2026 йил 6 май куни Ўзбекистон таълим ва фан ходимлари касаба уюшмаси Шеробод туман бўлинмаси томонидан 9 май — Хотира ва қадрлаш куни муносабати билан байрам тадбири ташкил этилди. Унда бир гуруҳ байналмилалчи жангчилар ҳамда меҳнат фахрийлари иштирок этди.

Тадбирда Ўзбекистон таълим ва фан ходимлари касаба уюшмасининг Сурхондарё вилояти бўйича масъул ташкилотчиси Б.Н.Холяров қатнашиб, йиғилганларни айём билан қутлади. Тадбир якунида фахрийларга касаба уюшмасининг эсдалик совғалари топширилди.

Joriy yilning 5 may kuni «Amudaryo» bolalar sog‘lomlashtirish oromgohida «9 may – Xotira va qadrlash kuni» munosabati bilan kasaba uyushmalari faxriysi Bo‘ri Allamurodov xotirasiga bag‘ishlangan shaxmat bo‘yicha ochiq turnir bo‘lib o‘tdi.

Mazkur sport tadbiri O‘zbekiston kasaba uyushmalari Federatsiyasining Surxondaryo viloyati kengashi hamda Davlat muassasalari va jamoat xizmati xodimlari kasaba uyushmasi viloyat kengashi hamkorligida tashkil etildi. Musobaqada viloyatdagi turli tashkilot va muassasalarda faoliyat yuritayotgan xodimlar hamda faxriylar o‘zaro kuch sinashdilar.

Qizg‘in va murosasiz bahslarga boy o‘tgan turnir yakunlariga ko‘ra, quyidagi ishtirokchilar g‘oliblikni qo‘lga kiritdilar:

• 1-o‘rin: Temur Boboqulov – Termiz agrotexnologiyalar va innovatsion rivojlanish instituti o‘qituvchisi;
• 2-o‘rin: Mahmud Zaripov – Sariosiyo tumanidan mehnat faxriysi;
• 3-o‘rin: Olmos Xo‘shboqov – Toshkent tibbiyot akademiyasi Termiz filiali talabasi.

Musobaqa g‘olib va sovrindorlari tashkilotchilar tomonidan I, II, III darajali diplomlar, medallar hamda qimmatbaho esdalik sovg‘alari bilan taqdirlandilar

Joriy yilning 4 may kuni “Amudaryo” bolalar oromgohida “9 may – Xotira va qadrlash kuni” munosabati bilan kasaba uyushmasi faxriysi Ximoyiddin Sharofutdinov xotirasiga bag‘ishlangan ochiq turnir o‘tkazildi. O‘zbekiston kasaba uyushmalari Federatsiyasining Surxondaryo viloyati kengashi hamda O‘zbekiston tadbirkorlik, biznes va xizmat ko‘rsatish sohasi xodimlari kasaba uyushmasi Surxondaryo viloyat birlashgan qo‘mitasi hamkorligida tashkil etilgan ushbu musobaqada viloyatdagi tashkilot va muassasalarda mehnat qilib kelayotgan xotin-qizlar sportning shaxmat turi bo‘yicha o‘zaro kuch sinashdilar.

Qizg‘in bahs va murosasiz kurashlarga boy bo‘lgan musobaqa yakunlariga ko‘ra, 1-o‘rinni Xosiyat Ashurova, 2-o‘rinni Gulshod Turdiqulova va 3-o‘rinni Hayitgul Safarova qo‘lga kiritdi. Musobaqa g‘olib va sovrindorlariga tashkilotchilarning I, II, III darajali diplom hamda medallari, shuningdek, qimmatbaho sovg‘alari topshirildi.

Qiziriq tumanida Maktabgacha va maktab ta’limi vazirligi tizimidagi muassasalar xodimlari o‘rtasida “Sog‘lom tanda — sifatli ta’lim” shiori ostida Kasaba uyushmasi kubogi musobaqalari yuqori saviyada tashkil etildi.

“Besh tashabbus olimpiadasi” doirasida o‘tgan mazkur bellashuvlarda pedagog xodimlar sportning mini-futbol, shaxmat, shashka, stol tennisi hamda voleybol turlari bo‘yicha o‘zaro kuch sinashdilar. Musobaqa nafaqat g‘oliblarni aniqlash, balki soha xodimlari o‘rtasida sog‘lom turmush tarzini keng targ‘ib etishga xizmat qildi.

30-aprel kuni Uzun tumanida ta’lim tizimida faoliyat yuritayotgan ayol xodimlar o‘rtasida voleybol bo‘yicha “Maktabgacha va maktab ta’limi vaziri kubogi” musobaqasining tuman bosqichi o‘tkazildi.

O‘zbekiston Respublikasi Prezidentining 2024-yil 19-iyuldagi PQ-274-son qarori ijrosini ta’minlash maqsadida tashkil etilgan mazkur tadbir yuqori saviyada tashkil etildi. Sport bahslarida tumandagi maktabgacha va maktab ta’limi tashkilotlaridan jami 52 ta eng kuchli jamoa o‘zaro bellashdi.

Qizg‘in va murosasiz kechgan bahslar yakuniga ko‘ra quyidagi jamoalar g‘oliblikni qo‘lga kiritdi:

• 🥇 1-o‘rin: 24-sonli maktab jamoasi;
• 🥈 2-o‘rin: 27-sonli maktab jamoasi;
• 🥉 3-o‘rin: 38 va 12-sonli maktab jamoalari.

G‘olib jamoalar tashkilotchilar tomonidan munosib taqdirlandilar va musobaqaning viloyat bosqichiga yo‘llanma oldilar.

Bugun, 30-aprel kuni Angor tumani Maktabgacha va maktab ta’limi bo‘limi tizimida faoliyat ko‘rsatayotgan ayol xodimlar o‘rtasida voleybol bo‘yicha “Vazir kubogi” musobaqasining tuman bosqichi bo‘lib o‘tdi. Tumandagi Sport maktabida yuqori saviyada tashkil etilgan ushbu bellashuvda maktab va maktabgacha ta’lim muassasalarining ustoz hamda tarbiyachilari ishtirok etishdi.

Ishtirokchilar sportga bo‘lgan qiziqishlari, jamoaviy hamjihatlik va yuqori mahoratlarini namoyon etdilar. Qizg‘in kechgan bahslarning yakuniy natijalari quyidagicha ko‘rinish oldi:

🥇 1-o‘rin – 37-maktab jamoasi;
🥈 2-o‘rin – 33-maktab jamoasi;
🥉 3-o‘rin – 5-maktab jamoasi.

G‘olib va sovrindor jamoalar tuman Maktabgacha va maktab ta’limi bo‘limi hamda Ta’lim va fan xodimlari kasaba uyushmasi tuman bo‘linmasi tomonidan faxriy yorliq va esdalik sovg‘alari bilan taqdirlandilar.

 

O‘zbekiston kasaba uyushmalari Federatsiyasining Surxondaryo viloyati Kengashi majlislar zalida 28 aprel – Butunjahon mehnatni muhofaza qilish kuni munosabati bilan “Sog‘lom psixologik-ijtimoiy ish muhitini ta’minlaylik” mavzusida davra suhbati o‘tkazildi.

Tadbirda Tadbirkorlik, biznes va xizmat ko‘rsatish sohalari xodimlari kasaba uyushmasi Respublika Kengashi raisi o‘rinbosari Shavkat Qodirov, O‘zbekiston kasaba uyushmalari Federatsiyasi apparatining Mehnatni muhofaza qilish bo‘limi mudiri o‘rinbosari Husan Mirsaidov, viloyat hokimligi boshqarmalari va aloqador idora va tashkilotlar vakillari ishtirok etdilar. Shuningdek, tarmoq kasaba uyushmalari Respublika Kengashining viloyat bo‘yicha mas’ul tashkilotchilari, tuman va shahar kengashlari raislari, uch tomonlama komissiya a’zolari, yirik ish beruvchilar hamda mehnatni muhofaza qilish mutaxassislari qatnashdilar.

Davra suhbatini O‘zbekiston kasaba uyushmalari Federatsiyasi Surxondaryo viloyati Kengashi raisi o‘rinbosari Qobiljon Bobolov olib bordi. Tadbirda psixologik-ijtimoiy ish muhitining ahamiyati va xodimlar uchun xavfsiz mehnat sharoitlarini yaratish masalalari atroflicha muhokama qilindi.

 

Joriy yilning 28 aprel kuni «Amudaryo» bolalar sog‘lomlashtirish oromgohida «9 may – Xotira va qadrlash kuni»ga bag‘ishlangan sport musobaqasi bo‘lib o‘tdi. Mazkur xotira turniri Surxondaryo viloyati kasaba uyushmalari birlashmasining sobiq raisi, marhum Anvar Xasanovich Astanaqulov yodgorligiga bag‘ishlandi.

Tadbir O‘zbekiston kasaba uyushmalari Federatsiyasining Surxondaryo viloyati kengashi hamda O‘zbekiston Agrosanoat majmui xodimlari kasaba uyushmasi Respublika Kengashining viloyat bo‘yicha mas’ul tashkilotchisi hamkorligida tashkil etildi. Musobaqada agrar sohada mehnat qilayotgan xotin-qizlar sportning stol tennisi turi bo‘yicha o‘zaro kurash olib bordilar.

Qayd etish joizki, aprel oyi davomida turnirning tuman va shahar bosqichlarida 2 mingdan ortiq ayollar ishtirok etdi. Bu esa musobaqaning nufuzi va saviyasi yuqori ekanligidan dalolat beradi. Viloyat bosqichiga yo‘llanma olgan, tuman va shaharlardan saralangan 47 nafar eng kuchli sportchi xotin-qizlar g‘oliblik uchun bahslashdilar.

Qizg‘in va murosasiz kechgan o‘yinlar yakunida g‘olib va sovrindorlar aniqlandi. Tashkilotchilar tomonidan ularga I, II, III darajali diplomlar, medallar hamda qimmatbaho esdalik sovg‘alari tantanali ravishda topshirildi.

Joriy yilning 28 aprel kuni O‘zbekiston davlat muassasalari va jamoat xizmati xodimlari kasaba uyushmasi Surxondaryo viloyat kengashi tizimidagi Surxondaryo viloyati Favqulodda vaziyatlar boshqarmasida «28 aprel — Butunjahon mehnatni muhofaza qilish kuni» munosabati bilan davra suhbati tashkil etildi.

Tadbir davomida ishtirokchilarga mamlakatimiz bo‘ylab ushbu sana doirasida amalga oshirilayotgan chora-tadbirlar hamda mehnat xavfsizligini ta’minlash borasidagi yangiliklar haqida batafsil ma’lumot berildi. Shuningdek, muloqot davomida xodimlar tomonidan korxona va tashkilotlarda O‘zbekiston Respublikasining «Mehnatni muhofaza qilish to‘g‘risida»gi Qonuni talablarining hayotga tadbiq etilishi, xavfsiz mehnat sharoitlarini yaratish va baxtsiz hodisalarning oldini olish yuzasidan berilgan ko‘plab savollarga mutaxassislar tomonidan atroflicha javob qaytarildi