Ўзбекистон Республикасининг олис, чекка қишлоқлари, табиий газ етиб бормаган ҳудудларида истиқомат  қилувчи кам таъминланган оилаларни қўллаб-қувватлаш  мақсадида   Шўрчи туман  Агросаноат мажмуи ходимлари  касаба уюшма кенгаши   томонидан 2018  йилнинг  22 февраль  куни  кам таъминланган, касалманд, боқувчисини йўқотган  36 нафар оилаларга газ баллон ва газ  плиталари тарқатилди. 

15.02.2018. Ангор туманидаги Болалар ва ўсмирлар спорт мактабида “Соғлом оила” шиори остида спорт мусобақаси бўлиб ўтди. Ўтказилган мусобақада 10 та оила иштирок этиб шулардан Химматовлар оиласи ғолиб бўлиб вилоятда бўлиб ўтадиган спорт мусобақасига йўлланмани қўлга киритишди. Мусобақа сўнгида ғолиб оилалар туман касаба уюшма кенгашининг диплом ва эсдалик совғалари билан тақдирландилар.

14.02.2018. Ангор туманидаги 3-умумий ўрта таълим мактабида “Соғлом оила” шиори остида спорт мусобақаси бўлиб ўтди. Ўтказилган мусобақада 5 та оила иштирок этиб шулардан Қулмирзаевлар оиласи ғолиб деб топилиб вилоятда бўлиб ўтадиган спорт мусобақасига йўлланмани қўлга киритишди. Мусобақа сўнгида ғолиб оилалар бошланғич касаба уюшма қўмитасининг диплом ва эсдалик совғалари билан тақдирландилар.

9.02.2018й. Ангор туманидаги барча таълим муассасаларида маънавиятининг буюк сиймоси  Мир  Алишер Навоийнинг туғилган куни (1441-1501) муносабати билан  таълим, фан ва маданият ходимлари  касаба уюшмаси  Ангор туман   кенгаши ташаббуси билан  тадбир бўлиб ўтди. Тадбирда барча бошланғич касаба уюшма қўмитаси раислари фаол иштирок этишди.

5.02.2018   Ўзбекистон Республикаси Президентининг 2017 йил 12 сентябрдаги «Аҳолининг кам таъминланган қатламларини қўллаб қувватлаш бўйича қўшимча чора тадбирлар тўғрисида» ги ПК-3268-сонли қарори ижроси юзасидан Шеробод тумани Агросаноат мажмуи ходимлари касаба уюшмаси кенгаши  кам таъминланган хонадонларни ўрганиб чиқиб  қарор ижроси бўйича жадал ишлар олиб бормоқда.

30.01.2018  Ангор туман таълим, фан ва маданият ходимлари касаба уюшмаси кенгаши ташаббуси билан Биринчи Президентимиз Ислом Абдуғаниевич Каримов туғилган кунининг 80 йиллигини кенг нишонлаш мақсадида    тумандаги барча таълим муассасалари ходимлари ҳамда бошланғич касаба уюшма қўмитаси раислари иштирокида тадбир бўлиб ўтди. Тадбир давомида Биринчи Президентимизнинг ҳаёти ва фаолиятига  бағишланган маърузалар тингланди.

25.01.2018.Вилоят касаба уюшмалари ташкилотлари бирлашмаси мажлислар залида Ўзбекистон Республикасининг Биринчи Президенти, буюк давлат ва сиёсат арбоби Ислом Абдуғаниевич Каримов таваллудининг 80 йиллиги муносабати билан хотира тадбири ўтказилди.
Унда касаба уюшмалари фаоллари, олий таълим муассасалари талаба ёшлари ва Биринчи Президент билан бевосита мулоқотда бўлган нуронийлар ва шахслар иштирок этишди.
Тадбир давомида Ўзбекистон Республикасининг Биринчи Президенти, буюк давлат ва сиёсат арбоби Ислом Абдуғаниевич Каримовнинг она Ватанимиз мустақиллиги, эл-юртимиз равнақи ва халқ тинчлиги йўлидаги кўрсатган довюраклиги, мардилиги, жасорати ҳамда улкан тарихий хизматлари мамлакатнинг ҳар бир фарзанди тилида ва дилида эканлиги, ўтмиш даврининг қийинчиликлари, ўзлигини топаётган давлат мафкурасини яратиш, халқаро аренада ўз нуфузини топиш, тинчлигини сақлаш ва миллатлараро тотувликни таъминлаш каби масъулиятли вазифалар бу инсоннинг елкасига юк бўлиб тушгани, умрининг охирига қадар бу ишларни шараф билан уддалаб ўтгани борасида атрофлича фикр юритилди.

19.01.2018. Мамлакатимизда ёшларга оид давлат сиёсатини амалга ошириш жараёнида навқирон авлод вакилларини ҳар томонлама қўллаб-қувватлаш, уларнинг ҳуқуқ ва манфаатларини ҳимоя қилишга алоҳида эътибор қаратилмоқда.
Ўзбекистон Касаба уюшмалари федерациясининг Ёшларга оид давлат сиёсатини амалга ошириш юзасидан чора-тадбирлар дастурида белгиланган вазифалар ижроси доирасида таълим муассасаси касаба уюшмалари фаолиятини ривожлантиришда фаол иштирок этаётган ва эҳтиёжманд оилалардан бўлган талабаларни рағбатлантириш мақсадида олий ўқув юртида таҳсил олаётган ёшларга касаба уюшмалари стипендияси жорий этилгани ҳам бунинг яққол тасдиғидир.
Танловда Термиз давлат университети техника факультети 2-курс талабаси Отабек Темиров ғолиб бўлди. У олти ой давомида энг кам ойлик иш ҳақининг беш баробари миқдорида касаба уюшмалари стипендиясини олади.
– Университетимизда биз, ёшларнинг замонавий таълим олишимиз, истеъдод ва салоҳиятимизни кенг намоён этишимиз учун барча шароит яратилган, – дейди Отабек. – Жамоат ишларидаги иштироким ва ўқиш даврида эришаётган ютуқларим эътироф этилганидан хурсандман. Бу стипендия мени янада кўпроқ изланиш, ўзим танлаган касб сирларини пухта ўрганиш ва етук мутахассис бўлишга ундайди.