uni har qanday holatda ham kompyuteringizga o’rnatib, ishlatishingiz kerak. Shaxsan o’zim har kuni bu qulay dasturdan foydalanaman.

Flickr – Foto va video ma’lumotlarni zudlik bilan almashish, namoyish etish zaruratida bo’lganlar uchun ajoyib bepul xizmat.

To’lov

Bajarilgan ish uchun xizmat haqini to’lashda quyidagi qulay online to’lov usullaridan foydalanish mumkin.

Payme – O’zbekistonda plastik kartochkadan plastik kartochkaga pul o’tkazishda bundan yaxshiroq xizmat bo’lmasa kerak (hozircha).

WebSum – Bank yoki infokiosk orqali pul o’tkazish mumkin bo’lgan qulay online to’lov tizimi.

Webmoney – Nafaqat O’zbekistonda, balki xorijda ham samarali ishlab kelayotgan online to’lov tizimi.

 

 

(https://azamat.uz/) веб-сайтидан олинди.

 

Ҳудудларни барқарор ижтимоий-иқтисодий ривожлантиришнинг энг муҳим омилларидан бири сифатида ички туризмни жадал ривожлантириш, фуқароларни мамлакатимизнинг маданий-тарихий мероси ҳамда табиий бойликлари билан таништириш мақсадида қабул қилинган “Ички туризмни жадал ривожлантиришни таъминлаш чора-тадбирлари тўғрисида”ги қарори мамлакатимиз ижтимоий ҳаётидаги муҳим воқеалардан бири бўлди.
Қарорга мувофиқ, “Ўзбекистон бўйлаб саёҳат қил!” ички туризмни ривожлантириш дастурини амалга ошириш бўйича амалий чора-тадбирлар режаси тасдиқланди.

Мазкур чора-тадбирлар ижросини таъминлаш мақсадида вилоятдаги ташкилот, корхоналар ҳамда жамоат ташкилотлари томонидан ходимлар, шунингдек, уларнинг оила аъзолари, аҳоли вакилларини юртимизнинг диққатга сазавор жойларига, тарихий қадамжоларига ташрифларини уюштириш, шу орқали уларнинг кайфиятини кўтариш, мароқли дам олишларини ташкил этиш ишлари ташкил этилиб келинмоқда.

Шу каби эзгу ишлардан бири вилоят кенгаши депутати А.Ахмедов ташаббуси билан ташкил этилди. Хусусан, жорий йил 26 февраль куни депутат ташаббуси билан Сариосиё туманидаги Халқ таълими соҳасида ишлаб нафақага чиққан бир гуруҳ нуроний-устозлар Хоразм вилоятига саёҳатга жўнаб кетишди.

Жорий йилнинг 25 февраль куни вилоят касаба уюшмалари ташкилотлари бирлашмасида Соғлиқни сақлаш ходимлари касаба уюшмаси Сурхондарё вилояти ташкилотининг таъсис Конференцияси ўтказилди.

Конференцияда сайланган 25 нафар делегатлар, хамда соғлиқни сақлаш ходимлари касаба уюшмаси Республика Кенгаши ташкилий ишлар бош мутахассиси Тошматова Дилором Мухтаровна, Сурхондарё вилоят касаба уюшмалари ташкилотлари бирлашмаси раиси Ахмедов Абдукарим Абдурахмоновичлар иштирок этишди.

Конференция кун тартида: Соғлиқни сақлаш ходимлари касаба уюшмаси Сурхондарё вилояти ташкилоти кенгашини ташкил этиш,  кенгаш аъзолари ва кенгаши раисини сайлаш масаласи кўриб чиқилди.

Конференция якунларига кўра, соғлиқни сақлаш ходимлари касаба уюшмаси Сурхондарё вилояти кенгаши ташкил этилиб, кенгаш раислигига тавсия этилган Қодирова Муяссар Жумаевна номзоди делегатлар томонидан бир овоздан қўллаб-қувватланди.

Шунингдек, конференцияда соғлиқни сақлаш ходимлари касаба уюшмаси Сурхондарё вилояти ташкилоти тафтиш комиссияси аъзолари ва раиси ҳам сайлаб олинди.

 

Қумқўрғон туман тиббиёт бирлашмасида 2021 йил 24 февраль куни 2018-2020 йиллар учун имзоланган жамоа шартномаси якунига бағишланган меҳнат жамоасининг конференцияси ўтказилди.
Конференцияда Соғлиқни сақлаш ходимлари касаба уюшмаси Республика Кенгаши ташкилий ишлар бош мутахассиси Тошматова Дилором Мухтаровна, Республика кенгашининг Сурхондарё вилояти бўйича масъул ташкилотчиси Қодирова Муяссар Жумаевналар иштирок этишди.
Жамоа шартномасининг 2020 йилда бажарилиши юзасидан иш берувчи томонидан бирлашма бош врач ўринбосари, касаба уюшмаси қўмитаси томонидан қўмита раиси Д.Шаимқуловалар маъруза қилишди.

Шунингдек, 2018-2020 йилларга имзоланган жамоа шартномасининг 2020 йилда бажарилиши бўйича комиссиянинг далолатномаси комиссия раиси Б.Қулиев томонидан ўқиб эшиттирди.
Туман тиббиёт бирлашмасининг 2018-2020 йилларга имзоланган жамоа шартномасининг муддати туганлиги сабабли янги 2021-2023 йилларга мўлжалланган жамоа шартномаси лойиҳаси йиғилиш иштирокчиларига ўқиб эшиттирилди.
Бугунги кунда соғлиқни сақлаш соҳаси ходимлари манфаатларини ҳимоя қилиш, уларнинг ҳақ-ҳуқуқларини таъминлаш ва меҳнатига яраша рағбатлантириш бугун ҳар қачонгидан ҳам долзарб аҳамият касб этаётганлиги, шу боисдан, иш берувчи билан ижтимоий шериклик асосида ходимларга амалдаги қонун ва норматив хужжатларда белгиланганидан кўра кўпроқ имтиёз ва кафолатлар бериш янги қабул қилинадиган жамоа шартомасига алоҳида қайд этиб ўтилди.

Низомий номидаги Тошкент давлат Педагогика университети Термиз филиалида Ўзбекистон Республикаси Президенти Шавкат Мирзиёевнинг 2020 йилнинг 29 декабрь куни Олий Мажлисга Мурожаатномаси ҳамда Касаба уюшмалари тўғрисидаги қонун мазмун-моҳиятини тарғиб қилишга қаратилган тадбир ташкил этилди.
Тарғибот тадбири вилоят касаба уюшмалари ташкилотлари бирлашмаси раисининг ёшлар масалалари бўйича маслаҳатчиси томонидан Ўзбекистон Республикаси Президентининг Олий Мажлисга Мурожаатномаси мазмун – моҳияти юзасидан хаётий мисоллар асосида тушунчалар бериб ўтилди.
Мурожаатномада кўтарилган масалалар, белгилаб берилган устувор вазифаларнинг барчаси халқимиз турмуш даражасини оширишга қаратилганлиги билан аҳамиятли эканлигини, юртимиздаги барча соҳаларда мавжуд вазият, қисқа вақт ичида мамлакатимиз нуфузи ва салоҳиятини янги босқичга кўтариш йўлида амалга оширилган кенг кўламли ишлар, кўзланаётган марралар ва уларга эришиш борасидаги вазифаларга бағишланганлиги, юртимизнинг ҳар бир фуқароси юрагидан жой олганлиги эътироф этилди.

Жорий йилнинг 22 февраль куни Жамоа шартномасининг 2020 йилда бажарилиши юзасидан вилоят Фавқулотда вазиятлар бошқармасида 2019-2021 йиллар учун имзоланган Жамоа шартномасининг 2020 йилда бажарилиши юзасидан иш берувчи ҳамда касаба уюшмаси қўмитаси раиси ҳисоботлари тингланди.

Бугунги кунда ташкилот ходимлари манфаатларини ҳимоя қилиш, уларнинг ҳақ-ҳуқуқларини таъминлаш ва меҳнатига яраша рағбатлантириш бугун ҳар қачонгидан ҳам долзарб аҳамият касб этаётганлиги, шу боисдан, иш берувчи билан  ижтимоий шериклик асосида ходимларга амалдаги қонун ва меъёрий хужжатларда белгиланганидан кўра кўпрок имтиёз ва кафолатлар бериш тўғрисида алоҳида қайд этилиб ўтилди.

Йиғилиш якунида ходимлар томонидан берилган саволларга масъуллар томонидан атрофлича жавоблар берилди.

Термиз давлат университети Педагогика ва психология факультетида Ўзбекистон Республикаси Президенти Шавкат Мирзиёевнинг 2020 йилнинг 29 декабрь куни Олий Мажлисга Мурожаатномаси мазмун моҳиятини тарғиб қилишган қаратилган тадбир ташкил этилди.
Тарғибот тадбири вилоят касаба уюшмалари ташкилотлари бирлашмаси раисининг ёшлар масалалари бўйича маслаҳатчиси томонидан Ўзбекистон Республикаси Президентининг Олий Мажлисга Мурожаатномаси мазмун – моҳияти юзасидан хаётий мисоллар асосида тушунчалар бериб ўтилди.
Мурожаатномада кўтарилган масалалар, белгилаб берилган устувор вазифаларнинг барчаси халқимиз турмуш даражасини оширишга қаратилганлиги билан аҳамиятли эканлигини, юртимиздаги барча соҳаларда мавжуд вазият, қисқа вақт ичида мамлакатимиз нуфузи ва салоҳиятини янги босқичга кўтариш йўлида амалга оширилган кенг кўламли ишлар, кўзланаётган марралар ва уларга эришиш борасидаги вазифаларга бағишланганлиги, юртимизнинг ҳар бир фуқароси юрагидан жой олганлиги эътироф этилди.

Жорий  йилнинг 20  февраль куни  Вилоят касаба  уюшмалари ташкилотлари  бирлашмаси  раиси А.Ахмедов  ҳамда Ўзбекистон касаба  уюшмалари Федерацияси кенгаши  вакили  С.Ахмедов  билан  Амударё  дарёси  ўзанидаги (Сурхондарё вилояти Термиз шаҳри яқинида, Амударёнинг иккига бўлинган ўрта қисмида 4 минг гектар майдонни эгаллаган «Пайғамбар ороли» номи билан машҳур.) орол   Зул-Кифл  “Орол  Пайғамбар”  зиёратгоҳида жойлашган чегарачилар ҳаёти билан танишдилар. Уларга  китоблар  ва  бошқа  совғалар  топширилди  ҳамда пайғамбар Зул-Кифл алайҳиссалом қабрлари зиёрат  қилинди.

Маълумот ўрнида. ЮНЕСКОнинг ёдгорликлари рўйхатига киритилган “Пайғамбар ороли”да Қуръони Каримда номи зикр этилган йигирма беш пайғамбардан бири, милоддан аввалги VI-VII асрларда яшаб ўтган Зул-Кифл (“Кафолат соҳиби” маъносини билдиради) алайҳиссалом мақбараси мавжуд.

XVII асрда яшаган балхлик машҳур қомусий олим Маҳмуд ибн Валий “Сирлар денгизи” асарида келтирилишича, пайғамбар Зул-Кифл алайҳиссалом Термиз яқинидаги ушбу оролда дафн этилган. Оролдаги “Зул-Кифл” мақбараси турли даврларда бунёд этилган гумбазли катта масжид ва жанубдан туташган сағанали хилхона ҳамда ғарб томондан бириктирилган икки хонадан иборат.

Масжид мураббаъ тарҳли, олди пештоқли, безаги ғишт чоргул ва арча тарзида терилган, меҳробига ганч гириҳ нақш ишланган. Мақбара 2018 йил тўлиқ реконструкция қилинган.

 

 

Вилоят сув омборларидан фойдаланиш бошқармаси ва вилоят магистрал тизими бошқармасида Президент мурожаатномаси ва янги қоуннларни тарғиботи бўйича давра суҳбати ўтказилди.