O‘zbekiston Respublikasi Milliy gvardiyasi Qo‘mondon o‘rinbosarining 2025 yil 18 aprel kuni qabul qilingan 28-sonli farmoyishi ijrosini ta’minlash maqsadida Chavandozlar maktablari o‘rtasida ot sportining polo turi bo‘yicha Qashqadaryo va Surxondaryo viloyatlari jamoalari o‘rtasida mintaqaviy musobaqa yuqori saviyada tashkil etildi.

Ushbu musobaqa doirasida O‘zbekiston davlat muassasalari va jamoat xizmati xodimlari kasaba uyushmasi Surxondaryo viloyat Kengashi tarmog‘i tizimidagi  O‘zbekiston Respublikasi Milliy gvardiyasi Surxondaryo viloyat boshqarmasi, O‘zbekiston Yoshlar ishlari agentligi Surxondaryo viloyat boshqarmasi, O‘zbekiston Yoshlar ittifoqi Surxondaryo viloyat Kengashi, O‘zbekiston Kasaba uyushmalari Federatsiyasining Surxondaryo viloyat Kengashi hamda Surxondaryo viloyati Yilqichilik va Uloq ko‘pkari federatsiyalari vakillari faxriy mehmon sifatida tashrif buyurib, musobaqa jarayoniga maxsus rang bag‘ishladilar.

Musobaqaning saralash bosqichida Milliy gvardiya Qashqadaryo viloyati Chavandozlar maktabi, Milliy gvardiya Surxondaryo viloyati Chavandozlar maktabi, Qashqadaryo viloyati Qorabayir otchilik majmuasi hamda Surxondaryo viloyati Qorabayir otlari mahorat maktabi jamoalari o‘zaro bellashib, o‘z mahorat va salohiyatlarini namoyish etdilar.

Bellashuvlar natijalariga ko‘ra:

Milliy gvardiya Qashqadaryo viloyati Chavandozlar maktabi jamoasi musobaqaning 1-o‘rin sovrindori bo‘ldi va g‘oliblik sharafiga sazovor bo‘ldi;

Milliy gvardiya Qorabayir otlari mahorat maktabi jamoasi munosib tarzda 2-o‘rinni egalladi;

Milliy gvardiya Surxondaryo viloyati Chavandozlar maktabi jamoasi esa 3-o‘ringa sazovor bo‘ldi.

G‘olib va sovrindor jamoalar tashkilotchilar tomonidan maxsus diplom, kubok va esdalik sovg‘alari bilan munosib taqdirlandilar.

Musobaqa yuqori tashkiliy va sport ruhida o‘tkazilib, unda umumiy hisobda 16 nafar chavandoz ishtirok etdi hamda 300 nafardan ortiq sport muxlislari va tomoshabinlar musobaqa jarayonini qiziqish bilan kuzatdilar

Joriy yilning 26 aprel kuni “O‘zbekiston kasaba uyushmalari harakatining 120 yillik” bayrami munosabati bilan O‘zbekiston madaniyat, sport va turizm xodimlari kasaba uyushmasi Surxondaryo viloyat birlashgan qo‘mitasi tomonidan viloyat kasaba uyushmalari fidoyisi Tillo Mengliev xotirasiga bag‘ishlangan ayollar o‘rtasida voleybol sport musobaqasi o‘tkazildi. Musobaqa juda qizg‘in hamda har bir o‘rin uchun jamoalar astoydil kurash olib borishib 1-o‘rinni Termiz shahri jamoasi, 2-o‘rinni Sariosiyo tumani jamoasi va 3-o‘ringa Muzrabot tumani jamoasi sazovor bo‘ldilar. G‘oliblarga musobaqa tashkilotchilari tomonidan diplom hamda qimmatbaho sovg‘alar bilan taqdirlandilar.

 

«Besh tashabbus olimpiadasi» doirasida ta’lim muassasa o‘qituvchilari o‘rtasida «Sog‘lom tanda-sifatli ta’lim» shiori ostida O‘zbekiston kasaba uyushmalari Federatsiya kubogi uchun bugun Uzun tumanida ushbu musobaqaning tuman bosqichi o‘tkazildi. G‘oliblar tuman kasaba uyushmasi bo‘linmasining esdalik sovg‘alari va diplomlari bilan taqdirlandilar.

Unda Oliy sud va viloyat sudi fuqarolik ishlari bo‘yicha sudyalari, vohadagi tashkilot, muassasa va korxonalarning kadrlar masalalari bo‘yicha mutasaddilari, kasaba uyushma qo‘mitalari raislari ishtirok  etdi.

Seminarda viloyat sudi raisi o‘rinbosari – fuqarolik ishlari bo‘yicha sudlov hay’ati raisi Bahodir Jumaev, Oliy sud fuqarolik ishlari bo‘yicha sudlov hay’ati sudyasi Nurali Rahmonov, viloyat sudi fuqarolik ishlari bo‘yicha sudyasi Sherali Tog‘oev va boshqalar mehnat munosabatlari hamda unga rioya etish, fuqarolarning buzilgan mehnat huquqlarini himoyalash yuzasidan mamlakatimizda amalga oshirilayotgan ishlar haqida so‘z yuritdi. 

O‘tgan yil viloyatda sudlarga manfaatdor idoralar kiritgan da’vo arizalari tahlil qilinib, fuqarolarning buzilgan mehnat munosabatlarini tiklash bo‘yicha murojaat qilish tartiblari, sudgacha Mediatsiya to‘g‘risidagi qonun talablaridan keng foydalanish, korxona va tashkilotlarga xodimning buzilgan huquqlarini himoya qilish yuzasidan taqdimnomalar chiqarish to‘g‘risida atroflicha ma’lumot berildi. Xodim huquqlari o‘z vaqtida tiklanmagan hollarda sudlarga shaxs manfaatida da’vo arizasi berish, mazkur harakatlar ko‘pchilik byudjet tashkilotlarining to‘lanishi lozim bo‘lgan ortiqcha xarajatlaridan saqlab qolishi tushuntirildi.

Yuzaga kelayotgan mehnat nizolari dastlab xodim ishlagan yoki ishlayotgan korxona, muassasa va tashkilotning kasaba uyushmasida yoxud mehnat nizolari bo‘yicha komissiyalarida ko‘rib chiqilib, uning buzilgan huquqlarini tiklash choralarini ko‘rish, sudgacha bo‘lgan bosqichda nizolarga taraflar o‘rtasida kelishuv va Mediatsiya tartib-tamoyillari asosida yechim topish hamda xodimning huquqlarini tiklash, shuningdek, ularning mehnat qonunchiligida belgilangan va qonun bilan kafolatlangan huquqlarini ta’minlash yuzasidan fikr almashdi.

Tadbirda mehnat shartnomasini bekor qilish asoslari, qonunlarda, intizom to‘g‘risidagi ustav yoki nizomlarda nazarda tutilmagan intizomiy jazo choralarini qo‘llashga yo‘l qo‘ymaslik, xodim o‘z mehnat majburiyatini buzgan hollarda intizomiy yoki moddiy javobgarlikka tortilishi yoki mehnat qonunchiligi hamda boshqa huquqiy hujjatlarda nazarda tutilgan ta’sir choralarining qo‘llanilishi haqida tushuncha berildi.

Qiziqarli bahs-munozaralar asosida o‘tgan seminarda prokuratura organlarining fuqarolarning buzilgan huquqlarini tiklash borasida olib borayotgan ishlari, kasaba uyushmalari, kambag‘allikni qisqartirish va bandlik boshqarmasi davlat inspektorlarining intizomiy jazo choralarini qo‘llash yuzasidan ko‘rayotgan chora-tadbirlari to‘g‘risidagi ma’ruzalari ham tinglandi. Ishtirokchilarni qiziqtirgan savollarga atroflicha javob berildi.

O‘zbekiston sog‘liqni saqlash xodimlari kasaba uyushmasining Surxondaryo  viloyat Kengashi tasarrufidagi boshlang‘ich tashkilotlarida «Mening onam hamshira» rasmlar tanlovining tuman bosqichi bo‘lib o‘tdi.

Joriy yilning 19 aprel kuni Qiziriq tumanidagi 14-umumiy o‘rta ta’lim maktabining sport bazasida maktabgacha va maktab ta’limi tizimidagi ta’lim muassasalari o‘qituvchilari o‘rtasida “Besh tashabbus olimpiadasi” doirasida “Sog‘lom tanda-sifatli ta’lim” shiori ostida O‘zbekiston kasaba uyushmalari Federatsiyasi kubogi sport musoboqalarining tuman bosqichi o‘tkazildi.

Joriy yilning 16 aprel kuni Termiz shahrida Surxondaryo viloyati Sog‘liqni saqlash boshqarmasi, O‘zbekiston Sog‘likni  saqlash xodimlari kasaba uyushmasining Surxondaryo viloyat Kengashi hamda O‘zbekiston Hamshiralar Assotsiatsiyasi Surxondaryo viloyat bo‘linmasining qo‘shma qarorlariga asosan “Hamshira-2025 ko‘rik-tanlovi”ning viloyat bosqichi bo‘lib o‘tdi.

O‘tkazilgan ko‘rik-tanlovda 1-o‘rinni Termiz shahar tibbiyot birlashma 4-oilaviy poliklinika amalyotchi hamshirasi Mohimbonu Bahodirova, 2-o‘rinni  Denov tuman tibbiyot birlashma 10-oilaviy poliklinika patronaj hamshirasi Hadichabonu Bakoeva, 3-o‘rinni Respublika ixtisoslashtirilgan onkologiya va radiologiya ilmiy amaliy tibbiyot markazi Surxondaryo filiali onko-ginekologiya navbatchi hamshirasi Dilnoza Haydarovalar qo‘lga kiritishdi va tashkilotchilarning qimmatbaho sovg‘alari bilan taqdirlandi.

“Besh tashabbus olimpiadasi” doirasida Angor tumanidagi o‘qituvchilar o‘rtasida

 “Sog‘lom tanda – sifatli ta’lim” shiori ostida Kasaba uyushmasi kubogi sport musobaqalari bo‘lib o‘tdi.

Ta’lim va fan xodimlari kasaba uyushmasi tuman bo‘linmasi hamda Maktabgacha va maktab ta’limi hamkorligida o‘tkazilgan tadbirda sportning mini-futbol, shaxmat, shashka, stol tennisi va voleybol turi bo‘yicha musobaqalar o‘tkazildi.

Musobaqa yakunida mini-futbol bo‘yicha 1-o‘rinni 21-sonli umumta’lim maktabi, stol tennisi bo‘yicha 1-o‘rinni 9, 25-sonli umumta’lim maktablari,  shaxmat bo‘yicha 1-o‘rinni 8,13-sonli umumta’lim maktablari, shashka bo‘yicha 26, 28-sonli umumta’lim maktablari jamoasi egallashdi.

Yuqori natijalarni egallagan g‘olib jamoalarga hamkor tashkilotlarning sovg‘alari topshirildi.

Sherobod tuman Maktabgacha va maktab ta’limi bo‘limi, Ta’lim va fan xodimlari kasaba uyushmasi hamda tuman sport maktabi hamkorligida ta’lim muassasalari xodimlari o‘rtasida sog‘lom turmush tarzini targ‘ib etish, jamoalarda do‘stona muhitni mustahkamlash va sportga bo‘lgan qiziqishni yanada oshirish maqsadida “Kasaba uyushmasi kubogi” musobaqasining tuman bosqichi bo‘lib o‘tdi.

Ushbu musobaqa nafaqat sog‘lom raqobat muhitini yaratdi, balki ta’lim fidoyilarini sport maydonlarida birlashtirib, o‘zaro hamjihatlik va jamoaviylikni mustahkamladi.

G‘olib va faol ishtirokchilarga diplom va esdalik sovg‘alari topshirildi. Bunday tashabbuslar esa, albatta, sog‘lom jamiyat va samarali ta’lim sari dadil qadamdir!