03.12.2017  “Ҳалқаро ногиронлар куни” муносабати билан Қизириқ туман таълим, фан ва маданият ходимлари касаба уюшма кенгаши томонидан ўтказилган тадбирга ўрта таълим мактабларидан нафақага чиққан ҳамда ҳозирда ишлаб келаётган ногирон ўқитувчилар таклиф этилди .  Туман кенгаши томонидан тадбир иштирокчиларга қимматбаҳо совғалар топширилди             

Жорий йилнинг 1-декабрь куни  вилоят касаба уюшмалари ташкилотлари бирлашмасида Ўзбекистон Респуликаси Конституцияси қабул қилинишининг
25 йиллиги муносабати билан “Конституция – ҳуқуқ ва эркинликларимиз, фаровонлигимиз кафолати” мавзусида “давра суҳбати” бўлиб ўтди.

Давра суҳбатида вилоят прокуратураси, адлия бошқармаси, ИИБ, жиноят ва фуқаролик ишлари бўйича Сурхондарё вилоят судлари вакиллари, вилоят касаба уюшмалари ташкилотлари бирлашмаси аппарат ходимлари, туман кенгаш раислари, бошланғич касаба уюшмаси қўмита раислари ва оммавий ахборот воситалари иштирок этдилар.

Тадбир давомида конституциянинг яратилиш тарихи, унинг давлат ва жамият қурилишидаги аҳамияти тўғрисида маърузалар тингланди ҳамда иштирокчилар томонидан атрофлича фикр ва мулоҳазалар билдирилди.

Термиз шаҳар «Навруз» маҳалла фуқаролар йиғини,  Ш.Мирзо кўчаси, 1-уй, 10- хонадонда яшовчи Хайдарова Хуршида Хушвақтовнанинг 2017 йил 4 ноябрь куни Термиз шаҳар “Маърифат” маҳалласи “Бобур” боғида вилоят ҳокими Э.Турдимов томонидан ўтказилган сайёр қабулда қилган мурожаати ижобий ҳал этилди. Ҳайдарова Хуршиданинг бугунги кунда оилавий аҳволи оғирлиги , ёлғиз она 2 нафар фарзанди борлиги ҳамда маҳаллада кам таъминланган оилалар рўйхатида туриши инобатга олиниб , вилоят касаба уюшмалари ташкилотлари бирлашмаси томонидан замонавий тикув машинкаси олиб берилди.

28.11.2017. Қизириқ туман таълим , фан ва маданият ходимлари касаба уюшма кенгаши томонидан ҳуқуқбузарликлар профилактикаси ва жиноятчиликка қарши курашиш борасида талайгина ишлар қилинмоқда. Туман кенгаши ходимлари томонидан “Обод юрт” , “Мустақиллик” ҳамда “Полвонтош” маҳалла фуқаролар йиғинида яшовчи турмуш шароити оғир аёллар билан учрашиб уларга моддий ва маънавий кўмаклар бериб келинмоқда.

Қадимий Бухоро замини, Имом Бухорий, Ибн Сино ва Абу Бакр Наршахий каби алломаларга, буюк тариқат пирлари – Абдулхолиқ, Ғиждувоний ва Амир Кулол, Ориф Ревгарий ва Маҳмуд Фағнавий, Али Ромитаний ва Бобойи Самосий сингари азиз-авлиёларга бешик бўлгани билан ҳам бутун дунёга маълум ва машҳур.

И.А.Каримов

2017 йилнинг 25-27 ноябр кунлари Ўзбекистон агросаноат мажмуи ходимлари касаба уюшмаси Республика кенгашининг Сурхондарё вилояти бўйича масъул ташкилотчиси Шайдулла Ибраимов бошчилигида азиз-авлиёларга бешик бўлган, Баҳоуддин Нақшбанд ёки етти пир макони бўлган тарихий Бухоро шаҳрига, тармоққа қарашли бошланғич ташкилотлардан 50 (эллик) нафар  касаба уюшма аъзолари саёхатда бўлдилар.

Саёҳатчилар тариқат пирлари, сўфийлар ҳозирги тил билан айтганда, фидоий муаллимлар, улуғ устозлар мероси, улар одоби, айтган гаплари, қилган ишлари бўйича маълумотга эга бўлдилар ва уларнинг қабрларини, қадамжоларини зиёрат қилиб, катта таъсуротлар билан қайтдилар.

25 ноябрь куни вилоят касаба уюшмалари ташкилотлари бирлашмаси томонидан “Меҳнат соҳасидаги муҳим аҳамиятга молик масалалар”  мавзусидаги Давра  суҳбати ўтказилди.

Унда, вилоят касаба уюшмалари ташкилотлари бирлашмаси  аппарат ходимлари, бирлашма тасарруфдаги ташкилотлар раҳбарлари, шаҳар, туман касаба уюшмалари органлари , бошланғич касаба уюшмалари ташкилотлари етакчилари ,вилоят бошқарма, бирлашма, корхона, ташкилотлар ва нодавлат–нотижорат ташкилотларининг  раҳбар ва масъул ходимлари, оммавий ахборот воситалари вакиллари иштирок этишди.

Шу кунларда туманларда ўтказиб келинаётган очиқ мулоқотларда ишчи-хизматчилар томонидан кўтарилаётган меҳнат муносабатларида юзага келаётган айрим муаммоларни ечимини биргалашиб ҳал қилиш мақсадида 20-23 ноябрь кунлари барча туман (шаҳар)ларда ўтказилди ва жойларда кўтарилган 60 дан зиёд муаммолар туман (шаҳар) тегишли корхона, ташкилотлар рахбарлари иштирокида мухокама қилинди ва жойларда ўз ечимини топди.