ФИДОЙИ ТИББИЁТ ХОДИМЛАРИ РАҒБАТЛАНТИРИЛДИ

Тиббиёт ходимлари куни муносабати билан жорий йил 7 ноябрь куни вилоят касаба уюшмалари ташкилотлари бирлашмасида байрам тадбири бўлиб ўтди. Унда бирлашма раиси, соғлиқни сақлаш тизими ҳодимлари касаба уюшмаси Республика кенгнашининг вилоятдаги масъул ташкилотчиси, Соғлиқни сақлаш бошқармаси мутасаддилари, тиббиёт соҳаси фидойилари жам бўлишди. 2006 йил 12 сентябрда қабул қилинган “Ўзбекистон Республикаси тиббиёт ходимлари кунини белгилаш тўғрисида”ги Қонунга мувофиқ, мамлакатимизда ҳар йили ноябрь ойининг иккинчи якшанбаси тиббиёт ходимлари байрами сифатида кенг нишонланиб келинади. Тадбирда сўзга чиққанлар томонидан мамлакатимизда тиббиёт соҳасини ривожлантириш, уларнинг меҳнатини муносиб рағбатлантириш борасида амалга оширилиши режалаштирилган ислоҳотлар юзасидан маълумотлар берилиб ўтилди.

Тадбир якунида соҳа ривожи ҳамда аҳоли саломатлигини сақлаш борасида фидокорона меҳнат қилиб келаётган бир гуруҳ шифокорларга касаба уюшмаларининг эсдалик совғалари топширилди.