ОЛИЙ ТАЪЛИМ МУАССАСАЛАРИ ЎРТАСИДА СПОРТ МУСОБАҚАСИ ТАШКИЛ ЭТИЛДИ.
Жорий йилнинг 14-март куни Термиз шаҳри “АМУДАРЁ” болаларни соғломлаштириш оромгоҳида Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг тадбиқ этиш ва оммавий спортни янада ривожлантириш чора-тадбирлари тўғрисида”ги ПФ-6099-сонли фармони ҳамда Вазирлар Маҳкамасининг 2020 йил 19 ноябрдаги “Аҳолининг соғлом турмуш тарзини қуллаб-қувватлаш ва жисмоний фаоллигини оширишга доир қўшимча чора-тадбирлари тўғрисида”ги 735-сонли қарори ижросини таминлаш мақсадида спортнинг мини футбол тури бўйича Вилоят касаба уюшмалари ташкилотлари бирлашмаси “КУБОГИ” мусабақаси бўлиб ўтди.
Мусобақада вилоятдаги олий талими муассасалари ва Афғанистон фуқароларини ўқитиш маркази футбол жамоалари ўзаро беллашдилар. Мусобақа якунларига кўра, Афғанистон фуқароларини ўқитиш маркази жамоси-3 ўрин ТерДУ жамоаси 2-ўрин, Тошкент давлат Аграр университети Термиз филиали жамоаси фахрли 1-ўринни эгаллади.
Мусобақа ғолибларига касаба уюшмаларининг дипломлари, қимматбаҳо совғалари ва медаллар ҳамда касаба кубоги топширилди.