Жорий йилнинг 15-17 май кунлари Музработ туман таълим, фан ва маданият ходимлари касаба уюшмаcи кенгаши ташаббуси билан қадимий ва гўзал Бухоро шахрига саёҳат уюштирилди.
Саёҳатга тумандаги бир гуруҳ мактаб ўқитувчилари ва мактабгача таълим муассасалари тарбиячилари олиб борилди ва тарихий обидалар зиёрати уюштирилди.
2015 йилнинг 16 май куни соат 10:00 да Агросаноат мажмуи ходимлари касаба уюшмаси Шўрчи туман ташкилотининг ҳисобот-сайлов конференцияси бўлиб ўтди.
Конференцияда 17 нафар кенгаш аъзолари сайланди. Кенгаш аъзолари бир овоздан Саттарова Иқбол Қурбоновнани Агросаноат мажмуи ходимлари касаба уюшмаси Шўрчи туман Кенгаши раиси этиб сайладилар.
2015 йил «Кексаларни эъзозлаш йили» муносабати билан Қизириқ туман таълим, фан ва маданият ходимлари касаба уюшмаси кенгаши томонидан 15 май куни Бухоро шаҳрига 25 нафар меҳнат фахрийлари саёхатга олиб борилди.
Ангор туман таълим, фан ва маданият ходимлари касаба уюшма кенгаши ва туман халқ таълими муассасалари фаолиятини методик таъминлаш ва ташкил этиш бўлими хамкорликда “Кексаларни эъзозлаш йили” Давлат дастурининг бандларини бажариш мақсадида 2015 йил 8 май куни таълим сохасида ишлаган ҳозирги кунда қарилик гаштини сураётган 20 нафар фахрийлар холидан хабар олинди.
Жорий йилнинг 8 май куни Ангор туман таълим, фан ва маданият ходимлари касаба уюшмаси кенгаши ва туман халқ таълими муассасалари фаолиятини методик таъминлаш ва ташкил этиш бўлими хамкорликда “Кексаларни эъзозлаш йили” Давлат дастурининг бандларини бажариш ва Ўзбекистон Республикаси Президентининг 2006 йил 25 августдаги “Миллий ғоя тарғиботи, маънавий-маърифий ишлар самарадорлигини ошириш тўғрисида” ги ПҚ-451-сонли қарори ижросини таъминлаш мақсадида “ Миллий ғоя тарғиботи, маънавий-маърифий ишлар самарадорлиги ” мавзусида кўргазмали семинар ўтказишди. Ушбу семинарда барча туман маънавий ахлоқий тарбия ишлари бўйича шуъба рахбарлари ва 42 нафар маънавий-маърифий ахлоқий ишлари бўйича директор ўринбосарлари хам қатнашишди
9 — май хотира ва қадирлаш куни муносабати билан жорий йилнинг 8-май куни Ангор туман тиббиёт бирлашмасида узоқ йиллар мобайнида ишлаб вафот этган ходимларнинг оилаларига ва касаллик сабабли ногирон бўлиб қолган тиббиёт ходимларидан 20 нафарига Ангор тумани тиббиёт бирлашмаси касаба уюшмаси қўмитаси томонидан озиқ-овқат махсулотлари тарқатилди
2015 йилнинг 5 май куни вилоят маркази Термиз шаҳрида веломарафоннинг вилоят босқичи ўтказилди. Ушбу «Касаба-тур» веломарафонининг вилоят босқичида шаҳар, туман босқичлари ғолиблари ҳамда вилоят ташкилот, корхона ва муассасаларда фаолият кўрсатаётган 212 нафар ҳаваскор велоспортчилар иштирок этилди.
2015 йил 2 май куни Сариосиё тумани таълим ходимларининг XXIV-спартакиадаси “Янги хаёт” спорт мажмуасида бўлиб ўтди.
Мусобақада туманнинг 11 та ҳудудидан 74 та мактаб, 19 та мактабгача таълим муассасаси хамда болалар спорт мактаблари ўқитувчи, мураббий ва ходимлардан 440 нафари спортнинг 6 тури — волейбол, арқон тортиш, шахмат, шашка, стол тенниси ва армрестлинг турлари бўйича ўз кучларини синаб кўришди. Ғолиблар Сариосиё тумани таълим , фан ва маданият ходимлари касаба уюшмаси кенгашининг диплом ва эсталик совғалари билан тақдирландилар.
Таълим, фан ва маданият ходимлари касаба уюшмаси Шеробод туман кенгаши томонидан жорий йилнинг 2 май куни “Кексаларни эъзозлаш йили” ҳамда Хотира ва қадрлаш куни муносабати билан “Ўтганларни хотирлайлик — кексаларни эъзозлайлик” шиори остида тадбир ўтказилиб, тадбирга таълим соҳасида узоқ йиллар самарали меҳнат қилган 100 нафардан ортиқ кекса педагог ходимлар ва уларнинг оила аъзолари таклиф этилди.
Маданият ходимлари ва хонандаларнинг жонли ижродаги қўшиқ ва куйлари тадбир иштирокчиларига кўтаринки руҳ бағишлади.
Тадбир сўнгида кексаларга касаба уюшмаси туман кенгашининг байрам совғалари топширилди.