Bugun “Beshbuloq” oromgohi bolajonlari oromgoh gullariga mehr bilan suv quydilar.

Har bir tomchi – tabiatga bo‘lgan ehtirom, har bir g‘amxo‘rlik – yashil hayotga qo‘shilgan hissadir.

Termiz shaxrida O‘zbekiston davlat muassasalari va jamoat xizmati xodimlari kasaba uyushmasi Surxondaryo viloyat Kengashining tarixiy ahamiyat kasb etuvchi hisobot-saylov konferensiyasi yuqori saviyada va keng qamrovda tashkil etildi.

Konferensiya O‘zbekiston kasaba uyushmalari harakatidagi muhim bosqich sifatida namoyon bo‘ldi. Unda 2020–2025 yillar davomida viloyat Kengashi tomonidan amalga oshirilgan keng ko‘lamli ishlarning tahlili, samaralari va istiqboldagi vazifalar atroflicha muhokama qilindi.

Mazkur davr mobaynida kasaba uyushmasi “O‘zbekiston – 2030” milliy strategiyasida belgilangan ustuvor yo‘nalishlarni hayotga tadbiq etishda faol ishtirok etdi. Mehnat munosabatlarini takomillashtirish, ijtimoiy himoya kafolatlarini mustahkamlash, xodimlarning kasbiy o‘sishi uchun qulay muhit yaratish kabi masalalar doimo diqqat markazida bo‘ldi.

Viloyat Kengashi raisi Nodira Ximmatova tomonidan taqdim etilgan hisobot so‘nggi besh yillikdagi faoliyatning barcha muhim jihatlarini qamrab oldi. Hisobotda erishilgan natijalar, amalga oshirilgan loyihalar va yangicha yondashuvlar hayotiy misollar bilan boyitilgan holda taqdim etildi.

 Taftish komissiyasi tomonidan tashkilot faoliyatining shaffofligi, hisobotdorligi va samaradorligiga bag‘ishlangan tahlillar ham e’lon qilindi. Moliyaviy tizimdagi intizom, rejalarning to‘liq ijro etilishi hamda har bir a’zo manfaatining inobatga olinishi alohida e’tirof etildi.

Saylov jarayonlari demokratik mezonlar asosida, shaffof va ochiq muhitda, muqobil nomzodlar ishtirokida tashkil etildi. Delegatlarning yakdil ishonchi bilan Nodira Ximmatova navbatdagi besh yillik muddatga yana viloyat Kengashi raisi etib saylandi.

 Shu bilan birga, kengash a’zolari, taftish komissiyasi va uning raisi ham yangilanib, tashkilotning tashkiliy salohiyati yanada mustahkamlandi.

Yakuniy so‘zlarda yangi saylangan rahbariyat oldiga bir qator strategik vazifalar qo‘yildi. Jumladan, sohada faoliyat yuritayotgan xodimlarning ijtimoiy himoyasini yanada kuchaytirish, zamonaviy texnologiyalar bilan jihozlash, kasbiy malakasini oshirish va har bir a’zo uchun munosib ish sharoiti yaratish ustuvor vazifalar sifatida belgilandi.

 Konferensiya o‘z mazmun-mohiyati, tashkilotchilik darajasi va faol muloqot muhiti bilan ishtirokchilarda katta taassurot qoldirdi.

Uning natijalari sohada xizmat qilayotgan mutaxassislarning kelajagi uchun mustahkam poydevor bo‘lib xizmat qiladi.

Angor tumanida “Oilalar mustahkamligini ta’minlashda “Oqila ayollar harakatining o‘rni” mavzusida seminar bo‘lib o‘tdi. Unda o‘z faolligi va ibratli faoliyati bilan ajralib turgan xotin-qizlar ishtirok etdi.

Tadbirda tuman hokimining o‘rinbosari – Oila va xotin-qizlar bo‘limi boshlig‘i Sabohat Musayeva harakatning jamiyatdagi o‘rni va ijtimoiy muammolarni hal etishdagi ahamiyati haqida fikr bildirdi.

Seminar yakunida mahallalarda oilaviy qadriyatlarni mustahkamlashga hissa qo‘shayotgan faol ayollarga tashakkurnomalar topshirildi.

Yozgi ta’til mavsumida bolalarning sog‘lom va mazmunli hordiq chiqarishini tashkil etish maqsadida Angor tumanida navbatdagi guruh bolalar oromgohlarga kuzatildi.

 Jumladan, Ta’lim, fan va madaniyat xodimlari kasaba uyushmasi Angor tumani Kengashi tashabbusi bilan 25 nafar bola Sherobod tumanining “Beshbuloq” bolalar sog‘lomlashtirish oromgohiga joylashtirildi.

 Shuningdek, tuman hokimligi tomonidan ijtimoiy himoyaga muhtoj oilalarning 55 nafar farzandi  “Vandob Beshbuloq” oromgohiga yuborildi.

 Tuman kasaba uyushmasi va mas’ul tashkilotlar vakillari bolalarni oromgohlarga kuzatib borib, ular uchun yaratilgan shart-sharoitlar, ovqatlanish, dam olish va ko‘ngilochar dasturlar bilan tanishdilar.

 Angor tumanidagi 5-sonli davlat maktabgacha ta’lim tashkilotida “Dolzarb to‘qson kunlik” tadbirlari doirasida “Maktabgacha ta’lim tashkilotlarida yozgi sog‘lomlashtirish davrini mazmunli tashkil etish, tarbiyalanuvchilar xavfsizligi hamda ularning hayoti va sog‘lig‘ini muhofaza qilish” mavzusida seminar bo‘lib o‘tdi.

 Seminarda tumandagi barcha davlat maktabgacha ta’lim tashkilotlari direktorlari va tajribali tarbiyachilar ishtirok etdi. Tadbir davomida 5-sonli maktabgacha ta’lim tashkiloti tarbiyalanuvchilari tomonidan turli didaktik o‘yinlar, raqslar hamda sport o‘yinlari namoyish etildi. Shu orqali ishtirokchi pedagoglar o‘rtasida o‘zaro tajriba almashuvi tashkil qilinib, amaliyotga oid tavsiyalar berildi.

 Tadbir doirasida maktabgacha ta’lim tashkiloti tarbiyalanuvchilari o‘rtasida “Tabiat bolalar nigohida” mavzusida rasmlar tanlovi ham o‘tkazildi. Gʻolib deb topilgan tarbiyalanuvchilarga esdalik sovg‘alari topshirildi.

 

 

Surxondaryo viloyati Termiz shahrida joylashgan «Amudaryo» bolalar sog‘lomlashtirish oromgohida bolalarning bo‘sh vaqtlarini mazmunli o‘tkazishlari maqsadida qiziqarli tadbirlar tashkil etildi.

«Dolzarb 90 kun» loyihasi doirasida ushbu tadbirlar joriy yilning 13 iyun kuni O‘zbekiston davlat muassasalari va jamoat xizmati xodimlari kasaba uyushmasi Surxondaryo viloyat Kengashi tarmog‘i tizimidagi Milliy gvardiya Surxondaryo viloyati bo‘yicha boshqarmasi va Qorabayir otlari mahorat maktabi tomonidan uyushtirildi.

Tadbirning asosiy maqsadi «Amudaryo» bolalar sog‘lomlashtirish oromgohida dam olayotgan bolalarning bo‘sh vaqtlarini samarali va mazmunli o‘tkazishlari, madaniy-ma’rifiy bilimlarini oshirishi, jismoniy tarbiya va sport faoliyatiga qiziqishlarini rivojlantirishi va ijobiy xotiralar yaratishiga qaratilgan.

Tadbirlar doirasida ma’rifiy dasturlar, turli konkurs va musobaqalar, san’at va madaniyat bilan tanishish, jismoniy mashqlar, sport musobaqalari va komandaviy o‘yinlar tashkil etildi.

Beshbuloq oromgohida ushbu sana munosabati bilan mazmunli ma’naviy-ma’rifiy tadbir bo‘lib o‘tdi.

 Tadbirda O‘zbekiston Respublikasi Kasaba uyushmalari Federatsiyasi mas’ullari ham ishtirok etib, bolalar mehnati bilan bog‘liq muammolar, ularning oldini olish choralari hamda bolalarning huquqlarini himoya qilish borasida samarali suhbatlar olib borildi.

Tadbir davomida:

 — Bolalar uchun qiziqarli viktorinalar, sport va ijodiy musobaqalar tashkil etildi.

 — Ularning bilim va iqtidorlari sinovdan o‘tkazildi.

 — Mehnat huquqlari haqida tushunchalar berildi.

 Tadbir yakunida o‘tkazilgan musobaqa g‘oliblari mehmonlar tomonidan diplom va esdalik sovg‘alari bilan taqdirlandi.

  Farzandlarimizning bolaligi mehnat bilan emas mehr, ta’lim va qo‘llab-quvvatlash bilan o‘tsin!

Joriy yilning 10 iyun kuni O‘zbekiston kasaba uyushmalari Federatsiyasi Surxondaryo viloyati Kengashi majlislar zalida O‘zbekiston Sog‘liqni saqlash xodimlari kasaba uyushmasining Surxondaryo viloyati bo‘linmasi hisobot-saylov konferensiyasi bo‘lib o‘tdi.

Konferensiya ishida O‘zbekiston Sog‘liqni saqlash xodimlari kasaba uyushmasi Respublika Kengashi raisi Xanapiyaev Farxodjon Raxmanovich,  O‘zbekiston kasaba uyushmalari Federatsiyasining Surxondaryo viloyati Kengashi raisi Axmedov Abdukarim Abduraxmonovich, O‘zbekiston kasaba uyushmalari Federatsiyasi vakili Qodirov Shavkat Jumaboevich,Surxondaryo viloyat sog‘liqni saqlash boshqarmasi boshlig‘i Abdivoxidov Komil Murtazaevich, taklif qilingan mehmonlar hamda delegatlar ishtirok etishdi.

O‘zbekiston Sog‘liqni saqlash xodimlari kasaba uyushmasining Surxondaryo viloyati Kengashining 2021 yil aprel’ oyidan 2025 yil iyun oyigacha olib borgan faoliyati “qoniqarli” deb baholandi hamda taftish komissiyasi hisoboti tasdiqlandi.

Hisobot-saylovlarni o‘tkazish to‘g‘risidagi Nizomning 3.3.22. bandida ishlab chiqarishdagi ishidan ozod etilgan kasaba uyushmasining hududiy kengashlari raislari va rais o‘rinbosarlari saylovi muqarrar ravishda  muqobillik asosida, yashirin ovoz berish yo‘li bilan o‘tkazilish belgilanganligi munosabati bilan O‘zbekiston Sog‘liqni saqlash xodimlari kasaba uyushmasining Surxondaryo viloyati Kengashi raisi lavozimiga qayta  5 (besh) yillik muddatga Kadirova Muyassar Djumaevna saylandi.

Shu bilan birga O‘zbekiston Sog‘liqni saqlash xodimlari kasaba uyushmasining Surxondaryo viloyati taftish komissiyasining tarkibi va taftish komissiyasi raisi saylandi.

Kun tartibida barcha masalalar ko‘rib chiqilib, tegishli qarorlar qabul qilindi.

Konferensiya ishi yakunlanganidan so‘ng, Sog‘liqni saqlash xodimlari kasaba uyushmasi Surxondaryo viloyati Kengashining tashkiliy Majlis o‘tkazildi hamda Rayosat a’zolari, jamoatchilik asosida Kengash raisi o‘rinbosari saylandi.

Shuningdek, keyingi 5 yillikda O‘zbekiston Sog‘liqni saqlash xodimlari kasaba uyushmasi Surxondaryo viloyati Kengashining muhim ustuvor vazifalari belgilab olindi.

 

2025 yilda barcha kasaba uyushma tashkilotlarida hisobot-saylovlar o‘tkazildi. Shu nuqtai nazardan kelib chiqib,  26 may kuni O‘zbekiston kasaba uyushmalari Federatsiyasi Kengashi raisi Rafikov Qudratillo Mirsagatovich tomonidan zoom orqali o‘tkazilgan yig‘ilish Qaroriga asosan joylardagi barcha boshlang‘ich kasaba uyushma qo‘mitalari raislari va tashkilotchilari ayniqsa 2025 yilda o‘tkazilga xisobot-saylovlarda yangi saylangan kasaba uyushma qo‘mitalari raislari ishtirokida 4 iyun kuni Surxondaryo viloyatida “Boshlang‘ich kasaba uyushma tashkilotlari faoliyatini Ustav talablari va me’yoriy hujjatlar asosida tashkil etish” to‘g‘risida o‘quv-seminari hamda Surxondaryo agrosanoat majmui xodimlari kasaba uyushmasi tuman, shahar raislar kengashining  V -Hisobot-saylov konferensiyasi bo‘lib o‘tdi. Seminarda O‘zbekiston agrosanoat majmui xodimlari kasaba uyushmasi Respublika kenagishi raisining birinchi o‘rinbosari Bozorov To‘xta Sharipovich, O‘zbekiston yozuvchilar uyushmasi Surxondaryo viloyat bo‘limi raisi, “Halq yo‘li” gazetasi bosh muharriri, Respublika “Ishonch va Ishonch doverie” gazetalari viloyat bo‘yicha muxbiri Jumaqulov Chori Pardaevich, viloyat bo‘yicha mas’ul tashkilotchisi Xolmurodov Jovli Norboevich, Surxondaryo viloyat kengashining bo‘lim boshliqlari, tuman shaxar kengashlari raislari va xisobchilari, yangi saylangan boshlang‘ich kasaba uyushma qo‘mitalari raislari va delegatlar ishtirok etishdi.

“Boshlang‘ich kasaba uyushma tashkilotlari faoliyatini Ustav talablari va me’yoriy hujjatlar asosida tashkil etish” to‘g‘risida Respublika kengashi raisi T.Bozorov, viloyat kengashining bo‘lim boshliqlari dastur asosida so‘zga chiqib o‘z yo‘nalishlari bo‘yicha ma’ruzalari qilishdi. Tadbir davomida kasaba uyushmalari tizimida ko‘p yillik samarali mexnatlari uchun Respublika kengashi tomonidan 8 nafar boshlang‘ich kasaba uyushma qo‘mitaraislari taqdirlandilar.

Seminar yakunlangandan so‘ng Surxondaryo agrosanoat majmui xodimlari kasaba uyushmasi tuman, shahar raislar kengashining V — Hisobot-saylov konferensiyasi bo‘lib o‘tdi. Xisobot saylovda viloyat bo‘yicha mas’ul tashkilotchisi J.Xolmurodov tomonidan o‘tgan 5 yillik davr mobaynida amalga oshirilgan ishlar yuzasidan xisoboti tinglandi va delegatlar tomonidan qoniqarli deb topildi. Kun tartibidagi keyingi masala saylovlar bo‘lib Respublika kengashining V-Qurultoyiga, viloyat kengashining IX- konferensiyasiga delegatlar hamda Respublika kengashining kengash tarkibiga vakillar saylandi.