Month: November 2022

ОИЛАЛАРГА УМИД УЛАШИБ…..

Ўзбек халқи — болажон халқ деб бежизга айтишмайди. Ўзбекистонда азалдан оила ва бола қадри жуда баланд. Ушбу мақол иккинчи жаҳон уруши йилларида ҳам ўзининг амалий тасдиғини топган эди. Ўзбек халқи 300 мингдан ортиқ қаровсиз қолган болаларни ўзининг иссиқ бағрига олиб катта қилган эди.

Охирги йилларда Ўзбекистон ҳукумати томонидан болалар соғлиги, чақалоқлар ўлимини олдини олишга жуда катта эътибор берилмоқда.

Шундай бўлсада, аҳоли ўртасида, айниқса, ёш оилалар ўртасида фарзанд кўриш билан боғлиқ муаммолари учраб туради. Бунинг асосий сабабларидан бир ота-оналарнинг қолаверса, турмуш қуриш арафасидаги ёшларнинг ўз соғликларидаги муаммоларга вақтида етарлича эътибор қаратмасликларидан.  Йиллаб фарзандсиз юриш оқибатида қанчадан қанча оилалар ажрашиб кетмоқда.

Шу каби кўнгилсиз ходисаларга чек қўйиш, ёш оилаларнинг фарзандсизлик сабаб ажралиб кетишларининг олдини олиш мақсадида Ўзбекистон касаба уюшмалари Федерацияси томонидан фарзанд кўришида муаммолари бўлган ёш оила аъзоларининг соғликларини тиклашга ихтисослаштирилган “Умид гулшани” санаторийсига бепул йўлланмалар бериш тизими йўлга қўйилган.

Куни кеча шу каби ҳайрли тадбир Ўзбекистон касаба уюшмалари Федерациясининг Сурхондарё вилоят кенгаши томонидан амалга оширилди. Узоқ йиллар фарзандсизликдан қийналиб келаётган 3 нафар аёлларга даволаниб соғликларин тиклашлари учун бепул йўлланмалар топширилди.   

“ЯНГИ ЎЗБЕКИСТОН –ЯНГИ КАСАБА УЮШМАЛАРИ” ШИОРИ ОСТИДА МАДАНИЙ-МАЪРИФИЙ ТАДБИР ТАШКИЛ ЭТИЛДИ.

Жорий йилнинг 14 ноябрь куни Ўзбекистон касаба уюшмалари федерациясининг Сурхондарё вилоят кенгаши ҳамда Соғлиқни сақлаш тизими ходимлари касаба уюшмаси Сурхондарё вилоят кенгаши ҳамкорликда Термиз туманидаги Термиз марвариди санаторийсида 11 ноябрь – Ўзбекистон касаба уюшмалари куни, ҳамда хамширалар куни муносабати билан маданий-маърифий тадбир ташкил этилди.

Тадбирда сихатгоҳда фаолият олиб бораётган ишчи ходимлар касаба қўмитаси раислари ҳамда фахрийлардан иборат 100 га яқин ортиқ фаоллар иштирок этишди.

Тадбир давомида вилоятнинг таниқли санъаткорлари иштирокида концерт дастури намойиш этилди.

МАРВАРИДДА СПОРТ МУСОБАҚАСИ ТАШКИЛ ЭТИЛДИ.

11 ноябрь – “Ўзбекистон касаба уюшмалари куни” муносабати билан Ўзбекистон касаба уюшмалари федерациясининг Сурхондарё вилоят кенгаши ҳамда Соғлиқни сақлаш тизими ходимлари касаба уюшмаси Сурхондарё вилоят кенгаши ҳамкорликда тизимдаги корхона, ташкилот ва муассасаларда турли маънавий-маърифий ҳамда спорт тадбирлари ўтказилиб келинмоқда.

Термиз туманидаги “Термиз марвариди” соғломлаштириш санаторийсида байрам муносабати билан ходимлар ўртасида спортнинг стол тенниси, шахмат ва шашка турлари бўйича мусобақалар ташкил этилди.

50 нафарга яқин ходимлар иштирок этган, қизғин ва муросасиз курашларга бой ўтган мусобақалар якунида ғолибликни қўлга киритган иштирокчилар ташкилотчиларнинг диплом ва эсдалик совғалари тақдирландилар.

ЯНГИ ЎЗБЕКИСТОН – ЯНГИ КАСАБА УЮШМАЛАРИ ШИОРИ ОСТИДА СПОРТ ТАДБИРИ ТАШКИЛ ЭТИЛДИ.

Таълим ва фан ходимлари касаба уюшмаси Денов туман бўлинмаси томонидан “11 ноябр-Ўзбекистон касаба уюшмалари куни” га бағишлаб касаба уюшма аъзолари ўртасида спорнинг 5 тури бўйича спорт мусобоқалари ўтказилди.

Тадбирда фахрийлар, ёшлар ва мусобақаларнинг мактаб босқичида ғолибликни қўлга киритган 200 дан ортиқ касаба уюшмаси аъзолари иштирок этишди.

Қизғин курашларга бой ўтган мусобақалар сўнгида спорт турлари бўйича ғолибликни қўлга киритган иштирокчиларга касаба уюшмасининг совғалари топширилди.

“11–ноябрь – Ўзбекистон Касаба уюшмалари куни” муносабати билан “Мурувват” уйида мурувват акцияси.

Азалдан халқимиз меҳр-мурувватга, эътиборга муҳтож инсонларга ўзларининг меҳрли қўлларини чўзиб эътибор кўрсатиб келади. Бу борада касаба уюшмалари ҳам ташаббус кўрсатиб келмоқда. Жумладан байрам кунлари арафасида воҳадаги боқувчисиз қолган, ёлғиз, ногиронлиги бўлган, ижтимоий ҳимояга муҳтож инсонлар холидан хабар олиш, иларни моддий ва маънавий қўллаб қувватлар ишлари анъанага айланган. Шу каби ҳайрия тадбирларидан “11–ноябрь – Ўзбекистон Касаба уюшмалари куни” муносабати билан Денов туманидаги ногиронлиги бўлган шахслар учун ташкил этилган “Мурувват” эркаклар интернат уйида уюштирилди.

Тадбирда Ўзбекистон Давлат муассалари ва жамоат хизматлари ходимлари касаба уюшмаси Сурхондарё вилояти кенгаши раиси Ўтаганов Ўктам, соҳа фаоллари ҳамда касаба уюшмаси аъзолари иштирок этди.

Тадбир якунида Касаба уюшма томонидан фидойилик билан меҳнат қилиб келаётган бир қатор фаол ходимларга фахрий ёрлиқ ва эсдалик совғалари топширилди. Шунингдек, Мурувват уйида яшовчи ҳамда ишловчи ходимлар учун байрам дастурхони ёзилиб, маданий тадбир ташкил этилди.

Янги Ўзбекистон – Янги касаба уюшмалари шиори остида учрашув ташкил этилди.

“11-ноябр – Касаба уюшмалари куни” муносабати билан ишлаб чиқилган тадбирлар режасига асосан “Ҳудудгаз Сурхондарё” газ таъминоти филиалида “Касаба уюшмалари фаолиятида меҳнат ҳуқуқи ва меҳнат муҳофазаси” мавзусида давра суҳбати ташкил этилди ва филиал ходимларига масофадан видеоконференцалоқа орқали иштирок этиш имконияти тақдим этилди.

Давра суҳбатида Ўзбекистон касаба уюшмалари Федерасияси Сурхондарё вилоят кенгашининг меҳнат ҳуқуқи инспектори З.Х.Холов ва техник инспектор Э.Х.Менглиевлар иштирок этди ва давра суҳбати мавзуси бўйича маърузалар қилишди.

Тадбир қизиқарли ва самарали ўтди, буни филиал ходимлари билан меҳнат муносабатлари бўйича очиқ мулоқотлардаги фаоллиги сезилди, ходимлар томонидан берилган саволларга мутахассислар тегишли жавоблар беришди.

Янги Ўзбекистон – Янги касаба уюшмалари шиори остида маданий тадбир бўлиб ўтди.

 Ўзбекистон касаба уюшмалари Федерациясининг Сурхондарё вилояти Кенгаши томонидан «Афруз» тантаналар саройида 11 ноябрь – Ўзбекистон касаба уюшмалари куни муносабати билан «Юрт тараққиёти йўлида бирлашайлик» шиори остида байрам тадбири ташкил этилди.
Тадбирда Сурхондарё вилояти ҳокими Т.Боболов, вилоят сектор раҳбарлари, бошқарма, ташкилотлар, касаба уюшмалари ходимлари ва фаоллари иштирок этди.
 
 
Таъкидланганидек, ўтган даврда касаба уюшмалари томонидан ишчи-ходимларни қўллаб-қувватлаш, уларнинг муаммоларини ҳал қилиш борасида кўплаб ижобий ишлар амалга оширилди. Айниқса, сўнги йилларда касаба уюшмалари жамиятимизнинг муҳим бир бўлагига айланганини вилоятимиз мисолида кўришимиз мумкин.
Бугунги кунда вилоятимизда касаба уюшмалари тизимида
2,5 мингдан ортиқ бошланғич ташкилотларда 370 мингдан зиёд фаоллар фидокорона меҳнат қиляпти. Улар корхона ва ташкилотларда ишчи-ходимларнинг касбий, меҳнатга оид, ижтимоий-иқтисодий ҳуқуқ ва манфаатларини ҳимоя қилишда, муносиб меҳнат шароитларини яратишда фаол иштирок этиб келяпти.
Байрам муносабати билан вилоят ҳокими касаба уюшма фаолларига ўз табригини йўллади.

11 НОЯБРЬ – КАСАБА УЮШМАЛАРИ КУНИ ТАНЛОВ ҒОЛИБЛАРИ РАҒБАТЛАНТИРИЛДИ

Жорий йил бошида “Аёллар дафтари”га киритилган хотин- қизларнинг муаммоларини ўрганиш ва ҳал этишда намуна кўрсатган соҳа ҳодимларининг меҳнатини муносиб раҳбатлантириш мақсадида Ўзбекистон касаба уюшмалари Федерацияси томонидан «Энг яхши сектор раҳбари», «Энг яхши ҳоким ёрдамчиси», «Энг яхши маҳалла фуқаролар йиғини раиси», «Энг яхши аёл иш берувчи», «Энг яхши хотин-қизлар фаоли», «Энг яхши маҳалла ёшлар етакчиси» танловлари эълон қилинган эди.
Мазкур танловнинг вилоят босқичида ғолибликни қўлга киритиб Республика босқичида муносиб иштирок этган бир гуруҳ танлов ғолиблари ғолиблари диплом ва пул мукофотлари билан тақдирланди.
Жумладан, «Энг яхши сектор раҳбари» танловининг республика босқичида 3 ўринни қўлга киритган Сариосиё тумани ИИБ бошлиғи, 3 сектор раҳбари Амонтўраев Мухиддин Шотураевичга СПАРК автомобилини олиш ҳуқуқини берувчи сертификат тақдим этилди.
Бундан ташқари, «Энг яхши ҳоким ёрдамчиси» танловининг Республика босқичида фаол итироки учун Термиз туман “Гулбаҳор” маҳалла фуқаролар йиғини ҳоким ёрдамчиси Қурбонниёзов Бахтиёр Бобомуродович, «Энг яхши маҳалла фуқаролар йиғини раиси» Олтинсой тумани “Катта Вахшивор” маҳалла фуқаролар йиғини раиси Жаббаров Жамшид Адашович, «Энг намунали аёл иш берувчи» Бойсун туман “Асилахон терма гиламлари” коорпаритиви раҳбари Азизова Мафтуна Рахматулла қизи, «Энг яхши хотин-қизлар фаоли» Термиз тумани “Истиқлол” маҳалла фуқаролар йиғини хотин-қизлар фаоли Асқарова Мунира Зокиржон қизи, «Энг яхши маҳалла ёшлар етакчиси» Шўрчи туман “Наврўз” маҳалла фуқаролар йиғини ёшлар етакчиси Худойбердиев Шахзод Фарходович 30 миллион сўмдан пул мукофоти билан тақдирланди.

    Сурхондарё вилоят ҳокими Т.А.Боболовнинг “11 ноябрь – Ўзбекистон касаба уюшмалари куни” байрами муносабати билан соҳа ходимларига ТАБРИГИ

    Ассалому-алайкум азиз меҳмонлар,
    Хурматли Касаба уюшма фаоллари!
    Аввало, Сизларни ва Сиз орқали барча вилоятимиз касаба уюшма аъзоларини 11 ноябрь – Ўзбекистон касаба уюшмалари куни байрами билан билан чин қалбимдан табриклаб, ўзимнинг эзгу тилакларимни билдираман.
    Бугунги кунда вилоятимиз касаба уюшмалари ўз сафида 340 мингдан зиёд аъзоларни бирлаштириб, уларнинг меҳнатга оид ҳуқуқ ва манфаатларини таъминлашда яқиндан ёрдам кўрсатиб келмоқда. Халқимиз бугун «Янги Ўзбекистон»ни барпо этишдек муқаддас ғоя атрофида бирлашмоқда. Шунга ҳамоҳанг равишда, касаба уюшмалари ҳам ўз фаолиятини «Юрт тараққиёти йўлида бирлашайлик», «Янги Ўзбекистон – Янги касаба уюшмалари» шиори остида бугунги кун талабидан келиб чиқиб ташкил этаётганлиги таҳсинга лойиқдир.
    Бир сўз билан айтганда касаба уюшмалари меҳнаткашлар ташкилотидан умумхалқ ташкилотига айланиб бормоқда.
    Муҳтарам Президентимиз ташаббуслари билан Юртимизда «11 ноябрь – Ўзбекистон касаба уюшмалари куни» деб белгиланиши, «Ўзбекистон касаба уюшмалари тўғрисида»ги Қонунининг қабул қилиниши, Меҳнат ва ижтимоий муносабатлар Академиясининг ташкил этилиши нафақат соҳа ходимлари, балки бутун меҳнаткаш халқимиз учун катта совға бўлди. Чунки касаба уюшмалари бугунги кунда аҳолини ижтимоий ҳимоясига қаратилган ўз мақсади, йўналиши, янгича ёндашув асосида ишлаётган кучли бошқарув тизимига эга ташкилот сифатида жамиятда ўз ўрнига эга бўлди.
    Ҳурматли тадбир иштирокчилари !
    “Янги Ўзбекистонда эл азиз, инсон азиз” шиори асосида меҳнатсевар, захматкаш халқимизни моддий ва маънавий қўллаб-қувватлаш борасида касаба уюшмаларининг салмоқли ўрнини эътироф этмасликнинг иложи йўқ. Халқ хўжалигининг барча жабҳаларида бўлаётган ўзгаришларда, амалга оширлаётган ислоҳотларда касаба уюшмаларининг роли беқиёсдир.
    Юртбошимиз раҳномолигида биргина Сурхондарё вилоятида сизнинг бевосита иштирокингизда «Аёллар дафтари» тизими орқали ўтган давр мобайнида 100 мингдан ортиқ аёлларга турли кўринишдаги кўмаклар берилиб уларнинг турмуш тарзи яхшиланишига эришилди.
    Аҳолини ижтимоий муҳофаза қилиш, саломатлигини мустахкамлаш мақсадида кейинги 5-6 йилда вилоятимизда “Амударё” болалар оромгоҳи ҳамда “Термиз марвариди”, “Хўжаипок” ҳамда “Сангардак” санаторийлари қурилиб фойдаланишга топширилиши 15 мингга яқин юртдошларимиз ҳамда чет эл фуқароларининг дам олиш ва соғликларини тиклашда қўл келмоқда.
    Мазкур бунёдкорлик ишларида Ўзбекистон касаба уюшмалари Федерацияси томонидан вилоятимизга 250,0 млрд. сўмдан ортиқ инвестиция киритилганлигини этироф этишимиз жоиз!
    Қайд этиш керакки, биргина жорий йил 10 ойи давомида 1600 нафардан ортиқ ходимлар ва уларнинг оила аъзолари, санаторийларда соғломлаштирилди, ушбу мақсадга 10 млрд сўм маблағ сарфланди.
    19 минг нафардан ортиқ болаларнинг оромгоҳларда дам олишлари ташкил этилган бўлса, 1900 нафардан зиёд ходимлар ва уларнинг оила аъзоларининг республикамиздаги диққатга сазовор қадамжоларга жумладан Тошкент, Самарқанд, Бухоро ва Хива шаҳарларига саёҳатлари ташкил қилинди.
    Азиз дўстлар!
    Янги Ўзбекистонда «Инсон қадри учун» ғоясини умуммиллий ҳаракатга айлантиришда давлат ва жамоат ташкилотлари билан бир қаторда, ҳеч шубҳасиз, касаба уюшмалари ҳам муҳим ўрин тутади. Бугунги касаба уюшмалари ҳалқ дардини тинглайдиган, уларнинг муаммоларини ҳал этадиган, ишчи-ходимларнинг меҳнатга оид ҳуқуқларини таъминлайдиган катта ижтимоий кучга эга бўлган ташкилотдир. Шубхасиз, ватанимиз тарақиёти, юрт ободлиги, халқимиз фаровонлигини таъминлаш борасида касаба уюшмаларининг иштироки бундан кейин ҳам янада кучайиб боради.
    Фурсатдан фойдаланиб, Сизларни қутлуғ айём – Ўзбекистон касаба уюшмалари куни билан яна бир бор самимий муборакбод этиб, Сизларга сиҳат-саломатлик, олижаноб ишларингизда улкан зафарлар тилайман.
    Юртимиз тинч, осмонимиз мусоффо бўлсин. Хонадонларингиздан ҳеч қачон тинчлик-хотиржамлик, файзу барака аримасин!

    Эътиборингиз учун раҳмат!