Ta’lim va fan xodimlari kasaba uyushmasi Angor tuman bo‘linmasi tomonidan 1-iyun Bolalarni himoya qilish kuni munosabati bilan «Nurli maskan» maktab internati o‘quvchilariga tuman hokimi bilan birgalikda esdalik sovg‘alari topshirildi. Tadbir yakunida bolajonlarimizning taqdiri Davlatimiz nigohida ekanligi ta’kidlab o‘tildi.

1-iyun — Xalqaro bolalarni himoya qilish kuni. Ushbu kun 1925-yil Jenevada bolalar farovonligiga bagʻishlangan Butunjahon konferensiyasida taʼsis etilgan. Oradan 25 yil oʻtib, 1950-yildan bayram sifatida nishonlab kelinadi. Bolalarni asrab-avaylash, ularni har tomonlama qoʻllab-quvvatlash, gʻamxoʻrlik qilish har bir davlat, har bir oila, har bir ota-onaning burchidir. Sana munosabati bilan joylarda bolajonlar uchun konsert dasturlari, tomoshalar, tadbirlar, uchrashuvlar, aksiyalar tashkil etiladi.