Unda an’anaviy ijrochilik yo’nalishi bo’yicha Qiziriq tumanidan Saidova Dilbar, estrada yo’nalishi bo’yicha Boysun tumanidan Xolmurodov Farod, yakka raqs ijrochiligi yo’nalishi bo’yicha Sariosiyo tumanidan Mirzabadalova Go’zallar ko’rik tanlovning faol ishtirokchisi sifatida “Diplom” bilan taqdirlandilar.

Жорий йилнинг 12 август куни Термиз шаҳар мусиқали драма театрида Ўзбекистон Республикаси мустақиллигининг 25 йиллиги муносабати билан “Гўзал ва бетакроримсан, муқаддас Ватаним, жоним сенга фидо, Ўзбекистоним!” деган эзгу ғояни ўзида мужассам этувчи маданий-маърифий тадбирлар доирасида вилоят касаба уюшмалари ташкилотлари бирлашмаси ҳамда вилоят Маданият ва спорт ишлари бошқармаси ҳамкорлигида “Бахши, шоир, оқин ва жировлари” кўрик-танлови ўтказилди.

Кўрик-танлов ғолиб ва иштирокчилари вилоят касаба уюшмалари ташкилотлари бирлашмаси кенгашининг дипломлари, эсдалик совғалари ҳамда вилоят Маданият ва спорт ишлари бошқармасининг “Фахрий ёрлик”лари билан тақдирландилар.

“Соғлом она ва бола йили”, Ўзбекистон Республикаси Мустақиллигининг 25 йиллиги ҳамда 20 июль Ҳалқаро шахмат куни муносабати билан  “Касаба уюшма соврини учун” IV-анаънавий Республика миқёсидаги очиқ шахмат мусобақаси жорий йилнинг 20-26 июль кунлари Узун туманидаги  “Хонжиза” болалар соғломлаштириш оромгоҳида ўтказилди.

Мусобақада Республиканинг барча вилоятларидан терма жамоалар иштирок этдилар. Мусобақа жараёнида шахмат бўйича , Ҳалқаро спорт устаси  Х . Тўраев  25 та шахмат доскасида сеанс ўйинларини ўтказди.

Мусобақа сўнгида ғолиб ва иштирокчи жамоалар вилоят касаба уюшмалари ташкилотлари бирлашмаси ҳамда  ташкилотчилар томонидан медаль, диплом ва қимматбаҳо совғалар билан тақдирландилар.

Жорий йилнинг ёз мавсумида вилоятда кундузги оромгоҳларда  13467 нафар, шаҳар ташқарисида фаолият юритаётган оромгоҳларининг I-III навбатларида  5821 нафар болалар соғломлаштирилди.

Шу жумладан, кам таъминланган оилаларнинг 100 нафар фарзандлари Самарқанд вилояти ҳудудидаги “Золотинка” оромгоҳида, 50 нафар “Меҳрибонлик уйи” тарбияланувчилари, 100 нафар билимлар беллашувида ғолиб бўлган иқтидорли болалар, шунингдек, кам таъминланган оилалар фарзандларидан                       746 нафари жамоа шартномалари ва келишувлари орқали  вилоятимизнинг сўлим оромгоҳларида бепул соғломлаштирилди.

Болаларнинг мароқли ва мазмунли дам олишлари учун барча шарт-шароитлар яратиб берилиб, оромгоҳларда Мустақиллигимизнинг йигирма беш йиллиги муносабати билан “Гўзал ва бетакроримсан, муқаддас Ватаним, жоним сенга фидо Ўзбекистоним!” шиори остида маданий, маърифий ва спорт тадбирлари, учрашувлар, давра суҳбатлари ўтказилди.

Жорий йилнинг 5 июль куни Узун туманидаги “Хонжиза” болалар оромгоҳида “Ёз ўтмоқда соз” мавзусида байрам тадбири бўлиб ўтди. Байрам тадбирида таълим, фан ва маданият ходимлари касаба уюшмаси Ангор туман кенгаши томонидан борган таълим ходимлари фарзандлари фаол иштирок этишди.

Ёшларга оид Давлат сиёсатини амалга оширишга қаратилган қўшимча чора-тадбирлар дастури ижросини таъминлаш мақсадида, вилоят касаба уюшмалари ташкилотлари бирлашмаси кенгагши, “Камолот” ЁИҲ вилоят кенгаши, Савдо-саноат палатаси вилоят ҳудудий бошқармаси, Термиз Давлат университети, маданият ва спорт ишлари вазирлиги, вилоят ўрта махсус, касб-ҳунар таълими бошқармаси, Сурхондарё телерадиокомпанияси ҳамкорлигида “Йилнинг энг ёш фаол мутахассиси”, “Энг яхши ишчи касб эгаси” танловларининг вилоят босқичи ўтказилди.
Танлов ғолиблари ташкилотчиларнинг дипломлари ва эсдалик совғалари билан тақдирландилар.

Ўзбекистон давлат муассасалари ва жамоат хизмати ходимлари касаба уюшмаси Термиз шаҳар кенгаши тизимида фаолият юритаётган ташкилотлар ходимларининг фарзандларидан 220 нафари вилоятимизнинг “Хонжиза”, ”Вахшивор”, ”Бешбулоқ-Сурхон-Шеробод” болалар соғломлаштириш оромгоҳларида соғломлаштирилди ва дам олдирилди. Белгиланган режа ортиғи билан бажарилди.

Ўзбекистон давлат муассасалари ва жамоат хизмати ходимлари касаба уюшмаси Термиз шаҳар кенгаши томонидан белгиланган режага асосан 3 та иш ўрни яратилди.
“Боғзор” маҳалласи худудида ташкил этилган кулолчилик устахонаси 2016 йилнинг апрель ойидан фаолият юритишни бошлади. Устахонада 3 нафар коллеж битирувчиси кулолчилик билан шуғулланмоқда.

Жорий йилнинг 30 июнь кунида Денов Хазорбоғ қишлоқ хўжалик касб-хунар коллежида Сурхондарё вилояти ўрта махсус касб-ҳунар таълими бошқармаси ҳамда вилоят касаба уюшмалари ташкилотлари бирлашмаси кенгашининг кўшма қарори асосида «Қишлоқ хўжалик машина ва жиҳозларига техник хизмат кўрсатиш механиги касби» бўйича «Энг яхши ишчи касб эгаси» номинацияси танловининг II-вилоят босқичи ўтказилди.
«Амалий синовлар» МТА ни тайёрлаш, «Пайвандлаш» ва «Автомобилни бошқариш» ихтисослиги бўйича ўтказилди.
Ўтказилган танлов натижаларига кўра Денов «Ҳазорбоғ қишлоқ хўжалиги касб-хунар коллежининг битирувчи-ўкувчиси Магатов Шамсиддин Элмуродович биринчи ўринни, Шўрчи қишлоқ хўжалиги касб-хунар коллежи битирувчи-ўкувчиси Тўхтаев Бегали Худойберди ўғли 2-ўринни, Узун қишлоқ хўжалиги касб-хунар коллежининг битирувчи-ўкувчиси Хўжамов Шамсиддин Бахри ўғли 3-ўринни эгаллашди.