2024 yil 10 oktyabr kuni O‘zbekiston kasaba uyushmalari Federatsiyasining Surxondaryo viloyat kengashi katta zalida 7 oktyabr – “Butunjahon munosib mehnat kuni”ga bag‘ishlab “Munosib mehnat — munosib hayot asosidir”  mavzusida seminar o‘tkazildi.

O‘tkazilgan seminarda O‘zbekiston kasaba uyushmalari Federatsiyasining Surxondaryo viloyat kengashi apparat xodimlari, tarmoq kasaba uyushmalari xodimlari, tuman (shahar) kengashlari rais va xisobchilari hamda yirik boshlang‘i kasaba uyushma qo‘mitalari raislari, Surxondaryo viloyat Kambag‘allikni qisqartirish va bandlik bosh boshqarmasi, Savdo-sanoat palatasi Surxondaryo viloyat hududiy boshqarmasi raxbariyati hamda hamkor tashkilotlar vakillaridan tashkil topgan jami 164 nafar kishi ishtirok etishdi.

Seminarni O‘zbekiston kasaba uyushmalari Federatsiyasining Surxondaryo viloyat kengashi raisi A.Axmedov ochib berdi va seminarda qatnashgan tashkilot raxbarlari tomonidan “Munosib mehnat — munosib hayot asosidir”  mavzusida ma’ruzalar qilindi.

Oktyabr oyi «Keksalar xaftaligi»  munosabati bilan Angor tuman maktabgacha va maktab ta’limi bo‘limi va tuman kasaba uyushma bo‘linmasi  hamkorlikda ta’lim soxasida ishlab hozirgi kunda keksalik gashtini surayotgan faxriy ustozlarni Denov tumanida joylashgan «Sangardak»  sharsharasiga sayoxat uyushtirildi.

1-Oktyabr «O‘qituvchi va murabbiylar» kuni munosabati bilan Maktabgacha va maktab ta’limi bo‘limi va tuman kasaba uyushma bo‘linmasi hamkorlikda ta’lim sohasida ishlab  hozirgi kunda keksalik gashtini surayotgan faxriy ustozlar holidan xabar olishdilar.

O‘qituvchilik azal – azaldan e’tiborli kasb hisoblanadi. Mamlakatimizda 1997-yildan boshlab 1-oktabr «O‘qituvchi va murabbiylar kuni» umumxalq bayrami sifatida nishonlanib kelinmoqda.

Ushbu sana munosabati bilan Angor tumanida soha xodimlari, faxriy ustozlar, o‘qituvchi va murabbiylar ishtirokida bayram tadbiri bo‘lib o‘tdi.

Bayramda tuman hokimi Qosim Mardonov o‘qituvchi va murabbiylarni bayram bilan tabrikladi. Shuningdek, nuroniy ustozlar bugungi kunda ta’lim sohasidagi o’zgarishlar xususida ta’kidlab o’tdilar.

Shundan so‘ng, ta’lim sohasini rivojlantirishdagi ko‘p yillik samarali mehnatlari va yoshlarimizni Vatanga sadoqat ruhida tarbiyalashda xizmat qilib kelayotgan bir guruh o‘qituvchi va murabbiylarga tuman hokimligi hamda Ta’lim va fan xodimlari kasaba uyushmasi bo‘linmasi tomonidan  bayram sovg‘alari topshirildi.

Bugun Uzun tumanidagi «Chinor» tantanalar saroyida 1- Oktyabr » Ustozlar va murabbiylar kuni» munosabati bilan «Ustoz azizdir» shiori ostida madaniy-ma’rifiy tadbir tashkil etildi. Tadbirni tuman xokimi o‘‌rinbosari Z. Abdanov kirish so‘‌zi bilan ochib, tuman xokimining Ustozlarga yo‘‌llagan tabrigini tantana ishtirokchilariga o‘qib berdi. Tuman Madaniyat bo‘‌limining xushovoz xonandalari tomonidan ijro etilgan sho‘x navolar Ustozlarga zavq ulashdi. Tadbir yakunida ta’lim sohasida yuqori natijalarga erishgan bir gurux Ustozlarga  tuman ta’lim va fan xodimlari kasaba uyushmasi Bo‘linmasining esdalik sovg‘alari topshirildi.

Oltinsoy tumani Obodonlashtirish boshqarmasi  hodimlari o‘rtasida  «O‘zbekiston kasaba uyushmalari faollari va Respublika Nuroniylarining kambag‘allikni qisqartirish bo‘yicha  O‘zbekiston xalqiga murojaati» bo‘yicha yig‘ilish o‘tkazilib, murojaatning mazmun mohiyatini tarmoq kasaba uyushmasi Surxondaryo viloyat birlashgan qo‘mita raisi X,Qo‘zimuradov ma’ruza qilidi. So‘zga chiqqanlar kasaba uyushmasi raisi F.Soatova, ishchilar A. Abdumo‘minov , B.Turdaliev, Sh.Sattorovlar murojaatni qo‘llab-quvvatladilar.

O‘zbekiston sog‘liqni saqlash vazirligi va  O‘zbekiston sog‘liqni saqlash xodimlari kasaba uyushmasi Respublika kengashi ijroiya qo‘mitasi o‘rtasida imzolangan qo‘shma qarorga asosan Surxondaryo viloyat sog‘liqni saqlash boshqarmasi va O‘zbekiston Sog‘liqni saqlash xodimlari kasaba uyushmasining Surxondaryo viloyati kengashi tomonidan sog‘liqni saqlash tizimi xodimlarini  jismoniy faolligini oshirish, salomatligini mustahkamlash, ular orasida sog‘lom turmush tarzini targ‘ib etish va olib borilayotgan ishlar samaradorligini yanada oshirish maqsadida mini futbol, stol tennis, shaxmat va shashka sport turlari bo‘yicha spartakiada musobaqalarining viloyat bosqichi o‘tkazildi. Musobaqa natijalariga ko‘ra 1-o‘rin Qiziriq tuman tibbiyot birlashmasi, 2-o‘rin Respublika tez tibbiy yordam markazi Surxondaryo filiali, 3-o‘rin Jarqo‘rg‘on tuman tibbiyot birlashmasi  jamoalari egallashdi. Musobaqa g‘oliblari viloyat Kengashining diplom va qimmatbaho sovg‘alari bilan taqdirlanishdi.

O‘zbekiston Respublikasi Prezidentining 2022 yil 28 yanvardagi PF-60-son Farmoni bilan tasdiqlangan “2022-2026-yillarga mo‘ljallangan Yangi O‘zbekistonning taraqqiyot strategiyasi”da belgilangan topshiriqlar ijrosini ta’minlash maqsadida O‘zbekiston kasaba uyushmalari Federatsiyasi tomonidan xalqaro miqyosda kasaba uyushmalari bilan har tomonlama hamkorlikni rivojlantirishga alohida e’tibor qaratilib kelinmoqda.

Xususan, O‘zbekiston kasaba uyushmalari Federatsiyasi hamda Tojikiston mustaqil kasaba uyushmalari Federatsiyasi o‘rtasida kelishuv shartnomasining imzolanishi, ikki tomonlama tuzilgan hamkorlik Memorandumining tasdiqlanishi va shu asosda yo‘l haritalari ishlab chiqilib, ijroga yo‘naltirilishi ham buning yorqin dalilidir.

Hamkorlik Memorandumida belgilangan vazifalarning to‘laqonli ijrosini ta’minlash hamda qo‘shni davlatlar kasaba uyushmalari bilan o‘zaro tajriba almashish amaliyotini muntazam yo‘lga qo‘yish maqsadida, ikki mamlakat Respublika kengashlari tomonidan joriy yil boshida 2024 yilga mo‘ljalangan yo‘l xaritasi tasdiqlandi.

Yo‘l haritasida belgilangan vazifalar ijrosini ta’minlash, tarmoq kasaba uyushmalari faoliyati bilan yaqindan tanishish va tajriba almashish maqsadida Surxondaryo viloyati delegatsiyasi joriy yil 12-14 sentyabr kunlari Tojikiston Respublikasining Xatlon viloyatida bo‘ladi.

Erta tongda Termiz shahridan jo‘nab ketgan delegatsiya a’zolari Xatlon viloyati chegara nazorat punktida mezbonlar tomnidan tantanali kutib olindi.

 

Bugun Surxondaryo viloyatidagi maktablarning barchasida “Birinchi qo‘ng‘iroq” tadbirlari bo‘lib o‘tdi. Tadbirlarda viloyat, shahar va tumanlar sektor rahbarlari, tashkilot, idora va boshqarmalar boshliqlari ishtirok etib, o‘quvchilarni mustaqilligimizning o‘ttiz uch yilligi hamda “Bilimlar kuni” bilan tabrikladi.

Xususan, O‘zbekiston kasaba uyushmalari Federatsiyasining Surxondaryo viloyati kengashi raisi, “Do‘stlik” ordeni sohibi, “O‘zbekistonda hizmat ko‘rsatgan yoshlar murabbiysi”, Xalq deputatlari Surxondaryo viloyati Kengashi deputati A.Axmedov Sariosiyo tumanidagi o‘zi tahsil olgan 19-sonli maktabda o‘tkazilgan tadbirda ishtirok etib, o‘qituvchi va murabbiylar, o‘quvchilar va ularning ota-onalarini “Bilimlar kuni” – yangi o‘quv yilining boshlanishi bilan, barchani mustaqilligimizning o‘ttiz uch yilligi shodiyonalari bilan muborakbod etdi.

Shuningdek, maktab ostonasiga ilk qadam qo‘ygan 1-sinf o‘quvchilariga “Prezident sovg‘asi”ni tantanali topshirdi.