Янги Ўзбекистон демократик ўзгаришлар, кенг имкониятлар ва амалий ишлар мамлакати бўлади.

Халқимиз етакчисининг шу юртда, бугунги кунда жаҳонда рўй бераётган воқеликка муносабати, фикри ва қарашлари одамларни жуда қизиқтиради. Президентимизнинг “Янги Ўзбекистон” газетаси бош муҳаррири Салим Дониёровнинг саволларига жавобларини кенг жамоатчилик томонидан катта қизиқиш ва кўтаринкилик билан кутиб олинди десак муболаға бўлмайди.
Мазкур интевюда кўтарилган долзарб масалалар ҳақиқатда шу миллат фарзандиман деб кўкрагига урган ҳар бир ёшу-қарини, хар бир йигит-қизни чуқур мулоҳазага чорлайди.
Мазкур интервьюда Президентимиз томонидан илгари сурилган ғоялар, ташаббусларнинг мазмун-моҳиятини аҳоли ўртасида кенг тарғиб қилиш мақсадида Ўзбекистон касаба уюшмалари Федерациясининг Сурхондарё вилоят бўлими раиси, Халқ депутатлари вилоят кенгаши депутати иштирокида жойларда учрашувлар, давра суҳбатлари ташкил этилиб келинмоқда.
Шу каби учрашувлардан бири Денов туманидаги Денов тадбиркорлик ва педагогика институтида педагоглар ва талабалар иштирокида ташкил этилди.
Тадбирда сўзга чиққанлар томонидан мухтарам Президентимизнинг “Янги Ўзбекистон демократик ўзгаришлар, кенг имкониятлар ва амалий ишлар мамлакатига айланмоқда” деб номланган интервьюсида мамлакатимизнинг мустақиллик йилларида босиб ўтган йиллари, бугунги шиддатли ўзгаришлар жараёни, глобал дунёдаги воқеликка теран муносабати ортиқча пафосларсиз, содда, оддий, халқчил тарзда кенг қамровда очиб берилганлиги, жамиятимиз ҳаётининг барча жабҳаларига дахлдор масалалар, мазкур йўналишларда қўлга киритилган ютуқлар муаммолари билан бирга батафсил баён этилгани билан аҳамиятли эканлиги таъкидлинди.
Интервьюда Президентимизнинг “менинг табиатим сохта ҳаётни мутлақо қабул қилолмайди. Халқимиз менга ишонч билдирди, ана шу юксак ишончни оқлаш, эл-юртимизга муносиб ҳаёт шароитини яратиб бериш – мен учун ҳаётимнинг маъно-мазмунидир…” деган сўзлари уни ўқиган ҳар бир ҳамюртимизнинг қалбига кириб борди, десак муболаға бўлмайди.
Бутун интервью бўйлаб қизил тасма сингари ўтувчи ушбу ҳаётий тамойил бугунги кунда ҳаётимизнинг барча жабҳаларига кўчган, десак айни ҳақиқатни айтган бўламиз. Баландпарвозлик, дабдабабозлик , “урра-урра”чилик барҳам топди. Одамлар ўзгаришларни ўз тақдирида ҳис этмоқда. Маънавий-маърифий жабҳаларда туб ўзгаришлар юз бермоқда. Миллий адабиётимиз, китобхонлик фаол қўллаб-қувватланмоқда. Адабиёт, маънавият ривожига ҳисса қўшган фидойи устоз ёзувчи ва шоирларимиз, адабиётшуносларнинг ибратли ижоди фаол ўрганилмоқда. Сўз санъатига меҳри баланд ёшлар учун атоқли ёзувчи ва шоирлар номидаги ижод мактабларининг фаолияти кенг йўлга қўйилди. Халқни ориф, саодатли кўриш истагидаги маърифатпарвар боболарнинг хотирасига ҳурмат ва эътибор янада кучайди.
Ҳаётга катта орзулар билан кириб келаётган ёшлар учун тобора кўпроқ имкониятлар яратилмоқда.Уларнинг олий таълимга қамровини кенгайтириш, ўқиши, маънавиятининг тўғри шаклланиши,тадбиркорлик кўникмаларига, меҳнат бандлигини таъминлаш йўлида барча имкониятлар ишга солинмоқда. Айни пайтда кексаларга ҳурмат ва эҳтиром кўрсатиш, аҳолининг эҳтиёжманд қатламларини кучли ижтимоий ҳимоялаш борасида катта ташаббуслар ҳаётга фаол жорий этилмоқда.
Мамлакатимизда туб ижобий ўзгаришлар кириб бормаган, ислоҳотларга юз бурмаган соҳанинг ўзи қолмади. Буларнинг бари пандемия шароитида кечаётганини ҳисобга олсак, вазиятнинг нақадар мураккаблиги кўз ўнгимизга яққол келади.
Одамларнинг дардини ўрганиш, уларнинг муаммолари билан ишлаш, халқ билан халқчил мулоқот ўрнатишга оид эзгу амалиёт хорижий давлатлар учун ҳам ўрнак олишга, тақлид этишга арзирли ибрат бўлмоқда, десак муболаға бўлмайди. Аҳамиятлиси, камчиликлардан кўз юмилмаяпти, улар яширилмаяпти, бори борича айтиляпти. Шу билан бирга ечим йўллари ҳам тезкор белгиланмоқда.

Print Friendly, PDF & Email