Сурхондарё вилояти Олтинсой туманида касаба уюшмалари томонидан ажратилган маблағлар эвазига «SERDSE MIRA» масъулияти чекланган жамияти томонидан хотин-қизларга нон ва қандолатчилик махсулотлари ишлаб чиқариш йўналишида янги иш ўринлари яратилмоқда.
Сурхондарё вилоят касаба уюшмалари ташкилотлари бирлашмаси раиси А.Ахмедов ва Ўзбекистон Олий Мажлиси Сенат аъзоси А.Соатов Олтинсой туманида хотин-қизлар учун янгидан ташкил этилган «OLTINSOY ZIF TEXTIL» масъулияти чекланган жамияти ишчи ходимлари билан учрашиб суҳбатлашмоқдалар.
Термиз шаҳри ҳамда Олтинсой туманида сектор раҳбарлари ҳамда мутасадди идоралар вакилларидан ташкил топган ишчи гуруҳлар томонидан ҳудуддаги ҳар бир хонадондаги ижтимоий-иқтисодий ҳолат бўйича ўрганиш ишлари олиб борилмоқда. Ўрганишлар жараёнида ёшлар ва аёллар билан бевосита юзма-юз мулоқот қилиниб, уларнинг эҳтиёжлари, қизиқишлари ва муаммолари аниқланмоқда.
Мамлакат Президенти томонидан 2020 йил 8 октябрь куни ўтказилган видеоселектор йиғилишида жамиятда аёллар ва ёшларнинг ролини ошириш ҳамда бандлигини таъминлаш чора-тадбирлари муҳокамаси бўйича берилган топшириқлари ижросини таъминлаш мақсадида Сурхондарё вилоятининг Термиз шаҳри ҳамда Олтинсой туманида тизимли ишлар амалга оширилмоқда.
Туманда ижтимоий химояга муҳтож, жамиятда ўз ўрнини топа олмаётган ёшлар ва хотин-қизларни қўллаб-қувватлаш, уларни иш билан таъминлаш ҳамда бўш вақтларини мазмунли ўтказилишини таъминлаш мақсадида “Аёллар дафтари” ва “Ёшлар дафтари” тизимларини жорий этиш бўйича ҳудудий секторлар кесимида штаблар ташкил этилиб вазифалари белгилаб берилди.
Ишчи гуруҳи томонидан хатлов ўтказиш жараёнида ҳудуддаги ёшлар ва хотин-қизларнинг қобилиятларига ҳамда меҳнат бозоридаги талаб юқори бўлган касбларга қараб уларнинг касб ўрганиши, ишга жойлашиши, ўзини ўзи банд қилиши учун моддий ва ижтимоий томондан кўмаклашиш, ижтимоий, ҳуқуқий ва психологик қўллаб-қувватлашга ҳамда билим ва касб ўрганишга эҳтиёжи ва иштиёқи бор бўлган ишсиз ёшлар ва хотин-қизлар таркиби аниқланмоқда.
Жорий йилнинг 21 октябрь куни Ўзбекистон касаба уюшмалари Федерацияси кенгаши аппаратининг меҳнат инспекцияси Сурхондарё вилояти бўйича меҳнат инспектори З.Холов ахборот технология ва оммавий коммуникация касаба уюшмаси Республика кенгаши бош юрисконсульти Абдувохид Ахмедов билан биргаликда Ўзбекистон почтаси АЖ ва Ўзбектелеком АК Сурхондарё филиали ходимлари иштирокида Касаба уюшмалари тўғрисидаги Ўзбекистон республикаси қонунининг мазмун-моҳияти ҳамда меҳнат қонунчилигига риоя қилиш хақида давра суҳбати ўтказишди.
19.10.2020йил. Ўзбекистон давлат муассасалари ва жамоат хизмати ходимлари касаба уюшмаси Термиз шаҳар Кенгаши томонидан Ўзбекистон Республикаси Маданият Вазирлиги Республика Бахшичилик санъати маркази давлат муассасаси жамоасида бошланғич касаба уюшмаси қўмитаси ташкил этилиб 23 нафар ходимлар аъзоликга олинди.
Термиз шаҳар “Баркамол авлод” болалар ижодиёти марказида Маҳалла ва оилани қўллаб-қувватлаш вазирлиги вакили З.Жўраева, Термиз шаҳар ҳокими ўринбосари К.Ашуров, хотин-қизлар масалалари бўйича маслаҳатчи М.Кенжаева, Ёшлар ишлари агентлиги мутахассиси З.Абдусаттаров, Ўзбекистон касаба уюшмалари Федерацияси бош мутахассиси Н.Дадажонов, вилоят касаба уюшмалари ташкилотлари бирлашмаси бўлим бошлиғи Х.Норқулов ва тегишли ташкилотлар масъулларидан таркиб топган ишчи гуруҳлар аъзолари иштирокида ўқув семинари бўлиб ўтди.
Тадбирда маҳаллаларда ташкил этилган ишчи гуруҳлар аъзоларига “Аёллар дафтари” ва “Ёшлар дафтари”ни шакллантиришда амалга оширилиши лозим бўлган вазифалар, анкета-сўровномада мавжуд саволларга бандма-банд тўхталиниб, батафсил тушунтириб берилди.
Хусусан туман, шаҳарлар кесимида уйма-уй юриш орқали ижтимоий, ҳуқуқий, психологик қўллаб-қувватлашга, билим, касб-ҳунар ўрганишга эҳтиёжи ва иштиёқи бор бўлган ишсиз ёшлар ҳамда хотин-қизлар билан бевосита суҳбатлашиш орқали саволномаларни сифатли тўлдиришга алоҳида эътибор қаратишлари, вазифага масъулият билан ёндошиб, масалани ечими бўйича таклифлар ҳам қайд этиб боришлари айтиб ўтилди.
Йиғилиш якунида, иштирокчилар томонидан мавзуга доир берилган саволларга мутахассислар томонидан атрофлича жавоб берилди.
Ўзбекистон Республикаси “Касаба уюшмалари тўғрисида”ги Қонуннинг қабул қилиниши, ушбу Қонун билан касаба уюшмалари инспекциялари фаолиятининг қайта тикланиши, ўз навбатида касаба уюшмалари томонидан ходимларнинг ижтимоий-иқтисодий ҳуқуқ ва манфаатларини ҳимоя қилишнинг амалий жиҳатдан янги поғонага кўтарилишига, касаба уюшмаларининг бу борадаги фаолиятини тубдан такомиллаштирилишига ҳуқуқий замин яратди.
2020 йилги пахта йиғим-терими мавсумида пахтакорлар учун шарт-шароитлар яратиб берилиши, мавсум давомида болалар меҳнати ва мажбурий меҳнатга йўл қўйилмаслик юзасидан касаба уюшмаларининг жамоат назоратини ташкил қилиш тўғрисида Ўзбекистон касаба уюшмалари Федерацияси кенгашининг 2020 йил 04 сентябрь кунидаги №19-14”с”-сонли раёсат қарори қабул қилинди.
Мазкур қарор ва ҳукуматнинг бошқа қарорларини ижросини таъминлаш мақсадида Ўзбекистон касаба уюшмалари Федерацияси Меҳнат инспекциясининг Сурхондарё вилояти бўйича меҳнат инспекторлари томонидан пахта йиғим терими мавсумида пахтакорлар билан мавсумий меҳнат шартномалари ҳамда фуқаролик-ҳуқуқий тусдаги шартномаларни расмийлаштириш, Болалар меҳнати ва мажбурий меҳнатга йўл қўймаслик, терим учун иш ҳақини ўз вақтида ва тўлиқ тўланиши, ходимларнинг меҳнат ҳуқуқи таъминланиши устидан кундалик жамоатчилик назорати амалга оширилмоқда.
Жумладан, Меҳнат инспекцияси бошлиғи — Ўзбекистон касаба уюшмалари Федерация раиси ўринбосари Қ.Қирғизалиев жорий йилнинг 21-25 сентябрь кунлари Сурхондарё вилоятида бўлиб, вилоят касаба уюшмалари ташкилотлари бирлашмаси ходимлари билан ҳамда Олтинсой, Денов, Сариосиё, Узун, Шеробод ва Музработ туманларида тармоқ касаба уюшмаси кенгашлари раислари иштирокида мажбурий меҳнатга йўл қўймаслик мавзусида давра суҳбати ўтказдилар. Шунингдек, термичиларнинг ётоқ жойлари, шарт-шароитлари билан танишиб чиқди.
Ташкил этилган давра суҳбатида Ўзбекистон Республикаси Вазирлар Маҳкамасининг “2020 йил йил пахта ҳосилини йиғиб териб олиш ишларини уюшқоқлик билан ташкил этиш чора-тадбирлари тўғрисида” 2020 йил 8 сентябрдаги №545-сонли қарори ҳамда мазкур қарорнинг ижросини таъминлаш юзасидан 2020 йил 11 сентябрь куни Вазирлар Маҳкакмасида ўтказилган йиғилиш баёни, Ўзбекистон касаба уюшмалари Федерацияси кенгашининг 2020 йил 04 сентябрь кунидаги №19-14”с”-сонли раёсат қарори, ижтимоий-меҳнат масалалари бўйича уч томонлама комиссиянинг 2020 йил 07 сентябрдаги №3-сонли баённомаси мазмун ва моҳияти тушунтирилди.
16.10.2020йил. Ўзбекистон касаба уюшмалари Федерацияси кенгаши аппаратининг меҳнат инспекцияси Сурхондарё вилояти бўйича меҳнат инспектори томонидан Ўзбекистон Республикасида Болалар меҳнати ва мажбурий меҳнатдан фойдаланмаслик бўйича Сурхондарё вилояти Миллий мониторинг гуруҳи билан биргаликда Қумқўрғон тумани «Ҳалаки» маҳалла фуқаролар йиғини ҳудудида жойлашган «Гулистон МНЗ» фермер хўжалигида пахта йиғим — терими мавсумида теримчиларнинг меҳнат шароитлари, уларга меҳнат ҳақини ўз вақтида ва тўлиқ тўланиши, санитария маиший шароитлар яратилиши юзасидан мониторинг ўтказилди. Мониторинг натижасида мазкур фермер хўжалиги ҳудудидан 46085-сонли отряднинг 63 нафар теримчиларига 3-15 октябрь кунлари иккинчи теримда терилган пахта пулларининг ҳар бир килограмми учун 1000 сўмдан ҳақ тўлаб келинганлиги аниқланди. Ишчи гуруҳ томонидан ушбу камчилик бартараф этилиб, пахтакорларнинг терган 13 тонна пахталари учун қўшимча равишда 400 сўмдан жами 5 миллион 200 минг сўм тўлаб берилишига эришилди.
14.10.2020йил. Ўзбекистон касаба уюшмалари Федерацияси кенгаши аппаратининг меҳнат инспекцияси Сурхондарё вилояти бўйича меҳнат инспекторлари томонидан Ўзбекистон Республикасида болалар меҳнати ва мажбурий меҳнатдан фойдаланмаслик бўйича Сурхондарё вилояти миллий мониторинг гуруҳи билан биргаликда Узун туманидаги “Порлоқ Гулистон” фермер хўжалиги пахта даласидан жорий йилнинг 1-2 октябрь кунлари иккинчи терим учун 47 нафар теримчиларнинг 1543 кг терилган пахталари учун 1000 сўмдан пул тўланганлиги аниқланди. Ҳукумат қарорига кўра иккинчи теримда пахтанинг ҳар бир терилган килограми учун 1400 сўмдан ҳақ тўланиши белгиланган. Ишчи гуруҳ аъзоларининг аралашуви билан пахта далаларида меҳнат қилаётган 47 нафар теримчиларга терилган пахта учун фермер хўжалиги томонидан тўлаб берилмаган 400 сўмлик меҳнат ҳақлари бўлган жами 617 200 сўм маблағ қонуний тартибда тўлаб берилишига эришилди.