Ангор туман халқ таълими муассасалари фаолиятини методик таъминлаш ва ташкил этиш бўлимига қарашли 3-умумий ўрта таълим мактабида узоқ йиллар фаолият кўрсатган марҳум ўқитувчи Зафар Қорақулов хотирасига бағишлаб, мактаб ўқувчилари ўртасида миллий кураш бўйича “Хотира турнири” ўтказилди.
Ғолиблар туман таълим, фан ва маданият ходимлари касаба уюшмасининг эсдалик совғалари билан тақдирландилар

2014 йил 5 апрель куни Шурчи туманида “Касаба тур” веламарофони ўтказилди. Тадбирда 29 нафар таълим, фан ва маданият ходимлари, 21 нафар агросаноат мажмуи ходимлари, 11 нафар соғлиқни сақлаш ходимлари иштирок этишди.
Веламарофонда қатнашчиларининг 12 нафар ғолибларига туман агросаноат мажмуи ходимлари ва туман таълим, фан ва маданият ходимлари касаба уюшмаси кенгашининг фахрий ёрликлари ва қимматбаҳо совғалари топширилди

Ангор туман Педагогика коллежида Ўзбек миллий академик театри ўзининг 100 йиллик юблейини нишонлаш олдидан эл севган санъаткорлар, Ўзбекистон халқ артистлари Ёқуб Ахмедов, Фатхулла Маъсудов, Муяссар Бетдиқулова ва “Ниҳол” мукофоти совриндори ёш актриса Саида Саидбеквалар иштирокида коллеж ўқувчилари билан ижодий учрашув ўтказилди. Учрашувда сўзга чиққан Ўзбекистон халқ артистлари Ёқуб Ахмедов ўқувчиларга Миллий театрнинг шонли йўли, Мустақиллик йилларида юртбошимиз раҳнамолигида театрдаги ўзгаришлар, санъат даргоҳи тарихи, ўзининг ҳаёт ва ижод йўли ҳақида сўзлаб берди. Санъаткорлар ўз маҳоратларидан намуналар ижро этишди. Берилган савол-жавоблар учрашувга файз киритди.

Ангор туман тармоқ касаба уюшма органлари томонидан «Наврўз» умумхалқ байрами кенг нишонланди. Байрам тадбирлари давомида тумандаги мавжуд корхона, ташкилот ва муассасаларда фаолият юритаётган меҳнаткашларга сумалак сайиллари уюштирилди. Кам таъминланган оила аъзоларига озиқ-овқат маҳсулотлари олиб берилди. Байрам арафасида боқувчисини йўқотган оилалар ва етим-есирлар ҳолидан хабар олинди. Уруш ва меҳнат фахрийлари учун дастурхонлар ташкил этилди. Бундан ташқари байрам тадбирларида ўзимизнинг миллий ўйинларимиз, спорт мусобоқалари ташкил этилди. Вилоят аҳлининг ҳурматига сазовор бўлган таниқли санъаткорлар иштирокида концертлар уюштирилди.

Олтинсой туман таълим, фан ва маданият ходимлари касаба уюшма кенгаши томонидан 2014 йил 8-март “Халқаро хотин-қизлар куни” муносабати билан вилоят ҳалқ таълими бошқармаси ҳамда Олтинсой туман таълим муассасалари фаолиятини методик таъминлаш ва ташкил этиш бўлими билан ҳамкорликда Ўзбекистон Республикаси Вазирлар Маҳкамасининг 1997-йил 29-августдаги “Таълим тўғрисида”ги қонуни, “Кадрлар тайёрлаш миллий дастури” III- боскич талаблари ҳамда “Соғлом бола” Давлат Дастури, жамоа келишувнинг бандларини амалга ошириш мақсадида вилоят миқиёсида махорат мактблари ҳамда бошланғич синфларида ўқув семинари ўтказилди. Ушбу семинар қатнашчиларининг 15 нафарига касаба уюшмалари томонидан 525,0 минг сўмлик қимматбоҳо совғалар берилди. 8-март “Халқаро хотин-қизлар куни”га бағишлаб ўқувчилар ўртасида спортнинг валейбол, мини футбол турлари бўйича мусобоқалар ўтказилди ва ўтказилган тадбирда хомийлар томонидан 350,0 минг сўмлик совғалар топширилди.
Байрам муносабати билан таълим сохасида меҳнати синган, кўрик танловларда ғолиб бўлган, кам таъминланган, ёлғиз яшаётган ва кекса педагоглар холидан хабар олиниб, 1650,0 минг сўмлик совғалар билан табрикланди.
Бундан ташқари, туман соғлиқни сақлаш сохасида фаолият кўрсатаётган фаол, кекса ва кам таъминланган аёлларга 950,0 минг сўмлик совғалар топширилди.
Давлат муассасалари ва жамоат хизмати ходимлари касаба уюшма қўмитаси томонидан ҳам байрам тадбири ўтказилиб, унда 480,0 минг сўм сарфланди.

2014 йил 4 март кунида Олтинсой тумани 1-умумий ўрта таълим мактабида, туман таълим, фан ва маданият ходимлари касаба уюшма кенгашининг 2014 йил “Соғлом бола йили” Давлат дастурида “Таълим тўғрисида”ги қонуни, “Кадрлар тайёрлаш миллий дастури” III-босқич талабларини амалга ошириш мақсадида бошланғич синфлар бўйича харакатдаги семинари ўтказилди.Бошланғич синфларда дарслари намунали деб топилган бир гуруҳ тажрибали ва тадқиқотчи фидойи ўқитувчилардан 15 нафарига туман касаба уюшма кенгаши қимматбаҳо совғалари топширилди

Ангор туман таълим , фан ва маданият ходимлари касаба уюшмаси Кенгаши томонидан “Соғлом бола йили” Давлат дастурининг бандларини бажариш мақсадида “Она соғлиги-фарзанд бойлиги” шиори остида хотин-қизлар ўртасида волейбол,арқон тортиш ва армрейслинг спорт турлари бўйича мусобақа ташкил этилди.Ушбу мусобоқага таълим соҳасида фаолият юритаётган 100 нафардан ортиқ хотин-қизлар иштирок этишди.Ўтказилган спорт тадбирига Ангор туман таълим,фан ва маданият ходимлари касаба уюшмаси Кенгаши 4 миллион сум маблағ сарфлади.Тадбир ғолиблари дипломлар ҳамда эсдалик совғалар билан тақдирланди

2014 йил 27 февралда Олтинсой туман таълим, фан ва маданият касаба уюшмаси кенгаши томонидан тадбир ташкил этилиб, ушбу тадбирни туман ҳокими, Болалар спортини ривожлантириш ҳомийлик кенгаши раиси Х.Саматовнинг кириш сўзлари билан очилди ва йиғилиш кун тартибидаги масалалар билан таништирилди. Масала юзасидан туман халқ таълими муассасалари фаолиятини методик таъминлаш ва ташкил этиш бўлими мудири Қ.Сафаров ва таълим, фан ва маданият ходимлари касаба уюшмаси раиси М.Шукуровларнинг маърузалари эшитилди.
Тадбир давомида, болалар мусиқа ва санъат мактаби ва санъаткорларнинг байрамона чиқишлари ҳамда спортчиларнинг кўргазмали чиқишлари ташкил қилилинди.Шундан сўнг, “Соғлом бола йили” муносабати билан Болалар спортини ривожлантириш жамғармаси томонидан Олтинсой туманига ажратилган 1077 (бир минг етмиш етти) комплект спорт кийимларини 8-март Хотин-қизлар байрами арафасида ўқувчи-қизларга рўйхат асосида тарқатилиди ва тадбир байрамона тарзда ўтказилди.

2014 йил 1 февраль куни Олтинсой туманидаги барча тармоқ касаба уюшма органлари раҳбарлари, бошланғич касаба уюшма ташкилот раислари, тумандаги фермер хўжаликлари рахбарлари ва умумтаълим мактабларининг директор ўринбосарлари иштирокида ўқув-семинари ўтказилди.
Унда, жамоа шартномалари ва келишувларини тузиш, уларнинг экспертизадан ўтказиш ва Халқаро Меҳнат Ташкилотининг Ўзбекистон Республикаси томонидан ратификация қилинган Конвенциялари тўғрисида маърузалар қилинди.