Узун туман таълим, фан ва маданият ходимлари касаба уюшмаси  кенгаши томонидан 2019 йил 21 август куни Халқ таълими ходимларининг анъанавий август шуъба ишлари доирасида касаба уюшма ташкилотчиларининг  навбатдаги август семинари бўлиб ўтди.

      Семинарда бошланғич касаба уюшма ташкилотчиларига “Ишонч” газетасида чоп этилган Ўзбекистон Республикаси “Касаба уюшмалари тўғрисида”ги Қонун лойиҳаси бўйича тушунтиришлар берилди ҳамда ушбу Қонун лойиҳасини  меҳнат жамоаларида кўриб чиқиш, муҳокама қилиш юзасидан йўл-йўриқлар кўрсатилди.

      Семинар иштирокчиларига ижтимоий тармоқда касаба уюшмаларининг фаолиятини кенг тарғибот қилиш, оммага тушунтириш ишларини олиб бориш мақсадида “Касаба уюшмаси ёрдам берди” (профсоюз помог) рукни касаба уюшмаларининг сайтида ташкил этилганлиги, унинг мақсади ва вазифалари тўғрисида маълумот берилди.

2019 йил 14 августь куни Агросаноат мажмуи ходимлари касаба уюшмаси Сариосиё туман кенгаши томонидан тумандаги Мурувват уйида истиқомат қилаётган  ногирон аёлларнинг холидан хабар олиб, уларга эсдалик совғалари берилди.

2019 йил 14 августь куни Агросаноат мажмуи ходимлари касаба уюшмаси Сариосиё туман кенгаши томонидан тумандаги “Эҳтиром” махалла фуқаролар йиғинида истиқомат қилувчи 2 нафар ногиронларнинг ҳолидан хабар олиб, уларга моддий ёрдам ва озиқ-овқат махсулотлари берилди.

Тумандаги ногиронлар ва махалла фуқаролар йиғини вакиллари кенгаш томонидан қилинган ёрдамлари учун самимий миннатдорчилик билдиришди.

Агросаноат мажмуи ходимлари касаба уюшмаси Шеробод туман кенгаши томонидан, бошланғич касаба уюшмалари фаолиятини низом талабларига мос равишда йўлга қўйиш мақсадида Шеробод ирригация бўлими, Шеробод қишлоқ хўжалиги касб-ҳунар коллежи, туман қишлоқ хўжалиги бўлими ҳамда Агросаноат қишлоқ хўжалиги касб-ҳунар коллежининг бошланғич касаба уюшмаларига амалий ёрдам кўрсатилди.

Агросаноат мажмуи ходимлари касаба уюшмаси Музработ туман кенгаши томонидан  фуқаро Рузиев Бахтиёр Эргашевичга чорвачиликни ривожлантириш учун йиллик 8 фоиз 3 йил муддатга тўрт миллион сўм миқдорида туман “Микрокредитбанк” томонидан кредит олиш учун хужжатларни расмийлаштиришда амалий ёрдам кўрсатилди.

Агросаноат мажмуи ходимлари касаба уюшмаси Музработ туман кенгаши томонидан хар ойининг иккинчи сешанбасида бошланғич касаба уюшмаларининг фаолиятини талаб даражасига мослигини ўрганиш мақсадида жамоа шартномаларини тузиш ва бошқа камчиликлари кўрсатилиб амалий ёрдам кўрсатилади

Агросаноат мажмуи ходимлари касаба уюшмаси Термиз шахар кенгаши томонидан 2019 йил 13 августь куни “Сурхондарёдонмахсулотлари” акциядорлик жамияти бошланғич касаба уюшма қўмитасининг хужжатлардаги камчиликлар ўрганиб чиқилди ва аниқланган хатоликлар жойида бартараф этилиб,  хужжатлар билан ишлаш юзасидан амалий ёрдам кўрсатилди.

Жорий йилнинг 9 августь куни Сурхондарё вилоят касаба уюшмалари ташкилотлари бирлашмасида “Касаба уюшмалари тўғрисида”ги Ўзбекистон Республикаси Қонунининг янги таҳрирдаги лойиҳасининг жамоатчилик муҳокамаси ўтказилди.

Жорий йилнинг 26 июль куни Ўзбекистон касаба уюшмалари Федерацияси томонидан  Жарқўрғон тумани Какайди қўрғонида жойлашган N-сонли ҳарбий қисмда тадбир ўтказилиб, тадбир доирасида  Ўзбекистон Республикаси Президентининг 5 та ташаббуслари бўйича ёшларни китобхонликка кенг жалб қилиш мақсадида ҳарбий қисм кутубхонасига касаба уюшмалари томонидан 200 дона  бадий китоблар, хотин-қизлар бандлиги масалалари бўйича ҳарбий хизматчиларнинг оила аъзоларига кичик тикув цехи ташкил этилиб, Ўзбекистон касаба уюшмалари Федерацияси томонидан 6 дона тикув машиналари топширилади.

Шунингдек, тадбир иштирокчилари  ҳарбийлар ва уларнинг оила аъзолари учун яратилган шарт-шароитлар билан танишдилар.