Angor tuman Maktabgacha va maktab ta’limi bo‘limi, tuman Ta’lim va fan  xodimlari kasaba uyushmasi Angor tuman bo‘linmasi hamda tuman Sport maktabi hamkorligida “Besh tashabbus olimpiadasi” doirasida tumandagi umumiy o‘rta ta’lim maktablarining pedagog-o‘qituvchilar va xodimlari o‘rtasida Kasaba uyushmasi kubogi uchun sportning 5 ta turi bo‘yicha xududiy bosqich musobaqalari o‘tkazilmoqda.

 Kasaba uyushmasi kubogi uchun sportning mini futbol, shaxmat, shashka, stol tennisi va voleybol turlari bo‘yicha musobaqalar qizg‘in va murosasiz bellashuvlarga boy bo‘lmoqda.

Bellashuvlar yakunida yakka va jamoaviy bahslarda g‘olib bo‘lganlar musobaqaning viloyat bosqichiga ishtirok etish yo‘llanmalarni qo‘lga kiritishadilar.

2026 yil 14 aprel kuni Surxondaryo viloyatining Uzun tumani 2-sektor hududida «Besh tashabbus olimpiadasi» doirasida «Sog‘lom tanda — sifatli ta’lim» shiori ostida sport musobaqalari o‘tkazildi.

Ushbu tadbirning asosiy tafsilotlari:

• Maqsad: Ta’lim muassasalari xodimlari va pedagoglar o‘rtasida sog‘lom turmush tarzini targ‘ib qilish hamda ommaviy sportni rivojlantirish.
• Ishtirokchilar: Musobaqalarda asosan maktabgacha va maktab ta’limi bo‘limi tizimidagi o‘qituvchi va xodimlar ishtirok etmoqda.
• Yo‘nalishlar: «Besh tashabbus olimpiadasi» doirasida ishtirokchilar sportning bir qancha turlari (masalan, voleybol, stol tennisi, shaxmat-shashka va boshqalar) bo‘yicha o‘zaro bellashadilar.
• Bosqich: Mazkur musobaqalar sektorlar kesimidagi hududiy bosqich hisoblanib, g‘oliblar tuman va keyingi yuqori bosqichlarga yo‘llanma oladilar.
• Musobaqa g‘oliblari va faol ishtirokchilar tashkilotchilar tomonidan diplom hamda esdalik sovg‘alari bilan taqdirlanishi belgilangan.

Mamlakatimizda so‘nggi yillarda muhtaram Prezidentimiz tomonidan yoshlarga oid davlat siyosatini amalga oshirish, yoshlarni har tomonlama qo‘llab-quvvatlash, zamonaviy bilim egallashlari uchun shart-sharoitlar yaratish hamda bandligini ta’minlashga ko‘maklashish bo‘yicha muhim chora-tadbirlar amalga oshirilmoqda.

Joriy yilning 9 aprel kuni O‘zbekiston davlat muassasalari va jamoat xizmati xodimlari kasaba uyushmasi Surxondaryo viloyat kengashi tomonidan tarmoq tizimidagi Surxondaryo yuridik texnikumi talabalari ishtirokida “Rahbar va yoshlar” uchrashuvi bo‘lib o‘tdi.

Uchrashuv yoshlar bilan ularni qiziqtirgan masalalar yuzasidan samimiy va ochiq muloqot tarzida tashkil etildi. Tadbir davomida yoshlar tomonidan berilgan savollarga mas’ullar atroflicha javob berishdi.

Tadbir yakunida faol ishtirok etgan yoshlarga tashkilotchilar tomonidan kitoblar sovg‘a qilindi.

O‘zbekiston davlat muassasalari va jamoat xizmati xodimlari kasaba uyushmasi Surxondaryo viloyat kengashi xodimi Murodjon Ibragimovning navbatdagi ilmiy maqolasi nufuzli xalqaro nashrda chop etildi.

“SCIENTIFIC PUBLICATION” xalqaro ilmiy jurnalining 2025 yilgi 1-soni, 296-betida e’lon qilingan ushbu maqola “TURKISTONDA KASABA UYUSHMALARI HARAKATI: JADIDLAR TASHABBUSIDAN ZAMONAVIY ISLOHOTLARGACHA” deb nomlanadi.

 Maqolaning asosiy mazmun-mohiyati:

• Tarixiy ildizlar: Kasaba uyushmalarining kelib chiqish tarixi va Turkistondagi ilk harakatlar tahlili.
• Jadidlar merosi: Ushbu harakatning shakllanishida ma’rifatparvar jadid bobolarimiz ko‘rsatgan tashabbuslar.
• Yangi O‘zbekiston islohotlari: Zamonaviy davrda kasaba uyushmalari faoliyatini takomillashtirish borasidagi yangilanishlar.
• Yoshlar va targ‘ibot: Kasaba uyushmalari harakatini talaba-yoshlar orasida keng targ‘ib qilishning ahamiyati.

 Ushbu ilmiy ish nafaqat soha xodimlari, balki keng jamoatchilik va yosh tadqiqotchilar uchun ham qimmatli manba bo‘lib xizmat qiladi.

Kengashimiz jamoasi Murodjon Ibragimovni ushbu muvaffaqiyat bilan muborakbod etib, kelgusi ilmiy va kasbiy faoliyatida zafarlar tilaydi!

O‘zbekiston kasaba uyushmalari Federatsiyasining Surxondaryo viloyati kengashida ikki tomli «O‘zbekiston kasaba uyushmalari. 120 yil xalq bilan» kitoblarining taqdimoti o‘tkazildi.

Tadbirda tarmoq kasaba uyushmalari tuman va shahar kengashlari raislari, hamkor tashkilotlar vakillari hamda kasaba uyushmalari faollari ishtirok etdi.

«O‘zbekiston kasaba uyushmalari. 120 yil xalq bilan» kitobi ikki jilddan iborat bo‘lib, unda kasaba uyushmalari harakatining yuzaga kelishi, shakllanishi va bugungi kungacha bosib o‘tgan taraqqiyot bosqichlari keng yoritilgan.

Taqdimotda so‘zga chiqqanlar mazkur kitobning nashr etilishi kasaba uyushmalari tarixini tizimlashtirish, uni ilmiy jihatdan o‘rganish va keng jamoatchilikka yetkazish yo‘lidagi muhim qadam bo‘lganini e’tirof etdilar.

Ushbu kitoblar viloyatdagi oliy o‘quv yurtlari, kutubxonalar, muzeylar va kasaba uyushmasi faollariga sovg‘a qilindi.

 

O‘zbekiston Respublikasi Prezidentining 2026 yil 5 fevraldagi “Buyuk davlat arbobi va sarkarda, ilm-fan, madaniyat va san’at homiysi Sohibqiron Amir Temur tavalludining 690 yilligini keng nishonlash to‘g‘risida”gi PQ-46-son qarori ijrosini ta’minlash maqsadida O‘zbekiston kasaba uyushmalari Federatsiyasining Surxondaryo viloyati kengashida “Biz kim — mulki Turon, Amiri Turkistonmiz” mavzusida ma’naviy-ma’rifiy tadbir tashkil etildi.

Mazkur anjumanda turli soha vakillari, jumladan, kasaba uyushmalari tizimi xodimlari, tashkilot va idoralar mas’ullari, oliy ta’lim muassasalarining professor-o‘qituvchilari, talabalar, teatr aktyorlari hamda harbiylar ishtirok etishdi.

Tadbir davomida ma’ruzachilar Amir Temurning hayoti, siyosiy va ijtimoiy faoliyati, Sohibqiron davridagi ilm-fan, madaniyat hamda ta’lim rivoji haqida so‘z yuritdilar.

Shuningdek, Surxondaryo viloyati musiqali drama teatri aktyorlari tomonidan Amir Temur hayoti va faoliyatini aks ettiruvchi sahna ko‘rinishlari namoyish etildi. O‘z navbatida, talaba-yoshlar buyuk sarkardaning hayotiy tajribasi asosida yaratilgan “Temur tuzuklari” asaridan adolatparvarlik, halollik va mardlikni targ‘ib qiluvchi hikmatli so‘zlarni yod oldilar.

Yakunda tadbirni yuqori saviyada o‘tkazishga hissa qo‘shgan bir guruh ishtirokchilar tashkilotchilarning tashakkurnomasi va esdalik sovg‘alari bilan taqdirlandilar.

 

Joriy yilning 4-aprel kuni Amir Temur tavalludining 690 yilligi munosabati bilan viloyatimizda yuksak saviyada keng ko‘lamli harbiy parad o‘tkazildi.

Mazkur tantana buyuk sarkarda va davlat arbobining boy tarixiy merosini ulug‘lash, yosh avlod qalbida vatanparvarlik tuyg‘usini mustahkamlash hamda milliy qadriyatlarimizni keng targ‘ib etish maqsadida tashkil etildi.

Tadbirda viloyatdagi barcha kuch tuzilmalari, harbiy xizmatchilar va huquqni muhofaza qiluvchi organlar vakillari, shuningdek, Milliy gvardiya Qorabayir otlari mahorat maktabi hamda Chavandozlar maktabi jamoalari faol ishtirok etib, o‘zlarining yuksak tayyorgarligi va saf intizomini namoyish etdilar.

Paradda otliq chavandozlarning ishtiroki alohida e’tiborga sazovor bo‘ldi. Ular Sohibqiron davri navkarlarining jangovar liboslarida saf tortib, tarixiy an’analarimizni jonli tarzda aks ettirdilar. Saf muqaddimasida ramziy Amir Temur siymosidagi chavandozning ko‘rinishi tadbirga o‘zgacha salobat va ruh bag‘ishladi.