Жорий йилнинг 3 март куни вилоят касаба уюшмалари ташкилотлари бирлашмаси томонидан “Спорт-саломатлик гарови” шиори остида спартакиаданинг вилоят босқичи ўтказилди.

Мазкур мусобақанинг вилоят босқичида  Термиз шаҳар ва туман босқичларида ғолибликни қўлга киритган 200 нафарга яқин ишчи-ходимлар спортнинг шахмат, шашка, стол тенниси, бадментон ва волейбол турлари бўйича ўзаро беллашдилар.

Мусобақа сўнгида спортнинг барча турлари бўйича 1-2-3-ўринни қўлга киритган ғолибларга ҳамда қуйидаги “Энг ёши улуғ иштирокчи”, “Энг маҳоратли ҳаваскор спортчи”, “Ғалабага бўлган интилиши учун”, “Энг ёш иштирокчи” (эркак,аёллар ўртасида) қўшимча номинациялари бўйича мусобақа иштирокчиларига вилоят касаба уюшмаларининг эсдалик совғалари ва дипломлари топширилди.

 

 

Жорий йилнинг  17 февраль  куни  “Спорт саломатлик гарови”  шиори остида  Ангор туман касаба уюшма ташкилотлари  ходимлари ўртасида спартакиада бўлиб ўтди. Тадбирда тиббиёт ва таълим муассасалари ходимлари фаол иштирок этишди ва вилоят босқичига  йўлланмани  қўлга киритишди.

Жорий йилнинг 8 феврал куни Ангор туман 1-умумий ўрта таълим мактабида  А.Навоий  таваллудининг  576  йиллиги  муносабати билан мактаб ўқувчилари орасида маънавий-маърифий тадбир ўтказилди.

Тадбирда  А.Навоий  ҳаёти ва ижодидан савол-жавоблар , ғазалхонлик айтишувлари ҳамда театрлаштирилган саҳна кўринишлари намоиш қилинди.

Ангор тумани  касаба уюшма  кенгаши томонидан фаол иштирок этган ёшлар эсдалик совғалари ва фахрий ёрлиқлари  билан тақдирландилар

Корхона, ташкилот ва муассасаларда фаолият кўрсатаётган ходимларни спортнинг оммавий турларига кенг жалб этиш, улар ўртасида соғлом турмуш тарзини тарғиб қилиш,  шунингдек, турли касб касалликларидан спорт ва соғлом турмуш тарзи орқали муҳофаза қилиш  мақсадида жорий йилнинг 19 январь куни Қизириқ туманидаги  20-сонли умумий ўрта таълим мактабидаги ишчи-ходимлар ўртасида “Спорт – саломатлик гарови” шиори остида шахмат, шашка, стол тенниси ва волейбол турлари бўйича спартакиада  ўтказилди. Ғолиб ва иштирокчиларига таълим, фан ва маданият ходимлари касаба уюшмаси туман кенгашининг эсдалик совғалари топширилди.

Жорий йилнинг 14 январь куни  Ўзбекистон Республикаси Қуролли Кучларининг 25 йиллиги ҳамда Ватан ҳимоячилари куни байрами муносабати билан   касаба уюшмалари ташкилотлари томонидан “Касаба уюшмалари – ҳарбийларга” акцияси доирасида  ҳарбий қисмларга касаба уюшмалари томонидан рангли телевизорлар совға сифатида топширилди.

Жорий йилнинг 13-14 январь кунлари Ўзбекистон Республикаси Қуролли Кучларининг 25 йиллиги ҳамда “Ватан ҳимоячилари куни” байрами муносабати билан   касаба уюшмалари  томонидан “Касаба уюшмалари – ҳарбийларга” акцияси доирасида  ҳарбий қисмлардаги фаол ҳарбий хизматчиларга касаба уюшмаларининг эсдалик совғалари топширилди.

Жорий йилнинг 13 январь куни Ўзбекистон Республикаси Қуролли Кучларининг 25 йиллиги ва “14 январь – Ватан ҳимоячилари куни” байрамига бағишлаб Транспорт, йўл, капитал қурилиш, қурилиш индустрияси ходимлари касаба уюшмаси вилоят қўмитаси тизимидаги корхона, ташкилот, ўқув муассасалари ишчи-ходимлари ўртасида “Касаба уюшма соврини” учун мини футбол мусобақаси ўтказилиб, ғолиб ва иштирокчилар  касаба уюшмасининг эсдалик совғалари билан тақдирландилар.

Жорий йилнинг 12 январь куни  Ўзбекистон Республикаси Қуролли Кучларининг 25 йиллиги ҳамда Ватан ҳимоячилари куни байрами муносабати билан   касаба уюшмалари ташкилотлари томонидан “Касаба уюшмалари – ҳарбийларга” акцияси ўтказилиб, акция доирасида ҳарбий қисмга касаба уюшмалари томонидан видео камера совға сифатида топширилди.