11.09.2019й. “Баркамол авлод” болалар марказида вилоят Мувофиқлаштирувчи гуруҳи томонидан  2019 йил ёзги болаларни дам олдириш ва соғломлаштириш мавсуми якунлари бўйича   Анжумани ўтказилди.

Анжуманда “Энг намунали оромгоҳ-2019”, “Энг намунали кундузги соғломлаштириш майдончаси-2019”, “Энг ғамхўр тарбиячи”, “Энг  мохир тўгарак рахбари”,  “Энг фаол етакчи”, “Энг яхши спорт мураббийи”, “Энг яхши тиббиёт ходими”, “Энг яхши пазанда”, “Энг  фаол ички ишлар идораси ходими”, “Энг жонкуяр ҳоким”, “Энг  масъулиятли  ташкилотчи”, “Энг яхши оромгоҳ бошлиғи”   ҳамда “Энг ғамхўр хомий” номинациялари ғолиблари вилоят Мувофиқлаштирувчи гуруҳининг дипломлари ҳамда эсдалик совғалари билан тақдирландилар.

09.09.2019й. Музработ тумани “Янги хаёт” маҳалла фуқаролар йиғинида яшовчи 2-гурух ногирони Султонова Ойшага соғлигини тиклаш учун Агросаноат мажмуи ходимлари касаба уюшмаси Музработ туман кенгаши томонидан  қиймати беш юз минг сўм бўлган 20 турдаги дори-дармонлар олиб берилди.

 07.09.2019й. “Жонажон Ўзбекистоним, мангу бўл омон!” шиори остида  Ўзбекистон Республикаси давлат мустақиллигининг йигирма саккиз йиллигига бағишлаб Тошкент давлат аграр университети Термиз филиалида байрам тадбири ўтказилди. Тадбирда барча профессор ўқитувчилар ҳамда талаба ёшлар иштирок этишди.

Термиз шаҳар Ҳарбий госпитали касаба уюшма қўмитаси томонидан  Мамлакатимиз мустақиллигининг 28 йиллик байрами муносабати билан Термиз шаҳридаги 12- сонли Меҳрибонлик уйи тарбияланувчиларининг 15 нафарига мактаб ўқув қуроллари олиб берилди.

Сурхондарё вилояти касаба уюшмалари ташкилотлари бирлашмаси раиси А.Ахмедов Термиз туманидаги 35-сонли умутаълим мактабида 2019/2020 ўқув йили бошланиши муносабати билан “Жонажон Ўзбекистоним, мангу бўл омон” мавзусида  9-10-синф ўқувчиларига “Мустақиллик дарси”ни ўтди.

04.09.2019й. Ўзбекистон Республикаси давлат Мустақиллигининг йигирма саккиз йиллигига бағишлаб амалга ошириладиган, “Жонажон Ўзбекистоним, мангу бўл омон!” ғоясини ўзида мужассам этган ташкилий-амалий, маънавий-маърифий тарғибот-ташвиқот ишлари дастурини бажариш мақсадида Агросаноат мажмуи ходимлари касаба уюшмаси Термиз шахар кенгаши раиси Базаров Шахобиддин Чориевич томонидан Термиз шаҳридаги 10-умумтаълим мактаби ўқувчиларига “Мамлакатимизда олиб борилаётган ижтимоий ислоҳотлар ва уларнинг аҳамияти” мавзусида “Маънавият соати” ўтказилди.

04.09.2019й. Агросаноат мажмуи ходимлари касаба уюшмаси Жарқўрғон туман кенгаши томонидан тизимдаги бошланғич касаба уюшма қўмиталари ўртасида спортнинг футбол тури бўйича “Касаба уюшма биринчилиги” мусобақаси ўтказилди.

Мусобақада иштирок этганларнинг барчаси туман кенгашининг эсдалик совғалари билан тақдирландилар.

АТИБ “Ипотека банк” Сурхондарё филиали касаба уюшма қўмитаси томонидан  Давлатимиз мустақиллигининг 28 йиллик байрами муносабати билан 45 нафар ходимларни Самарқанд ва Бухоро шаҳарларини диққатга сазовор жойларига саёҳатлари уюштирилди.