30.01.2018  Ангор туман таълим, фан ва маданият ходимлари касаба уюшмаси кенгаши ташаббуси билан Биринчи Президентимиз Ислом Абдуғаниевич Каримов туғилган кунининг 80 йиллигини кенг нишонлаш мақсадида    тумандаги барча таълим муассасалари ходимлари ҳамда бошланғич касаба уюшма қўмитаси раислари иштирокида тадбир бўлиб ўтди. Тадбир давомида Биринчи Президентимизнинг ҳаёти ва фаолиятига  бағишланган маърузалар тингланди.

25.01.2018.Вилоят касаба уюшмалари ташкилотлари бирлашмаси мажлислар залида Ўзбекистон Республикасининг Биринчи Президенти, буюк давлат ва сиёсат арбоби Ислом Абдуғаниевич Каримов таваллудининг 80 йиллиги муносабати билан хотира тадбири ўтказилди.
Унда касаба уюшмалари фаоллари, олий таълим муассасалари талаба ёшлари ва Биринчи Президент билан бевосита мулоқотда бўлган нуронийлар ва шахслар иштирок этишди.
Тадбир давомида Ўзбекистон Республикасининг Биринчи Президенти, буюк давлат ва сиёсат арбоби Ислом Абдуғаниевич Каримовнинг она Ватанимиз мустақиллиги, эл-юртимиз равнақи ва халқ тинчлиги йўлидаги кўрсатган довюраклиги, мардилиги, жасорати ҳамда улкан тарихий хизматлари мамлакатнинг ҳар бир фарзанди тилида ва дилида эканлиги, ўтмиш даврининг қийинчиликлари, ўзлигини топаётган давлат мафкурасини яратиш, халқаро аренада ўз нуфузини топиш, тинчлигини сақлаш ва миллатлараро тотувликни таъминлаш каби масъулиятли вазифалар бу инсоннинг елкасига юк бўлиб тушгани, умрининг охирига қадар бу ишларни шараф билан уддалаб ўтгани борасида атрофлича фикр юритилди.

19.01.2018. Мамлакатимизда ёшларга оид давлат сиёсатини амалга ошириш жараёнида навқирон авлод вакилларини ҳар томонлама қўллаб-қувватлаш, уларнинг ҳуқуқ ва манфаатларини ҳимоя қилишга алоҳида эътибор қаратилмоқда.
Ўзбекистон Касаба уюшмалари федерациясининг Ёшларга оид давлат сиёсатини амалга ошириш юзасидан чора-тадбирлар дастурида белгиланган вазифалар ижроси доирасида таълим муассасаси касаба уюшмалари фаолиятини ривожлантиришда фаол иштирок этаётган ва эҳтиёжманд оилалардан бўлган талабаларни рағбатлантириш мақсадида олий ўқув юртида таҳсил олаётган ёшларга касаба уюшмалари стипендияси жорий этилгани ҳам бунинг яққол тасдиғидир.
Танловда Термиз давлат университети техника факультети 2-курс талабаси Отабек Темиров ғолиб бўлди. У олти ой давомида энг кам ойлик иш ҳақининг беш баробари миқдорида касаба уюшмалари стипендиясини олади.
– Университетимизда биз, ёшларнинг замонавий таълим олишимиз, истеъдод ва салоҳиятимизни кенг намоён этишимиз учун барча шароит яратилган, – дейди Отабек. – Жамоат ишларидаги иштироким ва ўқиш даврида эришаётган ютуқларим эътироф этилганидан хурсандман. Бу стипендия мени янада кўпроқ изланиш, ўзим танлаган касб сирларини пухта ўрганиш ва етук мутахассис бўлишга ундайди.

Жорий йилнинг 13-15 январь кунлари касаба уюшмалари томонидан таълим тизимида 2017 йил давомида ўз соҳаси бўйича юқори натижаларга эришган 50 нафар устоз-мураббийлар ва нуронийлар учун Бухоро вилоятига ички туризм саёҳати уюштирилди.

13.01.2018. Сурхондарё вилоят касаба уюшмалари ташкилотлари бирлашмаси аппарати ходимлари  14 январь «Ватан ҳимоячилари куни» байрами муносабати билан Термиз шаҳар Хотира майдонидаги “Мотамсаро она” монументи пойига гулчамбар қўйиш маросимида иштирок этдилар.   

03.01.2018. Бугунги кунда Сурхондарё замини Ал Хаким Ат–Термизий, Исо Ат–Термизий, Султон саодат, Кокилдор ота, Суфи Аллаёр, Фаёзтепа, Далварзинтепа, Термиз археология музейи ва Сангардак шаршараси каби қадамжоларга эга очиқ осмон остидаги музей саналади.
Вилоят касаба уюшмалари ташкилотлари бирлашмаси ва туман (шаҳар) Кенгашлари томонидан Ўзбекистон Республикаси Президентининг 2017 йил 28 декабрь “2018 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги ПФ-5290-сон Фармонидан оқилона фойдаланган ҳолда, жорий йилнинг 1-3 январь кунлари вилоят ҳудудида жойлашган юқорида номлари келтирилган тарихий обида ва зиёратгоҳларига ички-туристик саёҳатлар уюштирилди. Тадбирлар мақсади – фуқаролар, меҳнат жамоалари ва уларни оила аъзоларининг тўлақонли дам олишини ташкиллаштириш ва ички туризмни ривожлантиришдир.
Мазкур тадбирларда мутахассис (гид)лар Денов, Олтинсой, Сариосиё, Узун, Термиз, Шеробод тумани ва Термиз шаҳридан 390 нафар турли касб эгалари ҳамда уларнинг оила аъзоларига ташриф буюрилган қадамжоларнинг тарихи ва аҳамияти тўғрисида атрофлича тушунчалар бериш орқали уларнинг мазмунли дам олиши таъминланди.
Шунингдек, зиёратгоҳларда саёҳат иштирокчилари муҳтарам Президентимизнинг номларига дуо қилишиб, мамлакат равнақи ва халқ манфаатлари йўлида амалга ошираётган ишларида омадлар тилашди.