9-may – Xotira va qadrlash kuni munosabati bilan Angor tumani Maktabgacha va maktab ta’limi bo‘limi hamda Ta’lim va fan xodimlari kasaba uyushmasi bo‘linmasi hamkorligida xayriya tadbiri o‘tkazildi. Tadbir doirasida Afg‘on urushi ishtirokchilari va ko‘p yillik samarali mehnat qilgan faxriy ustozlar xonadoniga tashrif buyurilib, ularning holidan xabar olindi.

Bu kabi uchrashuvlar yosh avlod qalbida ustozlarga bo‘lgan hurmatni mustahkamlash barobarida, milliy qadriyatlarimizni e’zozlashda muhim ahamiyat kasb etadi. Zero, ustozlarga ehtirom ko‘rsatish – xalqimizga xos eng oliy fazilatlardan biridir.

Joriy yilning 7 may kuni O‘zbekiston Tadbirkorlik, biznes va xizmat ko‘rsatish sohalari xodimlari kasaba uyushmasi Surxondaryo viloyati birlashgan qo‘mitasi hamda Termiz tumani Ta’lim va fan xodimlari kasaba uyushmasi bo‘linmasi hamkorligida xayrli tadbir tashkil etildi.

«9 may – Xotira va qadrlash kuni» bayrami munosabati bilan O‘zbekiston Respublikasi suvereniteti va mustaqilligini himoya qilishda xizmat burchini bajarish chog‘ida halok bo‘lgan harbiy xizmatchi — Termiz tumani «Chegara» mahallasida yashagan Turg‘un Erkinovich Jo‘raevning xonadoniga tashrif buyurildi.

Uchrashuv davomida marhumning oila a’zolari holidan xabar olinib, ularga bayram munosabati bilan esdalik sovg‘alari topshirildi.

 

9 may – Xotira va qadrlash kuni munosabati bilan “Surxon” sport majmuasida futbol bo‘yicha xotira turniri tashkil etildi. Musobaqa O‘zbekiston kasaba uyushmalari Federatsiyasi Surxondaryo viloyati Kengashida ko‘p yillar xizmat qilgan marhum Musurmonqul Onorov yodiga bag‘ishlandi. Tadbir do‘stlik va hamjihatlikni mustahkamlash yo‘lida futbol ixlosmandlarini birlashtirdi.

9-may – Xotira va qadrlash kuni munosabati bilan Termiz daryo porti MChJ jamoasi an’anaviy xayriya tadbirini o‘tkazdi. Korxona rahbariyati va xodimlari ko‘p yillar davomida ushbu sohada samarali mehnat qilgan faxriylarning xonadonlariga tashrif buyurib, ularni bayram bilan muborakbod etdilar.

Suhbat davomida nuroniylarning boy hayotiy tajribasi, port rivojiga qo‘shgan hissasi yodga olindi. Faxriylarga korxona nomidan minnatdorchilik bildirilib, bayram sovg‘alari topshirildi. Bu kabi tadbirlar yosh avlodni keksalarni qadrlash va soha an’analariga sodiqlik ruhida tarbiyalashda muhim ahamiyat kasb etadi.

Surxondaryo viloyatida maktabgacha ta’lim tizimi rahbarlari o‘rtasida an’anaviy “Eng namunali maktabgacha ta’lim tashkiloti direktori” ko‘rik-tanlovining tuman va shahar bosqichlariga start berildi.

Tanlovning Angor tuman bosqichi hududdagi 11-sonli davlat maktabgacha ta’lim tashkilotida ko‘tarinki ruhda o‘tkazilmoqda. Tadbirning ochilish marosimida viloyat Maktabgacha va maktab ta’limi boshqarmasi boshlig‘i o‘rinbosari Jasur Mirzaqulov ishtirok etdi.

1. Mirzaqulov o‘z nutqida ishtirokchilarga muvaffaqiyat tilab, ushbu tanlovning tizim rivojidagi o‘rniga alohida to‘xtalib o‘tdi. Ta’kidlanganidek, mazkur ko‘rik-tanlov:

• Maktabgacha ta’lim tizimida samarali boshqaruvni joriy etish;
• Rahbar kadrlarning kasbiy kompetensiyalarini doimiy oshirib borish;
• Ilg‘or va zamonaviy ish tajribalarini ommalashtirishga xizmat qiladi.

Hozirda tuman bosqichi doirasida direktorlar o‘z mahoratlarini namoyish etmoqdalar. G‘oliblar viloyat bosqichida ishtirok etish yo‘llanmasini qo‘lga kiritadilar.

Qiziriq tumanida Maktabgacha va maktab ta’limi vazirligi tizimidagi muassasalar xodimlari o‘rtasida “Sog‘lom tanda — sifatli ta’lim” shiori ostida Kasaba uyushmasi kubogi musobaqalari yuqori saviyada tashkil etildi.

“Besh tashabbus olimpiadasi” doirasida o‘tgan mazkur bellashuvlarda pedagog xodimlar sportning mini-futbol, shaxmat, shashka, stol tennisi hamda voleybol turlari bo‘yicha o‘zaro kuch sinashdilar. Musobaqa nafaqat g‘oliblarni aniqlash, balki soha xodimlari o‘rtasida sog‘lom turmush tarzini keng targ‘ib etishga xizmat qildi.

30-aprel kuni Uzun tumanida ta’lim tizimida faoliyat yuritayotgan ayol xodimlar o‘rtasida voleybol bo‘yicha “Maktabgacha va maktab ta’limi vaziri kubogi” musobaqasining tuman bosqichi o‘tkazildi.

O‘zbekiston Respublikasi Prezidentining 2024-yil 19-iyuldagi PQ-274-son qarori ijrosini ta’minlash maqsadida tashkil etilgan mazkur tadbir yuqori saviyada tashkil etildi. Sport bahslarida tumandagi maktabgacha va maktab ta’limi tashkilotlaridan jami 52 ta eng kuchli jamoa o‘zaro bellashdi.

Qizg‘in va murosasiz kechgan bahslar yakuniga ko‘ra quyidagi jamoalar g‘oliblikni qo‘lga kiritdi:

• 🥇 1-o‘rin: 24-sonli maktab jamoasi;
• 🥈 2-o‘rin: 27-sonli maktab jamoasi;
• 🥉 3-o‘rin: 38 va 12-sonli maktab jamoalari.

G‘olib jamoalar tashkilotchilar tomonidan munosib taqdirlandilar va musobaqaning viloyat bosqichiga yo‘llanma oldilar.

Bugun, 30-aprel kuni Angor tumani Maktabgacha va maktab ta’limi bo‘limi tizimida faoliyat ko‘rsatayotgan ayol xodimlar o‘rtasida voleybol bo‘yicha “Vazir kubogi” musobaqasining tuman bosqichi bo‘lib o‘tdi. Tumandagi Sport maktabida yuqori saviyada tashkil etilgan ushbu bellashuvda maktab va maktabgacha ta’lim muassasalarining ustoz hamda tarbiyachilari ishtirok etishdi.

Ishtirokchilar sportga bo‘lgan qiziqishlari, jamoaviy hamjihatlik va yuqori mahoratlarini namoyon etdilar. Qizg‘in kechgan bahslarning yakuniy natijalari quyidagicha ko‘rinish oldi:

🥇 1-o‘rin – 37-maktab jamoasi;
🥈 2-o‘rin – 33-maktab jamoasi;
🥉 3-o‘rin – 5-maktab jamoasi.

G‘olib va sovrindor jamoalar tuman Maktabgacha va maktab ta’limi bo‘limi hamda Ta’lim va fan xodimlari kasaba uyushmasi tuman bo‘linmasi tomonidan faxriy yorliq va esdalik sovg‘alari bilan taqdirlandilar.

 

O‘zbekiston kasaba uyushmalari Federatsiyasining Surxondaryo viloyati Kengashi majlislar zalida 28 aprel – Butunjahon mehnatni muhofaza qilish kuni munosabati bilan “Sog‘lom psixologik-ijtimoiy ish muhitini ta’minlaylik” mavzusida davra suhbati o‘tkazildi.

Tadbirda Tadbirkorlik, biznes va xizmat ko‘rsatish sohalari xodimlari kasaba uyushmasi Respublika Kengashi raisi o‘rinbosari Shavkat Qodirov, O‘zbekiston kasaba uyushmalari Federatsiyasi apparatining Mehnatni muhofaza qilish bo‘limi mudiri o‘rinbosari Husan Mirsaidov, viloyat hokimligi boshqarmalari va aloqador idora va tashkilotlar vakillari ishtirok etdilar. Shuningdek, tarmoq kasaba uyushmalari Respublika Kengashining viloyat bo‘yicha mas’ul tashkilotchilari, tuman va shahar kengashlari raislari, uch tomonlama komissiya a’zolari, yirik ish beruvchilar hamda mehnatni muhofaza qilish mutaxassislari qatnashdilar.

Davra suhbatini O‘zbekiston kasaba uyushmalari Federatsiyasi Surxondaryo viloyati Kengashi raisi o‘rinbosari Qobiljon Bobolov olib bordi. Tadbirda psixologik-ijtimoiy ish muhitining ahamiyati va xodimlar uchun xavfsiz mehnat sharoitlarini yaratish masalalari atroflicha muhokama qilindi.