Жорий йилнинг 27 июнь куни Сурхондарё вилояти адлия бошқармаси, туман хотин-қизлар қўмитаси ва туман касаба уюшма ташкилотлари ҳамкорлигида “ Кексаларни эъзозлаш йили ” Давлат дастури ижроси юзасидан ҳамда “ Нодавлат нотижорат ташкилотлари тўғрисида ”ги Ўзбекистон Республикаси Қонунининг мазмун-моҳияти ҳақида давра сухбати ўтказилди. Ушбу тадбирда тумандаги нодавлат нотижорат ташкилотлари ва маҳалла фуқаролар йиғинлари вакилллари иштирок этишди.
Жорий йилнинг 24 июнь куни Сурхондарё вилояти истеъмол товарлари ишлаб чиқариш,савдо ва хизмат кўрсатиш ташкилотлари ходимлари касаба уюшмаси томонидан «Энг фаол ёш мутахассис» кўрик танловининг “Энг фаол ёш тадбиркор” номинациясининг вилоят босқичи ўтказилди. Ғолиблар кўрик-танлов ташкилотчиларининг дипломлари ва эсдалик совғалари билан тақдирланди.
2015 йилнинг 23 июнь куни Агросаноат мажмуи ходимлари касаба уюшмаси Шўрчи туман кенгаши ташаббуси билан туман Ветлаборатория бўлимида узоқ йиллар меҳнат қилиб, бугунги кунда кексалик гаштини сураётган фахрий касаба уюшма аъзолари учун “2015 йил – Кексаларни эъзозлаш йили” муносабати билан “Кекса авлодга ҳурмат ва эътибор – юксак маънавият ифодаси” мавзусида тадбир уюштирилди.
Тадбирда Шўрчи туман ҳокимлигининг жамоат ва диний ташкилотлар билан алоқалар бўйича мутахассиси У.Пўлатов ҳамда “Маҳалла” хайрия жамоат фонди туман бўлинмаси раиси Ш.Сафаровлар қатнашишди.
25 нафар фахрийлар иштирок этган ушбу тадбир “Бир пиёла чой устида…” лойиҳаси доирасида ташкил этилиб, тадбир сўнгида меҳнат фахрийлари туман кенгаши томонидан тайёрланган эсдалик совғалар билан тақдирландилар.
2015 йилнинг 20 июнь куни соат 10:00 да агросаноат мажмуи ходимлари касаба уюшмаси Сурхондарё вилоят ташкилотининг III- ҳисобот-сайлов конференцияси бўлиб ўтди. Конференцияни Ўзбекистон агросаноат мажмуи ходимлари касаба уюшмаси Республика кенгашининг Сурхондарё вилояти бўйича масъул ташкилотчиси Ибраимов Шайдулло олиб борди.
Конференция ишида Ўзбекистон агросаноат мажмуи ходимлари касаба уюшмаси Республика кенгашининг бош юристконсульти Абдуллаев Манзурбек, Ангор тумани “Саиднасирхон” фермер хўжалиги рахбари Ўзбекистон Қаҳрамони Бахромов Исоҳон, вилоят касаба уюшмалари ташкилотлари бирлашмаси молия бўлими мудири Холматов Равшан ва 42 нафар делегатлар иштирок этишдилар. Ўзбекистон агросаноат мажмуи ходимлари касаба уюшмаси Сурхондарё вилояти бўйича масъул ташкилотчиси Ибраимов Шайдуллонинг 2013 йил 15 февралидан 2015 йил май ойигача олиб борилган фаолияти хақида ахбороти эшитилди.
Сурхондарё вилояти худудидаги шаҳар ташқарисида фаолият юритаёган болалар соғломлаштириш оромгоҳларида 1455 нафар болалар мароқли ва мазмунли дам олмоқдалар. Жорий йилнинг 16 июнь куни Сариосиё ва Узун туманидаги кўп болали кам таъминланган оилалар фарзандларининг 100 нафари Самарқанд вилоятининг “Золотинка” оромгоҳида соғломлаштирилмоқда
Сурхондарё вилоят касаба уюшмалари ташкилотлари бирлашмаси томонидан 2015 йил 12 июнь куни “Бутунжаҳон болалар меҳнатига қарши кураш куни”га бағишланган давра суҳбати ўтказилди.
Давра суҳбатида вилоят бошқарма, бирлашмалар, корхона, ташкилотлар, нодавлат-нотижорат, жамоат ташкилотлари вакиллари, ҳуқуқни муҳофаза қилувчи орган ходимлари, прокуратура, адлия, ички ишлар бошқармалари, фуқаролик ишлари, жиноят ишлари судлари ва оммавий ахборот воситалари вакиллари қатнашдилар.
Тегишли ташкилот раҳбарлари дастур бўйича “Бутунжаҳон болалар меҳнатига қарши кураш куни”га бағишланган мавзуларда маърузалар қилишиб, ўз фикр мулоҳазаларини билдирдилар.
2015 йил 10 июнь куни Сурхондарё вилоят истеъмол товарлари ишлаб чиқариш, савдо ва хизмат кўрсатиш ташкилотлари ходимлари касаба уюшмаси ташкилотининг II – Конференцияси бўлиб ўтди. Конференцияда тармоқ касаба уюшмалари Республика кенгашининг масъул ташкилотчиси Х. Қўзимуродовнинг ҳисобот давридаги ахбороти эшитилди. Юқори касаба ташкилотлари Қурултойи ва Конференцияларига делегатлар сайланди.
Жорий йилнинг 10 — 21- июнь кунлари Шеробод туманига қарашли “Вандоб олтин булоғи” оромгоҳида дам олишаётган болалар орасида “Камолот” ёшлар ижтимоий ҳаракати ва Ангор тумани таълим, фан ва маданият ходимлари касаба уюшма кенгаши ҳамкорлигида “Балли йигитлар” ва “Ораста қизлар” кўрик — танловини ўтказишди. Кўрик — танловда ғолиб бўлган жамоаларга Ангор тумани таълим, фан ва маданият ходимлари касаба уюшма кенгаши томонидан фахрий ёрлиқлар ва қимматбаҳо совғалар топширилди
2015 yil 2 iyun kuni soat 9-00 da Angor tuman xokimligi, ta’lim, fan va madaniyat xodimlari kasaba uyushmasi kengashi va tuman xalq ta’limi muassasalari faoliyatini metodik ta’minlash va tashkil etish bo’limi hamkorlikda “Sog’lomjon-polvonjon” ko’rik tanlovini o’tkazishdi. Ko’rik tanlovda maktabgacha ta’lim muassasalari tarbiyalanuvchilari qatnashishdi. Tanlovda 5-maktabgacha ta’lim muassasasi tarbiyalanuvchilari g’olib bo’ldi. Tanlov yakunida g’olib bo’lgan jamoalarga kasaba uyushma kengashining sovg’alari topshirildi.