Янги Ўзбекистон босиб ўтаётган йўл.

Ўзбекистон Республикаси Президенти Шавкат Мирзиёевнинг Янги Ўзбекистон газетаси бош муҳаррири Салим Дониёровнинг саволлари берган жавоблари юзасидан “Янги Ўзбекистон демократик ўзгаришлар, кенг имкониятлар ва амалий ишлар мамлакатига айланмоқда” мавзусидаги интервюда Президентимиз томонидан илгари сурилган ғоялар, ташаббусларнинг мазмун моҳиятини аҳоли ўртасида кенг тарғиб қилиш мақсадида Ўзбекистон касаба уюшмалари Федерациясининг Сурхондарё вилоят кенгаши томонидан жойларда учрашувлар, давра суҳбатлари ташкил этилиб келинмоқда.
Хусусан жорий йилнинг 23 август куни вилоят касаба уюшмалари катта мажлислар залида ташкил этилган давра суҳбати ҳам айнан ушбу масалага бағишланди.
Тадбирда сўзга чиққанлар томонидан мухтарам Президентимизнинг “Янги Ўзбекистон демократик ўзгаришлар, кенг имкониятлар ва амалий ишлар мамлакатига айланмоқда” деб номланган интервьюсида мамлакатимизнинг мустақиллик йилларида босиб ўтган йиллари, бугунги шиддатли ўзгаришлар жараёни, глобал дунёдаги воқеликка теран муносабати ортиқча пафосларсиз, содда, оддий, халқчил тарзда кенг қамровда очиб берилганлиги, жамиятимиз ҳаётининг барча жабҳаларига дахлдор масалалар, мазкур йўналишларда қўлга киритилган ютуқлар муаммолари билан бирга батафсил баён этилгани билан аҳамиятли эканлиги таъкидлинди.
Шунингдек, ҳаётга катта орзулар билан кириб келаётган ёшлар учун тобора кўпроқ имкониятлар яратилмоқда.Уларнинг олий таълимга қамровини кенгайтириш, ўқиши, маънавиятининг тўғри шаклланиши, тадбиркорлик кўникмаларига, меҳнат бандлигини таъминлаш йўлида барча имкониятлар ишга солинмоқда. Айни пайтда кексаларга ҳурмат ва эҳтиром кўрсатиш, аҳолининг эҳтиёжманд қатламларини кучли ижтимоий ҳимоялаш борасида катта ташаббуслар ҳаётга фаол жорий этилаёлганлиги алоҳида қайд этиб ўтилди.