Сурхондарё вилоят касаба уюшмалари ташкилотлари бирлашмасида “Янги Ўзбекистон – янгича дунёқараш” ғояси остида тарғибот тадбирлари ўтказилади

Ўзбекистон Республикаси Президенти Администрацияси раҳбари томонидан 2020 йил 23 октябрда ўтказилган “Мамлакатимизда амалга оширилаётган ислоҳотларнинг мазмун-моҳияти ва аҳамиятини кенг жамоатчиликка “маҳаллабай” етказишни ташкил этиш тўғрисида”ги 7- сонли йиғилиш баёни ҳамда вилоят ҳокимлигининг 2020 йил 20 ноябрдаги
06-06/3670-сонли топшириқ хати ижросини таъминлаш мақсадида жорий йилнинг 23 ноябрь куни вилоят касаба уюшмалари ташкилотлари бирлашмаси катта мажлислар залида “Янги Ўзбекистон – Янгича дунёқараш” шиори остида маънавий-маърифий тарғибот тадбири ташкил этилди.
Тадбирда бирлашма раиси А.Ахмедов, раис ўринбосари Қ.Боболов, бирлашма бўлим бошлиқлари, Термиз шаҳар кенгаши масъуллари ҳамда ишчи ходимлардан иборат 55 нафар киши иштирок этди.
Тадбирда бирлашма раиси А.Ахмедов томонидан Янги Ўзбекистоннинг янги ривожланиш босқичида амалга оширилаётган ижтимоий-иқтисодий ислоҳотлар мазмун-моҳияти, юртимизда жорий этилган узоқ муддатли карантин даврида халқимиз кайфиятини кўтариш, қолаверса, фуқароларда ислоҳотларга дахлдорлик туйғусини мустаҳкамлаш, меҳр-оқибат, шукроналик, ўзаро ёрдам каби миллий ва умуминсоний кадриятларни янада кучайтиришга каратилган “Янги Ўзбекистон – янгича дунёқараш” ғояси остидаги маънавий-маърифий тарғибот тадбирлар бутун вилоят бўйлаб барча маҳаллаларда ташкил этилиб келинаётганлиги қайд этиб ўтилди.
Шунингдек, Янги Ўзбекистоннинг янги тараққиёт даврида амалга оширилаётган ислоҳотлар, аввало, ҳар бир киши ҳаёти, фарзандлари келажагида ўз аксини топиши, фуқаролар ўзгаришларни ўз ҳаётларида ҳис этишлари шартлиги, одамлар узоқ келажакда эмас балки бугун бахтли яшаша кераклиги масаласи юртбошимиз томонидан ҳудудлардаги турли даражадаги раҳбарлар олдига қўйилган асосий вазифа сифастида санаб ўтилди.
Жумладан, Мамлакатимизда Давлат Раҳбарининг ташаббуси билан ишлаб чиқилган Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегияси доирасида халк манфаатларига қаратилган кенг қамровли ислоҳотлар амалга оширилаётганлиги, ёшларни маданият, санъат, жисмоний тарбия ва спортга кенг жалб этиш, ахборот технологияларидан фойдаланиш кўникмаларини шакллантириш, китобхонликни тарғиб килиш, хотин-кизлар бандлигини оширишга қаратилган 5 та муҳим ташаббус ҳаётга самарали татбиқ этилаётганлиги алоҳида қайд этилди.
Шу билан бирга Ўзбекистон Республикаси Президенти раислигида
8 октябрь куни бўлиб ўтган видеоселектор йиғилишида ҳам айнан жамиятда аёллар ва ёшларнинг ролини ошириш ҳамда бандлигини таъминлаш масаласига эътибор қаратилди.
Хотин-қизлар масалалари бўйича ҳар бир маҳаллада алоҳида раис ўринбосари, туманда – маҳалла ва оила бўлими бошлиғи ўринбосари ва 2 нафар мутахассиси, вилоятда эса 8 нафаргача штат бирлиги берилганлиги, бундан ташқари, ёшлар масалаларини ҳал этишга Президентнинг Халқ қабулхоналари, хотин-қизлар масалаларини ҳал этишга эса Касаба уюшмалари бириктирилганлиги айтиб ўтилди.
Мухтарам Президентимизнинг жорий йил 6 ноябрдаги мамлакатимиз тиббиёт тизимини тубдан ислоҳ қилиш бўйича ўтказилаётган видеоселектор йиғилишида бирламчи бўғинда ҚВПлар ва оилавий поликлиникалар фаолиятини қайта кўриб чиқиш, тиббиёт ходимлар томонидан асосий эътибор аҳоли саломатлиги профилактикасига қаратилиши, улар ўртасида соғлом турмуш тарзини тарғиб қилиш муҳимлиги тўғрисида қатор вазифалар қўйганлигини таъкидланди.
Шундан сўнг, тадбирда сўзга чиққан Республика таълим, фан ва маданият ходимлари касабиуюшмаси вилоят бўйича масъул ташкилотчиси М.Тоғаева ўз сўзида кейинги йилларда юртимизни ҳар томонлама тараққий эттириш, янги Ўзбекистонни яратиш мақсадида барча соҳалар қатори таълим тизимида ҳам туб ислоҳотлар олиб борилаётганлигини таъкидлаб, бу борада ўнлаб муҳим фармон, қарор ва дастурлар қабул қилинганлиги тўғрисида ахборот бериб ўтди.

Жумладан “Таълим тўғрисида”ги қонун ушбу соҳа тараққиётида, ҳеч шубҳасиз, янги уфқларни очиб беради. Қонунга мувофиқ, таълим олишнинг масофавий, инклюзив шакллари жорий қилинди, таълим ташкилотларига хорижий муассасалар билан қўшма факультет ва ўқув марказлари ташкил қилишга рухсат этилганлиги, 2020 йил 30 сентябрдаги “Ўқитувчи ва мураббийлар куни”даги мурожаатида ана шу янги босқичга олиб чиқиш учун зарур шарт-шароитларни яратиш, ўқитувчиларимизнинг жамиятдаги обрўсини ошириш, ёшларни илм-фанга йўналтириш каби вазифаларни белгилаб берилганлигини қайд этиб ўтди.

Кейинги 4 йилда мамлакатимизда махсус мактаблар ижод мактаблари, халқаро мактаблар, “Темурбеклар” мактаблари, Президент мактаблари  ва кўплаб олий ўқув юртлари шу жумладан, жаҳон университетларининг филиаллари очилганлиги, булар охир оқибатда Учинчи уйғониш даври  пойдевори бўлиб хизмат қилиши ҳақида гапириб ўтди.

Бирлашма ҳуқуқшуноси З.Холов томонидан сўнгги йилларда мамлакатимизда ички ва ташқи сиёсатда ҳам катта ютуқларга эришиб келаётганлиги таъкидланиб, юртимизда амалга оширалаётган туб ислоҳотлар айниқса,  ижтимоий соҳадаги олиб борилаётган давлат сиёсати ҳалқаро майдонда ҳам нуфузли ташкилотлар томонидан эътироф этилаётганлиги, бунинг натижасида эса охирги йилларда давлатимиз обърўси жаҳон мамлакатлари ўртасида ортиб бораётганлиги қайд этиб ўтилди.

Фуқаролик жамияти институтларини қўллаб-қувватлаш борасида кўплаб қонун ҳужжатлари қабул қилинаётганлиги таъкидланди. Жумладан, “Ўзбекистон касаба уюшмалари тўғрисида”ги қонуннинг қабул қилинганлиги, 2020 йилдан ҳар йил “11 ноябрь – Касаба  уюшмалари куни” этиб белгиланганлиги  ҳамда бу бўйича қонун ҳужжати яқин кунларда қабул қилиниши тўғрисида айтиб ўтди.

Давра суҳбати давомида мамлакатимизда тадбиркорликни ривожлантириш ҳамда кичик бизнес соҳаси ходимларини ҳар томонлама қўллаб-қувватлаш соҳасида амалга оширилаётган ислоҳотлар юзасидан Х.Қўзимуродов, маданий-маърифий соҳада бўлаётган ўзгаришлар бўйича Г.Амирова ҳамда Н.Химматовалар батафсил маълумотлар бериб ўтди.

Тошкент тиббиёт академияси Термиз филиалида йиғилиш ўтказилди

18.11.2020й. Тошкент тиббиёт академияси Термиз филиалида Ўзбекистон касаба уюшмалари Федерациясининг  VIII Қурултойи  делегатлари томонидан Қурилтой  қарорларини тушунтириш ва  тарғибот қилиш  мақсадида йиғилиш  ўтказилди.

Йиғилишда Муҳтарам Президентимиз Ш.Мирзиёевнинг қурултой  қатнашчиларига  илк бор йўллаган  тарихий табригида 11 ноябрь “Касаба уюшмалари ходимлари куни” деб белгиланганлиги,  ҳамда  касаба  уюшмалари тизимида халқаро тажрибани пухта биладиган етук кадрларни тайёрлаш мақсадида Касаба уюшмалари академиясини ташкил этилиши, “Янги Ўзбекистон – янги касаба уюшмалари” Ўзбекистон касаба уюшмалари Федерациясининг 2016-2020 йиллардаги фаолияти ва миллий тараққиётнинг замонавий босқичида касаба уюшмаларининг устувор вазифалари ҳақида  ахборотлар берилди.

ЖАРҚЎРҒОН ТУМАНИДА ҚУРУЛТОЙ ЯКУНЛАРИ БЎЙИЧА ТАРҒИБОТ ТАДБИРЛАРИ ЎТКАЗИЛДИ.

Сурхондарё вилоятининг Жарқўрғон туманидаги 5-болалар мусиқа ва санъат мактаби касаба уюшма аъзоларига Ўзбекистон касаба уюшмалари Федерациясининг VIII Қурултойда қабул қилинган қарорларнинг мазмун-моҳиятини тўлиқ етказиш ва  тарғибот этишга  бўйича йиғилиш  ўтказилди. Йиғилишда мусиқа ва санъат  мактаби касаба уюшма қўмитаси раиси VIII Қурилтой делегати Холмўминова Меҳринисо Абдуғаниевна Қурултой тавсилотлари ҳақида ахборот берди.

ҚУРУЛТОЙ ЯКУНЛАРИ БЎЙИЧА ТАРҒИБОТ ТАДБИРЛАРИ ДАВОМ ЭТМОҚДА

Жорий йилнинг 18 ноябрь куни Сурхондарё вилоятининг Бойсун ва Жарқўрғон туманларида Ўзбекистон касаба уюшмалари Федерациясининг VIII Қурилтойга  вилоятдан  сайланган делегатлар  иштирокида Қурилтой  қарорларини тушунтириш ва  тарғибот этишга  бағишланган йиғилишлар  ўтказилмоқда. Йиғилишларда VIII Қурилтой тавсилотлари ҳақида  делегатлар  томонидан  ахборот берилмоқда.

Ислом Каримов номидаги Тошкент Давлат Техника Университети Термиз филиалида Ўзбекистон касаба уюшмалари Федерациясида бўлиб ўтган VIII-Қурултойига бағишланган тадбир ўтказилди.

Жорий  йилнинг 13 ноябрь куни Термиз шахар Ислом Каримов номидаги Тошкент Давлат Техника  Университети Термиз филиалида хам Сурхондарё вилоят касаба уюшмалари ташкилотлари бирлашмаси раиси,  қурилтой  делегати Ахмедов Абдукарим Абдурахмонович иштирокида тадбир ўтказиди. Тадбирда  профессор-ўқитувчилар ва ходимлар  иштирок этдилар.

Тошкент Давлат Аграр Университети Термиз филиалида тадбир ўтказилди

Сурхондарё вилоят касаба уюшмалари ташкилотлари бирлашмаси раиси  қўрилтой  делегати Ахмедов Абдукарим Абдурахмонивич иштирокидаги тадбир Тошкент Давлат Аграр Унверситети Термиз филиалида хам  ўтказилди.  Тадбир давомида  11 ноябрь куни Ўзбекистон касаба уюшмалари Федерациясида бўлиб ўтган  VIII-Қурултойида билдирилган фикр мулоҳазалар, янгиликлар ва амалга оширилиши лозим бўлган   вазифалар  тўғрисида маъруза қилдилар.  А.Ахмедов ўз маърузасида Муҳтарам  Президентимиз Ш.Мирзиёев томонидан   11 ноябрни   “Касаба уюшмалари куни” деб белгиланганлиги, жорий йилнинг  8 мартидан “Касаба уюшмалари тўғрисида”ги Қонуннинг янги тахрири кучга кирганлиги ҳамда қувонарлиси касаба уюшмалари тизимида халқаро тажрибани пухта биладиган етук кадрларни тайёрлаш мақсадида Касаба уюшмалари академияси ташкил этилиши режалаштирилганлиги  тўғрисидаги маълумотларни  тадбир иштирокчиларига етказдилар.

Ўзбекистон касаба уюшмалари Федерацияси VIII-Қурултойига бағишланган тадбир бўлиб ўтди

Жорий  йилнинг 13 ноябрь куни Термиз шаҳар харбий госпиталининг  мажлислар залида Ўзбекистон касаба уюшмалари Федерацияси  VIII-Қурултойига бағишланган тадбир бўлиб ўтди. Тадбирда  Сурхондарё вилоят касаба уюшмалари ташкилотлари бирлашмаси раиси,  қўрилтой  делегати Ахмедов Абдукарим Абдурахмонович иштирок этдилар. Тадбир давомида Ўзбекистон касаба уюшмалари Федерациясида бўлиб ўтган  VIII-Қурултойида билдирилган фикр мулоҳазалар, янгиликлар ва амалга оширилиши лозим бўлган   вазифалар  тўғрисида маъруза қилдилар.  А.Ахмедов ўз маърузасида Муҳтарам  Президентимиз Ш.Мирзиёев томонидан   11 ноябрь “Касаба уюшмалари куни” деб белгиланганлиги, жорий йилнинг    8 мартидан “Касаба уюшмалари тўғрисида”ги Қонуннинг янги тахрири кучга кирганлиги ҳамда касаба уюшмалари тизимида халқаро тажрибани пухта биладиган етук кадрларни тайёрлаш мақсадида Касаба уюшмалари академияси ташкил этилиши режалаштирилганлиги  тўғрисидаги маълумотларни  тадбир иштирокчиларига етказдилар.

 

 

Ўзбекистон касаба уюшмалари Федерацияси VIII қурултойи делегатларининг мамлакатимиз халқи, ишчи-меҳнаткашлар, касаба уюшмалари ташкилотлари ва ижтимоий шерикларга мурожаати

12.11.2020. Азиз ватандошлар!
Биз, Ўзбекистон касаба уюшмалари Федерациясининг VIII қурултойи делегатлари, уюшмамизнинг беш ярим миллиондан ортиқ аъзоси номидан 11 ноябрь Федерациямиз тарихига зарҳал ҳарфлар билан ёзилади, деб эътироф этамиз.
Мустақил Ўзбекистон тарихида илк маротаба Ўзбекистон Республикаси Президенти касаба уюшмалари қурултойи қатнашчиларига табрик йўллади, 11 ноябрни «Касаба уюшмалари куни» этиб белгилашни таклиф этди. Барчамиз учун бу катта шараф бўлиш билан бирга, юксак масъулият ҳамдир.
Жаҳон ҳамжамияти «Янги Ўзбекис­тон» дея ҳақли равишда эътироф этаётган мамлакатимиз янги Маърифий уйғониш – Учинчи Ренессанс даврига шаҳдам ва дадил қадам ташламоқда. Бу янги давр табиий равишда Юртбошимиз, муҳтарам Шавкат ­Миромонович Мирзиёев бошчилигида қисқа муддатда эришган ютуқларимизни тарих қатига жойлаб, олдимизга янгидан-янги вазифаларни ҳам қўймоқда.
2020 йил бутун дунё мамлакатлари ва халқлари учун оғир келди. Она Ватанимиз учун эса бу синовлар биргина пандемия билан кифояланиб қолмади, халқимиз яна икки офат – «Бухоро тўфони» ва «Сардоба воқеаси» каби фалокатлар ситамларини ҳам бошидан ўтказди.
Кўп минг йиллик шонли тарихга эга буюк халқимизнинг ирода, сабот ва матонати яна бир бор синовдан ўтди. Минг шукрки, Миллатимиз сардори бошчилигида халқимизнинг қадди букилгани йўқ!
Президент атрофида жипслашган, унинг қараш ва ғояларини якдиллик билан қўллаб-қувватлаган, бу офатларни биргаликда ва ҳамжиҳатликда, бир мушт бўлиб енгиб ўтишга аҳд қилган халқимиз бугун ўз салоҳияти мўъжизасини кўриб турибди.
Бу Президент ва халқ якдиллигининг энг олий намунасидир!
Азизлар!
Яқинлашиб келаётган – 2021 йил мазмунан янги ўн йилликни бошлаб беради. «Янги Ўзбекистоннинг Янги касаба уюшмалари» Президентимиз стратегик вазифа сифатида белгилаб берган, миллий ғоя даражасига кўтарган, халқимиз ва халқаро ҳамжамият томонидан юксак баҳоланаётган Учинчи Ренессанс пойдеворини яратишда барча имкониятларини сафарбар этишни ўз фаолиятининг устувор йўналиши сифатида кўради.
Янги Ўзбекистонда амалга оширилаётган ижтимоий, сиёсий, иқтисодий, ҳуқуқий ва барча соҳалардаги ислоҳотлар давлат сиёсатининг ўзагини МИЛЛАТ ва ВАТАН манфаатлари ташкил этади. Зеро, ушбу халқона сиёсат жонажон юртимизда адолатли жамият яратиш ва демократик давлат қуриш, аҳолининг турмуш фаровонлиги ва юксак ҳаёт даражасини таъминлаш, мамлакат равнақи ва қудратини оширишни ўзида мужассам этган.
«Халқ қабулхоналари», ҳокимиятлар ва давлат идораларининг халқ билан юзма-юз учрашиб, одамлар дардига қулоқ тутиши давлат ва жамият ўртасидаги олислашиб кетган масофани бартараф этди.
Шу маънода, Президентимизнинг Янги Ўзбекистонни барпо этиш ҳақидаги ғоя ва қарашлари, инсонпарвар стратегияси ҳам биз учун энг улуғ ва азиз мақсад-муддао­­га айланмоғи керак.
Янги Ўзбекистоннинг Янги касаба уюшмалари мазкур инсонпарвар стратегияни амалга ошириш йўлида халқ билан мулоқотни кенгайтириб, Юртбошимизнинг халқчил сиёсатини қўллаб-қувватлашга, бу борадаги улуғвор миллий ҳаракатларига камарбаста бўлишга, мамлакат тараққиёти, эл фаровонлиги йўлида фидокорона меҳнат қилишга тайёр эканини билдиради.
Қадрли юртдошлар!
Бугун қабул қилинган «Ўзбекистон касаба уюшмалари Федерацияси фаолиятининг 2021-2025 йилларга мўлжалланган стратегик йўналиш­лари» фаолиятимизни сифат жиҳатидан янги босқичга кўтаришга хизмат қилади. У Президентимизнинг халқимиз томонидан тўла қўллаб-қувватланган ва ҳаёт тарзига айланиб бораётган «Миллий тикланишдан – миллий юксалиш сари» деган эзгу ғояларини рўёбга чиқаришда касаба уюшмаларининг фаол иштирокини таъминлашга қаратилган.
Ўзбекистон касаба уюшмалари ушбу эзгу ғоя ва мақсадларга эришиш баробарида:
халқимиз учун муносиб ҳаёт ва турмуш даражасини таъминлаш;
барчани қулай ва хавфсиз меҳнат шароитлари ҳамда адолатли ҳақ тўланадиган иш билан таъминлаш;
аҳолининг, биринчи навбатда, ишчи ва меҳнаткашларнинг ижтимоий ҳуқуқларини тўлиқ рўёбга чиқариш, ижтимоий ҳимоя қилишнинг юқори даражасига эришиш;
барчани сифатли ва муносиб тиббий хизмат кўрсатиш тизими билан қамраб олишга, жамиятда соғлом турмуш тарзи маданиятини шакллантиришга эришиш;
юртимизда камбағалликни қисқартириш ва бартараф этиш;
меҳнат мигрантлари ва уларнинг оила аъзоларининг ҳуқуқлари ва эркинликларини таъминлаш;
гендер сиёсатини амалга ошириш;
рақамли иқтисодиёт ва электрон ҳукуматни ривожлантиришга ­кўмаклашиш;
меҳнаткашлар ўртасида соғлом турмуш тарзини кенг тарғиб этиш;
ўқитувчи ва мураббийлар ҳамда тиббиёт ходимларининг жамиятда тутган мавқеи ва нуфузини ошириш, уларнинг соғлигини муҳофаза этиш каби масалаларга устуворлик беради.
Президентимиз томонидан тавсия этилган Касаба уюшмалари Академиясининг қисқа муддатда ташкил этилиши эса касаба уюшма ходимларини тайёрлаш, қайта тайёрлаш ва малакасини ошириш борасидаги кенг қамровли фаолиятини йўлга қўйишга хизмат қилади.
Марказий Осиёнинг Ўзбекистон ташқи сиёсатидаги ўрни ва аҳамиятидан келиб чиқиб, Ўзбекистон касаба уюшмалари Федерацияси қўшни давлатларнинг касаба уюшмалари билан биргаликда Марказий Осиё касаба уюшмаларининг Маслаҳат кенгашини тузиш таклифини илгари суради.
Азиз ватандошлар!
Биз, Ўзбекистон касаба уюшмалари Федерацияси VIII қурултойи делегатлари, бутун Ўзбекистон халқи, ишчи-меҳнаткашлар, касаба уюшмалари ташкилотлари ва ижтимоий шерикларимизга, азиз ёшларимиз, мўътабар нуронийларимизга мурожаат қиламиз!
Барчамиз Янги Ўзбекистонимизнинг асосчиси ва Йўлбошчиси муҳтарам Шавкат Миромонович Мирзиёев бошлаган ислоҳотлар ва миллатпарвар ғояларини амалга оширишда камарбаста бўлайлик!
Президент атрофида жипслашайлик, ўз ғайратимиз, шижоатимиз ва ватанпарварлигимиз билан Йўлбош­чимизнинг йўлини янада чароғон этайлик!
Зотан, буюк ғалабалар, улуғ музаффарият байроқлари доим аҳиллик ва ҳамжиҳатликдан бунёд бўлган муаззам қоялар устига тикилади!
Барча-барчангизни мана шу тарихий қурултойимизнинг асосий мазмун-моҳиятини ифодаловчи бош ғоя атрофида жипслашишга чақирамиз:
Юрт тараққиёти йўлида бирлашайлик!

ҚУРУЛТОЙ ЯКУНЛАРИ БЎЙИЧА ТАРҒИБОТ ТАДБИРЛАРИ ДАВОМ ЭТМОҚДА.

Маълумки, дунёдаги ҳар бир давлатнинг миллий тараққиётида аввало инсон меҳнати ва салоҳияти беқиёс аҳамият касб этади. Шунинг учун ҳам Республикамизда меҳнат муносабатларини тубдан ислоҳ қилиш, фуқароларимизнинг меҳнат соҳасидаги конституциявий ҳуқуқларини рўёбга чиқариш, бандлик масаласини ҳал этиш, камбағалликни қисқартиришга катта эътибор берилмоқда.

Ана шундай ёндашув асосида кейинги тўрт йилда ушбу йўналишдаги миллий қонунчилигимизни такомиллаштириш, аҳолининг қонуний даромад топиши, тадбиркорлик билан шуғулланиши учун қулай имкониятлар яратиш, мажбурий меҳнатга барҳам бериш бўйича кенг кўламли ишлар амалга оширилди. Бу борада биз эришган натижалар жаҳон ҳамжамияти, жумладан, БМТ, Халқаро меҳнат ташкилоти, ЮНИСЕФ каби нуфузли халқаро тузилмалар томонидан тан олинмоқда.

Буларнинг барчасида меҳнаткашларнинг ҳуқуқ ва манфаатларини ҳимоя қилишдек олижаноб мақсад йўлида 14 та тармоқ ва 14 та ҳудудий бўлинмани, 5,5 миллиондан ортиқ аъзоларни бирлаштирган фуқаролик жамиятининг энг йирик институтларидан бири – Ўзбекистон касаба уюшмалари Федерациясининг муносиб ҳиссаси бор албатта.

Куни кеча Тошкент шаҳрида видеоконференция алоқаси тарзида ўтказилган Ўзбекистон касаба уюшмалари Федерациясининг VIII Қурултойида Ўзбекистон касаба уюшмалари Федерациясининг 2016-2020 йилдаги фаолияти атрофлича сарҳисоб ва таҳлил этилди. Қўлга киритилган ютуқлар билан бирга мавжуд долзарб масалалар муҳокама қилиниб, галдаги вазифалар белгилаб олинди.

Айни кунларда Сурхондарё вилоятида ҳам делегатлар иштирокида Қурултойда кўрилган масалалар, Ўзбекистон Республикаси Президентининг қурултой қатнашчиларига табриги, касаба уюшмалари ҳаётида юз берган янгиликлар ҳамда келгуси беш йилликда ташкилот олдига қўйилган муҳим вазифалар мазмун моҳияти билан таништириш мақсадида олий таълим муассасалари, ташкилот ва корхоналарда меҳнат қилаётган ходимлар ҳамда ёшлар иштирокида тарғибот тадбирлари ташкил этилмоқда.

Шу каби тарғибот тадбири вилоят касаба уюшмалари ташкилотлари бирлашмаси ташаббуси билан Термиз Давлат университети ҳамда Низомий номидаги Тошкент Давлат педагогика университети профессор ўқитувчилари ҳамда ёшлар иштирокида ташкил этилди.

Тадбирда сўзга чиққанлар томонидан Мустақил Ўзбекистон тарихида давлат раҳбарининг Ўзбекистон касаба уюшмалари Федерацияси Қурултойи қатнашчиларига илк маротаба табрик йўлланганлиги ҳамда ташкилотнинг республикамиз ижтимоий-иқтисодий ҳаётидаги роли ва ўрни ортиб бораётганлиги билан аҳамиятли эканлиги алоҳида қайд этиб ўтилди.

Шунингдек, тадбирда Ўзбекистон касаба уюшмалари Федерациясининг 2016-2020 йиллардаги фаолияти ва миллий тараққиётнинг замонавий босқичида касаба уюшмаларининг устувор вазифалари ҳақида сўз юритилиб, ўтган 4 йилда Президентимиз бошчилигида олиб борилаётган туб ислоҳотлар замирида халқимиз турмуш даражасини ошириш, инсонларнинг эртага эмас, айнан бугун яхши яшаши, уларнинг фаровонлигини таъминлашдек эзгу мақсадлар мужассамлиги, навбатдаги беш йилликдаги вазифа касаба уюшмаларини халқ ташкилотига айлантириш эканлиги алоҳида таъкидланди.

Тадбирда сўзга чиққан Термиз Давлат университети ўқитувчиси Музаффар Норқобилов – “Давлатимиз раҳбарининг Ўзбекистон Касаба уюшмалари Федерацияси VIII Қурултойи иштирокчиларига табригини меҳнат жамоамиз тарихий воқеа сифатида кутиб олди. Хақиқатда Президентимиз таъкидлаганларидек, мамлакатимиз бугунги янги тараққиёт даврига қадам қўйган, юксак мақсад йўлида буюк ишлар амалга оширилаётган бир пайтда халқимизни янада катта марралар сари сафарбар этишда касаба уюшмаларининг роли ва таъсири тобора ортиб бормоқда. Қолаверса,
11 ноябрь санасини «Касаба уюшмалари куни» деб белгиланиши бутун воҳа аҳли томонидан кўтаринки руҳда кутиб олинди десам адашмаган бўламан”- деб таъкидлаб ўтди.

“Мазкур соҳа учун замонавий билим ва малакага эга бўлган, ижтимоий муносабатлар назарияси ва амалиётини, бу борадаги халқаро тажрибани пухта биладиган етук кадрларни тайёрлаш катта аҳамият касб этади албатта. Шу   мақсадида касаба уюшмалари академиясини ташкил этиш масаласи соҳа фаолиятини янги бочқичга кўтаришда туб бурилиш бўлади”- дейди Низомий номидаги Тошкент Давлат педагогика университети профессор ўқитувчиси Чори Жумаев.

Умуман олганда бугун мамлакатимизда меҳнаткашларнинг ҳақ- ҳуқуқларини ҳимоячиси сифатида йирик жамоат ташкилотига айланган Ўзбекистон касаба уюшмалари Федерацияси аҳоли турмуш фаравонлигини таъминлаш борасида ҳар бир жабҳада самарали фаолият олиб бормоқда. Буни ўзимизнинг меҳнат жамоамиз мисолида кўриб турибмиз. Биз касаба уюшмалари ҳар доим халқ суянчи ва таянчи бўлиб қолишига ишонамиз.   Зеро, ҳалқ манфаатлари ва фаровонлигини таъминлаш ҳар биримизнинг олий бурчимиздир.

 

А.Ахмедов

Сурхондарё вилоят касаба уюшмалари

ташкилотлари бирлашмаси раиси.