1

Jamoa shartnomasi ijrosi muhokama qilindi

Respublika  shoshilinch tez yordam ilmiy markazi Surxondaryo filiali mehnat jamoasining 2021-2023 yillar uchun imzolangan jamoa shartnomasining 2023 yilda bajrilishi bo‘yicha konferensiya yig‘ilishi bo‘lib o‘tdi. Ishchi-xodimlarni qo‘llab-quvvatlash, moddiy va ma’naviy ko‘mak ko‘rsatish jamoa shartnomasida o‘z aksini topgan bo‘lib, undagi bandlarning ijrosiga jiddiy e’tibor qaratilgan.

Kun tartibidagi masalalar yuzasidan Respublika  shoshilinch tez yordam ilmiy markazi Surxondaryo filiali  bosh shifokori A.Eshboev va  kasaba uyushmasi qo‘mitasi raisi I.Dusalovning hisobotlari tinglandi.

Jamoa shartnomalariga kiritilgan qo‘shimcha imtiyozlarning bajarilishi  natijasida har bir xodimga o‘rtacha sarflangan mablag‘  14 mln. 916 ming so‘mni, mehnatni muhofaza qilish bo‘yicha sarflangan o‘rtacha mablag‘ esa  1 mln. 486 ming so‘mni tashkil etdi.

Mehnatkashlarning bo‘sh vaqtlarini mazmunli o‘tkazish, ommaviy sport turlariga jalb etish, sanatoriylarda salomatliklarini tiklash, yurtimiz bo‘ylab sayohatlarga olib borish, ko‘makka ehtiyoj sezgan, kam ta’minlangan oilalarga doimiy ravishda e’tibor qaratildi. 

Konferensiyada ishtirok etgan O‘zbekiston kasaba uyushmalari Federatsiyasining Surxondaryo viloyat Kengashi rais o‘rinbosari Q.A.Bobolov va O‘zbekiston sog‘liqni saqlash xodimlari kasaba uyushmasining Surxondaryo viloyat Kengashi raisi M.J.Kadirova yig‘ilish qatnashchilarining qiziqtirgan savollarga javob berdilar.2021-2023 yillar uchun tuzilgan jamoa shartnomasining 2023 yilda bajarilishi bo‘yicha tibbiyot birlashma  ma’muriyati va boshlang‘ich kasaba uyushma qo‘mitasi tomonidan amalga oshirilgan ishlarga qoniqarli baho berdilar.  Konferensiya so‘ngida   2024-2026 yillarga tuzilayotgan Jamoa shartnomasi muhokama qilinib, ma’qullandi.

Hisobotlar tinglandi

Joriy yilning 1 mart kuni Surxondaryo viloyati Denov tumani hokimligida 2023-2025 yillar uchun imzolangan jamoa shartnomasining 2023 yilda bajarilishiga bag‘ishlangan hisobot yig‘ilishi bo‘lib o‘tdi.  Yig‘ilishda Ish beruvchi tuman hokimi Abrorov Ilxom Ibragimovich hamda boshlang‘ich kasaba uyushma qo‘mitasi raisi Raximov Sherali Tursunalievichlarning hisobotlari tinglandi.

Hisobot yig‘ilishi bo‘lib o‘tdi

2024  yilning 26 fevral kuni O‘zbekiston kasaba uyushmalari Federatsiyasi Surxondaryo viloyat Kengashida 2023-2025 yillar uchun imzolangan jamoa shartnomasining 2023 yilda bajarilishiga bag‘ishlangan hisobot  yig‘ilishi bo‘lib o‘tdi.  Yig‘ilishda O‘zbekiston kasaba uyushmalari Federatsiyasi Surxondaryo viloyat Kengashi raisi Axmedov Adukarim Abduraxmonovich, hamda boshlang‘ich kasaba uyushma tashkiloti raisi Xidirova Yulduz Qarshievnalarning  ma’ruzalari tinglandi.

Yig‘ilishda O‘zbekiston davlat muassasalari va jamoat xizmati xodimlari kasaba uyushmasi Surxondaryo viloyat kengashi raisi Ximmatova Nodira Surxanovna ishtirok etdi.

Surxondaryo viloyat Transport boshqarmasida Genderga oid audit o‘tkazish jarayoni

So‘ngi yillarda mamlakatimizda xotin-qizlar mavqeini oshirish, jamiyat va davlat ishlarini boshqarishda faol ishtirok etishini ta’minlash, xotin-qizlarni ijtimoiy-huquqiy jihatdan qo‘llab quvvatlash borasida keng qo‘lamli islohotlar amalga oshirilmoqda.

         Xususan davlat xizmati sohasida xotin-qizlar va erkaklar uchun teng huquq hamda imkoniyatlarni ta’minlash maqsadida davlat organlari hamda tashkilotlarida genderga oid auditlarni o‘tkazishning huquqiy asoslari yaratildi, bir qator me’yoriy huquqiy hujatlar qabul qilindi va takomillashtirildi.

         Jumladan, 2019 yil  02 sentyabrd kuni O‘zbekiston Respublikasining “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonuni qabul qilindi.

2022 yil 15 dekabr kuni “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi O‘zbekiston Respublikasi qonuniga qo‘shimcha va o‘zgartirishlar kiritish haqida” O‘RQ-809-son Qonun qabul qilindi va ushbu qonun bilan “Genderga oid audit” to‘g‘risda yangi mexanizm kiritilib, maxsus normalar bilan uning asosiy vazifalari, genderga oid auditni o‘tkazish hamda uning natijalarini ko‘rib chiqish tartibi mustahkamlandi.

Genderga oid auditni o‘tkazish vazifasi O‘zbekiston kasaba uyushmalari Federatsiyasiga yuklatilgan bo‘lib, tasdiqlangan uch yillik rejaga asosan davlat organlari va tashkilotlarida jamoatchilik nazorati doirasida o‘tkazilishi belgilandi.

Genderga oid audit, asosan mehnat munosabatlarini, tashkilotlarda xotin-qizlar va erkaklar uchun yaratilgan imkoniyatlarni, mehnat sharoitlarining tengligini, kadrlar siyosatini o‘rganishga yo‘naltirilgan bo‘lib, xodimlarning manfaatini himoya  qilish bilan shug‘ullanuvchi kasaba uyushmalarning faoliyatiga mos keladi.

“Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi qonunining 8-2-moddasiga ko‘raGenderga oid uditni o‘tkazish vazifasi O‘zbekiston kasaba uyushmalari Federatsiyasiga yuklatilgan bo‘lib, mazkur qonuning ijrosini ta’minlash maqsadida Xotin-qizlarning jamiyatdagi rolini oshirish, gender tenglik va oila masalalari bo‘yicha respublika komissiyasining 2023 yil 21 iyuldagi №6-sonli bayonnomasiga ko‘ra genderga oid auditni o‘tkazish uslubiyati va genderga oid auditni o‘tkazish bo‘yicha uch yillik reja tasdiqlandi

Tasdiqlangan rejaga ko‘ra 2024 yil birinchi choragida O‘zbekiston Respublikasi transport vazirligi va uning tuzilmaviy tashkilotlari va qo‘yi tuzilmalarida o‘tkazilishi rejalashtirilgan.

Mazkur auditni  bajarish uchun O‘zbekiston kasaba uyushmalari Federatsiyasining Surxondaryo  viloyat kengashi ijroiya qo‘mitasining 2023 yil 09 oktyabrdagi №R-16/4-sonli qaroriga ko‘ra turli tashkilotlar tarkibidan ishchi guruh tashkil qilindi.

O‘zbekiston kasaba uyushmalari Federatsiyasining 2024 yil 06fevraldagi №ISh-17/199-sonli xatiga ko‘ra joriy yilning 07 fevraldan boshlab ishchi guruhi tomonidan Surxondaryo  viloyat Transport boshqarmasida genderga oid audit o‘tkazib kelinmoqda.

2024 yil 26 fevral kuni Surxondaryo  viloyat Transport boshqarmasi xodimlari ishtirokida genderga oid audit bo‘yicha o‘quv seminar o‘tkakzildi.

Afg‘oniston fuqarolarini o‘qitish ta’lim markazida hisobot yig‘ilishi o‘tkazildi

Joriy yilning 23 fevral kuni Surxondaryo viloyati Termiz tumanida joylashgan Afg‘oniston fuqarolarini o‘qitish ta’lim markazida 2023-2025 yillar uchun tuzilgan Jamoa shartnomasining 2023 yilda bajarilishi yakuniga bag‘ishlangan hisobot yig‘ilishi o‘tkazildi. Yig‘ilishda O‘zbekiston kasaba uyushmalari Federatsiyasining Surxondaryo viloyat Kengashi raisi A.A.Axmedov hamda O‘zbekiston davlat muassasalari va jamoat xizmati xodimlari kasaba uyushmasi Surxondaryo viloyat Kengashi raisi N.S.Ximmatovalar ishtirok etishdi

2023-2025- yillarga imzolangan Jamoa shartnomasining 2023 yilda bajarilishi va 2024 yil uchun qo‘shimchalar kiritish bo‘yicha mehnat jamoasining konferensiyasi bo‘lib o‘tdi

Bugun Sherobod tuman tibbiyot birlashmasida 2023-2025- yillarga imzolangan Jamoa shartnomasining 2023 yilda bajarilishi  va 2024 yil uchun qo‘shimchalar kiritish bo‘yicha mehnat jamoasining konferensiyasi bo‘lib o‘tdi, unda tibbiyot birlashma bosh shifokori  Raximov Shuhrat Boyqobilovich hamda kasaba uyushma  qo‘mita raisi Raxmonova Sharofat Karimovnalarning hisobotlari tinglandi. Konferensiyada O‘zbekiston Sog‘liqni saqlash xodimlari kasaba uyushmasi Respublika Kengashi bosh mehnat texnik inspektori Aliev Zafar G‘anievich,  O‘zbekiston Sog‘liqni saqlash xodimlari kasaba uyushmasi Surxondaryo viloyat Kengashi raisi Kadirova Muyassar Djumaevna hamda O‘zbekiston Sog‘liqni saqlash xodimlari kasaba uyushmasi Respublika Kengashining Surxondaryo viloyat bo‘yicha mehnat texnik  inspektori Bo‘riev Ulug‘bek Rajabovichlar ishtirok etishdi.

Hisobotlar tinglandi

Joriy yilning 21 fevral kuni Angor tuman Kambag‘allikni qisqartirish va bandlik bo‘limida 2023-2025 yillar uchun imzolangan jamoa shartnomasining 2023 yilda bajarilishiga bag‘ishlangan hisobot  yig‘ilishi bo‘lib o‘tdi.  Yig‘ilishda Angor tuman kambag‘allikni qisqartirish va bandlik bo‘limi boshlig‘i o‘rinbosari Normurod Boltaev, hamda KUK raisi Bozorov Olim Xidirovichning va jamoa shartnomalarini nazorat qiluvchi xodimlarning  hisobotlari tinglandi.

Jamoa shartnomalariga o‘zgartirishlar qabul qilindi

2024 yil 16 fevral kuni Uzun tumanidagi 49, 50- o‘rta ta’lim maktablarida  2023-2025 yillarga tuzilgan jamoa shartnomasi bandlarining 2023 yilda bajarilishiga bag‘ishlangan umumiy yig‘ilishlar bo‘lib o‘tdi. Maktab direktorlari, boshlang‘ich kasaba uyushmasi qo‘mita raislari hamda jamoa shartnomasini nazorat qiluvchi komissiyaning xisobotlari tinglandi. Jamoa shartnomasiga 2024 yil uchun qo‘shimcha va o‘zgartirishlar qabul qilindi.