Сурхондарё вилоят касаба уюшмалари ташкилотлари бирлашмаси ташаббуси билан туманларда “Ижтимоий ҳимоя сўзда эмас, амалда бўлиши керак” мавзусидаги Давра суҳбати ташкил этилди. Унда вилоят касаба уюшма аппарати ходимлари, Республика кенгашларининг масъул ташкилотчилари, бирлашган қўмита, шаҳар, туман Кенгашлари раислари, бошланғич ташкилотлар иш берувчилари ҳамда фаоллари иштирок этди. Давра суҳбатини вилоят касаба уюшмалари ташкилотлари бирлашмаси туманларга бириктирилган маъсул ходимлари томонидан “Ишонч” газетасининг 2019 йил 27 июнь, пайшанба 78-79 сонларидаги таниқли ўзбек дипломати, йигирма тўрт йил Ташқи ишлар вазирлиги тизимида, шу жумладан, вазир ўринбосари, Ўзбекистоннинг Россиядаги ва Тожикистондаги Фавқулодда ва мухтор элчиси бўлиб ишлаган, айни пайтда Ўзбекистон Касаба уюшмалари Федерацияси ҳузурида янги ташкил этилган Ахборот-таҳлил маркази раҳбари Шоқосим Шоисломов билан “Халқ сўзи” мухбири Р. Алишеровнинг “Ижтимоий ҳимоя сўзда эмас, амалда бўлиши керак” номли мақоланинг мазмун-моҳияти тўғрисида тушунтириш бериб ўтди. Мақола доирасида касаба уюшмалари тизимида амалга оширилаётган ишлар, ходимларни ижтимоий-иқтисодий ҳимояси, ҳуқуқий кафолатлар, ходимлар ва уларнинг оила аъзоларини соғломлаштириш, дам олдириш борасидаги амалий ишлар билан бирга жамоа шартномаларига асосан ходимларга берилган имтиёзлар, уларга яратилган шарт-шароитлар бўйича нутқ сўзланди.

2019 йил 27 июнда “Ишонч” газетаси сахифаларида “Ижтимоий ҳимоя сўзда эмас, амалда бўлиши керак” мавзусида ёритилган мақолани вилоят касаба уюшмалари ташкилотлари бирлашмаси раиси А.Ахмедов томонидан бирлашма тизимидаги барча ходимлар ўртасида ўқиб эшиттирилди ва вилоятда амалга оширилган ишлар билан таништириб ўтдилар.

 

 

1). Президентимизнинг 2017 йил 12 сентябрдаги “Аҳолининг кам таъминланган қатламларини қўллаб қувватлашга оид қўшимча чора-тадбирлар тўғрисида”ги қарори ижроси доирасида 2017-2018 йилларда амалга оширилган ишлар:

• 65 нафар оилани янги уй-жой билан таъминлаш учун 6,9 млрд сўм;
• 490 нафар оиланинг уй-жойини таъмирлаш учун 5,5 млрд. сўм;
• 3010 нафар оилага электр маиший техника сотиб олишга 2,9 млрд сўм;
• 168 нафар бемор оила аъзоларига тиббий ёрдам кўрсатиш мақсадида
  640,1 млн. сўм.

 

2). Ўзбекистон Республикаси Вазирлар Маҳкамасининг 2017 йил
20 октябрь “Кам таъминланган оилаларни бандлик билан таъминлаш учун тижорат банклари томонидан микрокредитлар ажратиш тартиби тўғрисида”ги 857-сон қарори ижроси бўйича:

934 та оилага 8,9 млрд сўм миқдорида имтиёзли 4 фоизлик кредитлар ажратилди.

-томорқани ривожлантириш бўйича-           27 нафар оилага 274 млн. сўм;

-иссиқхона ташкил қилиш бўйича-                62 нафар оилага 604 млн сўм;

-парранда боқиш бўйича-                             24 нафар оилага 61 млн. сўм;

-қорамол боқиш бўйича-                               766 нафар оилага 7,4 млрд. сўм;

-тикувчилик ва бошқа йўналишларда-           55 нафар оилага 516 млн. сўм.

3). Ўзбекистон Касаба Уюшмалари Федерацияси Кенгашининг 2017 йил 12 апрелдаги Р-8/51 с-сонли “Касаба уюшмаларининг хайрия тадбирлари тўғрисида”ги қарорига асосан амалга оширилган ишлар:

46 жуфт келин-куёвларнинг никоҳ тўйлари ҳамда 355 нафар болаларнинг суннат тўйларида 1,1 млрд. сўм сарфланган.

4). 2018 йилда касаба уюшмалари ташкилотлари бирлашмаси тизимидаги санаторияларда:

Санаторияларда 4 мингдан зиёд вохадошларимиз соғлиги тикланди.

Ушбу мақсадларга касаба уюшмаларининг 5,4 млрд. сўмдан зиёд маблағлари йўналтирилди.

Бундан ташқари, жами 21 мингдан ортиқ болалар ва ўсмирлар дам олдирилиб соғломлаштирилди. Шундан 10 та болалар соғломлаштириш оромгоҳида 7 минг 391 нафардан зиёд ўғил-қизлар мириқиб хордиқ чиқарди. Ушбу мақсадларга жами 4,9 млрд. сўм сарфланди.

5). Вилоят ташқарисида ички туризм 2018 йилда 1865 нафар 872,5 млн. сўм шундан -350 млн. сўм касаба уюшмалари маблағидан, вилоят ичида
-10,5 минг нафар 111,0 млн. сўм шундан 43,4 млн. сўм касаба уюшмалари маблағлари ҳисобидан.

5 а). Вилоят касаба уюшмалари ташкилотлари бирлашмасига 2018 йил ва жорий йилнинг олти ойида жами 1429 та мурожаат келиб тушган ва уларнинг 85 фоизи ижобий хал этилган;

Қолган мурожаатлар бўйича ҳам ечимларини топиш чоралари кўрилмоқда.

Вилоят касаба уюшмалари ташкилотлари бирлашмасида “Энг намунали бошланғич ташкилот” кўрик-танлови якунларига бағишланган тадбир бўлиб ўтди. Тадбир доирасида бирлашма кенгаши фойесида танлов ғолибларининг намунали фаолиятлари юзасидан кўргазмалар ҳам ташкил этилди. Танловнинг вилоят босқичида 6 та тармоқдан аъзолар сони 100 нафаргача ва сони 100 нафардан ортиқ бўлган бошланғич ташкилотлар ўртасида алоҳида ўтказилиб , фахрли 1-ўринларни эгаллаган  жами 12 та бошланғич касаба уюшма ташкилотлари  вилоят касаба уюшмалари ташкилотлари бирлашмасининг фахрий ёрлиқ ва қимматбаҳо совғалари билан тақдирландилар ҳамда Республика финал босқичига йулланмани қўлга киритдилар.

 

 

Бешбулоқ-Сурхон-Шеробод оромгоҳида болалар мароқли ва мазмунли дам олмоқдалар. Болажонларнинг дам олишлари учун оромгоҳда барча шарт-шароитлар яратилган.

28.06.2019й. Ўзбекистон таълим, фан ва маданият ходимлари касаба уюшмаси тизимида “Корхона, ташкилот ва муассасалар фаолларининг хуқуқий маданиятини ошириш” мавзусида ўқув семинари ташкил этилди. Семинарда жамоа шартномаларини тузиш ва экспертизадан ўтказиш ҳамда меҳнат мухофазасига оид масалалар тушунтирилди.

Ўзбекистон давлат муассасалари ва жамоат хизмати ходимлари касаба уюшмаси Термиз шаҳар Кенгаши тизимидаги Статистика бошқармаси касаба уюшмаси қўмитаси томонидан жорий йилнинг 10-15 июнь кунлари спортнинг шахмат тури бўйича мусобақа ўтказилди.  Ғолиблар бошланғич касаба уюшмаси қўмитасининг эсдалик совғалари билан тақдирландилар.

Ўзбекистон давлат муассасалари ва жамоат хизмати ходимлари касаба уюшмаси Шеробод туман кенгаши томонидан болаларни ёзги таътилда дам олишлари учун “Беш булоқ – Сурхон -Шеробод” ормогоҳига олиб борилди.

Ўзбекистон давлат муассасалари ва жамоат хизмати ходимлари касаба уюшмаси Термиз шаҳар кенгаши тизимидаги адлия бошқармаси ходимларидан 33 нафари Бухоро шахрига саёҳатга олиб борилди.

18.06.2019 й. Тошкент давлат аграр университети Термиз филиали томонидан,  Муҳтарам Президентимиз Ш.Мирзиёев белгилаб берган 5 та муҳим ташаббус  доирасида ўтказилган маънавият-маърифат  ҳамда  спорт тадбирлари ғолиб ва совриндорларини тақдирлаш маросими ўтказилди.