Bugun erta tongdan Termiz shahrida jam bo‘lgan avtobuslar karvoni YHXB kuzatuv avtomobillari hamrohligida viloyatdagi yozgi oromgohlar tomon yo‘l oldi.
Safar oldidan YHXB rahbariyati tomonidan haydovchilar bilan profilaktik suhbat o‘tkazildi. Ularga yo‘llarda xavfsiz harakatlanish va bolalar salomatligini muhofaza qilish bo‘yicha zarur yo‘riqnomalar berildi.
Yozning birinchi kuniga to‘g‘ri keladigan Xalqaro bolalarni himoya qilish kuni eng qadimiy xalqaro bayramlardan biri bo‘lib, butun dunyoda 1950-yildan beri nishonlanadi. Uni o‘tkazish to‘g‘risidagi qaror 1949-yil noyabr oyida bo‘lib o‘tgan maxsus sessiyada Xalqaro demokratik ayollar federatsiyasi tomonidan qabul qilingan. BMT ushbu tashabbusni qo‘llab-quvvatladi va bolalar huquqlari, hayoti hamda salomatligini himoya qilishni o‘z faoliyatining ustuvor yo‘nalishlaridan biri deb e’lon qildi.
Xalqaro bolalarni himoya qilish kuni, eng avvalo, kattalarga bolalarning yashash, fikr va e’tiqod erkinligi, ta’lim olish, hordiq chiqarish va dam olish huquqlarini hurmat qilish zarurligini eslatadi. Shuningdek, u bolalarni jismoniy va ruhiy zo‘ravonlikdan hamda bolalar mehnatidan himoya qilish — insonparvar va adolatli jamiyatni shakllantirishning asosiy sharti ekanini bildiradi.
1959-yilda Birlashgan Millatlar Tashkiloti tomonidan Bola huquqlari deklaratsiyasi qabul qilindi. Unda ota-onalar, davlat organlari, mahalliy hokimiyatlar, hukumatlar va nodavlat notijorat tashkilotlarini bolalarning belgilangan huquq hamda erkinliklarini tan olishga va ularga rioya qilishga chaqiruvchi moddalar o‘rin olgan. Deklaratsiya tavsiya xarakteriga ega bo‘lib, majburiy kuchga ega emas edi.
Bola huquqlari xalqaro huquq darajasida ko‘rib chiqilgan birinchi va asosiy huquqiy hujjat — 1989-yil 20-noyabrda BMT tomonidan qabul qilingan Bola huquqlari to‘g‘risidagi konvensiyadir.
O‘zbekistonda bolalar huquqlari, avvalambor, Konstitutsiya bilan belgilangan. Shuningdek, ular 2007-yilda qabul qilingan “Bola huquqlarining kafolatlari to‘g‘risida”gi qonun hamda 2019-yil 22-apreldagi “Bola huquqlari kafolatlarini yanada kuchaytirishga oid qo‘shimcha chora-tadbirlar to‘g‘risida”gi PQ-4296-sonli qaror bilan himoyalangan. O‘zbekistonda 2019-yildan boshlab Bolalar ombudsmani instituti ham joriy etilgan.
Bundan tashqari, O‘zbekistonda bolalarning har tomonlama — ham jismoniy, ham intellektual yetuk insonlar bo‘lib o‘sishini ta’minlash davlat siyosatining ustuvor vazifalaridan biri etib belgilangan.
Surxondaryo viloyati Angor tumanidagi 2-sonli umumiy o‘rta ta’lim maktabida nafaqaga kuzatish marosimi bo‘lib o‘tdi. Maktabning boshlang‘ich sinf o‘qituvchisi Jumayeva Nodira Norboyevna 53 yoshni qarshilashi hamda nafaqaga chiqishi munosabati bilan jamoa tomonidan alohida e’tirof etildi.
Nodira Norboyevnaga ko‘p yillik fidokorona mehnati, yosh avlodga bergan ta’lim-tarbiyasi uchun minnatdorchilik bildirilib, maktab ma’muriyati tomonidan Faxriy yorliq va esdalik sovg‘alari topshirildi. Ustozimizga uzoq umr va sihat-salomatlik tilaymiz!
Angor tumanidagi 24-sonli umumiy o’rta ta’lim maktabida 2026-yil 25-may kuni “Yuksak ma’rifatli avlod — Uchinchi Renessans poydevori!” shiori ostida «So‘nggi qo‘ng‘iroq» tadbiri bo‘lib o‘tdi.
Tadbir davomida o‘quv yili davomida yuqori natijalarga erishgan, bilimli va faol o‘qituvchilar hamda o’quvchilar maktab ma’muriyati tomonidan faxriy yorliq va esdalik sovg‘alari bilan taqdirlandilar.
Qonun ustuvorligi – jamiyat taraqqiyotining mustahkam poydevori, inson huquq va manfaatlarini ta’minlashning eng ishonchli kafolatidir.
Mehnat munosabatlarida esa bu tamoyil har bir xodimning qadri, sha’ni va huquqlari himoya qilinishida yaqqol namoyon bo‘ladi.
O‘zbekiston kasaba uyushmalari Federatsiyasi Surxondaryo viloyati kengashi mehnat huquq inspektori Zarif Xolov tomonidan bu borada izchil va samarali ishlar amalga oshirilmoqda.
Ayniqsa, joriy yilning fevral–mart oylarida amalga oshirilgan ishlar qonuniylik va adolatni ta’minlash yo‘lida muhim natijalar berdi.
Jumladan, FIB Qumqo‘rg‘on tumanlararo sudining qarori bilan “Davlatsoy” MFY hokim yordamchisi O.Jumaev ishga tiklanib, unga 41,5 million so‘mdan ortiq mablag‘ undirilishi ta’minlandi.
Bu – mehnat huquqlari poymol etilganda, qonun orqali adolatni tiklash mumkinligining yaqqol isbotidir.
Shuningdek, Surxondaryo viloyat sudida apellyatsiya tartibida ko‘rib chiqilgan ishda Sho‘rchi tumani 1-son politexnikumi xodimi N.Menglievning huquqlari himoya qilinib, adolat qaror topdi. Bu esa har qanday bosqichda ham haqiqat ustuvor bo‘lishini ko‘rsatadi.
Uzun tumanidagi 36-maktab xodimi J.Abdurasulov foydasiga 8,5 million so‘m miqdoridagi kechiktirilgan to‘lovlarning sud orqali undirilishi ta’minlandi.
Bu kabi ishlar xodimlarning ijtimoiy himoyasi amalda ta’minlanayotganini anglatadi.
Amalga oshirilayotgan har bir ish – inson manfaati, adolat va qonuniylikni ta’minlashga qaratilgan. Kasaba uyushmalari tizimi esa bu borada ishonchli tayanch bo‘lib xizmat qilmoqda.
Xolov Zarif Xalilovich
Mehnat huquq inspektori
«Inson xotira bilan tirik, qadr bilan ulug‘!» degan ezgu tamoyil xalqimiz ma’naviyatining ajralmas qismiga aylangan. Yurtimizda 9 may – «Xotira va qadrlash kuni»ni yuqori saviyada nishonlash, o‘tganlar yodini e’zozlash maqsadida Prezidentimizning tegishli qarori asosida keng ko‘lamli tadbirlar o‘tkazilmoqda.
Shunday ma’naviy-ma’rifiy tadbirlardan biri kuni kecha Surxondaryo viloyatida tashkil etildi. O‘zbekiston Kasaba uyushmalari Federatsiyasining viloyat Kengashi hamda Sog‘liqni saqlash xodimlari kasaba uyushmasi viloyat Kengashi hamkorligida tibbiyot fanlari doktori Quvondiq Mengniyozovich Madartov xotirasiga bag‘ishlangan an’anaviy katta tennis turniri o‘tkazildi.
Turnir haqida qisqacha:
Bu kabi xotira turnirlari nafaqat sport mahoratini oshirishga, balki fidoyi insonlarning nomini avlodlar yodida saqlashga xizmat qiladi. O‘tganlarning xayrli ishlari va jasorati hamisha e’zozda!
9-may — Xotira va qadrlash kuni munosabati bilan Angor tumani hokimi Qosim Mardonov hamda mutasaddilar Buxoro viloyatida sodir bo‘lgan portlash oqibatida halok bo‘lgan harbiy xizmatchi Xushboq Choriyevning xonadonida bo‘ldi.
Tashrif davomida harbiy xizmatchining oila a’zolaridan hol-ahvol so‘raldi. Samimiy muloqot chog‘ida yurt tinchligi va xalq osoyishtaligi yo‘lida xizmat qilgan insonlarning jasorati hamda fidoyiligi hamisha yuksak qadrlanishi, ularning hayot yo‘li yosh avlod uchun ibrat namunasi ekani ta’kidlandi.
Shuningdek, Vatan manfaatlari yo‘lida xizmat qilgan insonlar xotirasini e’zozlash va ularning oilalariga doimiy e’tibor qaratish barchaning muhim vazifasi ekani qayd etildi.
9-may — Xotira va qadrlash kuni munosabati bilan Angor tumani hokimi Qosim Mardonov hamda mutasaddilar Buxoro viloyatida sodir bo‘lgan portlash oqibatida halok bo‘lgan harbiy xizmatchi Xushboq Choriyevning xonadonida bo‘ldi. Tashrif davomida harbiy xizmatchining oila a’zolaridan hol-ahvol so‘raldi. Samimiy muloqot chog‘ida yurt tinchligi va xalq osoyishtaligi yo‘lida xizmat qilgan insonlarning jasorati hamda fidoyiligi hamisha yuksak qadrlanishi, ularning hayot yo‘li yosh avlod uchun ibrat namunasi ekani ta’kidlandi. Shuningdek, Vatan manfaatlari yo‘lida xizmat qilgan insonlar xotirasini e’zozlash va ularning oilalariga doimiy e’tibor qaratish barchaning muhim vazifasi ekani qayd etildi