“Ҳалқ билан мулоқот ва инсон манфаатлари йили”да аҳолининг ижтимоий ҳимояга муҳтож қатламларини моддий ва маънавий қўллаб- қувватлашни кучайтириш, жамиятда ўзаро ҳамжиҳатлик, меҳр-оқибат, бағрикенглик ва хайр-саҳоват муҳитини янада мустаҳкамлаш мақсадида вилоят касаба уюшмалари ташкилотлари бирлашмаси томонидан бир қатор жамоат ташкилотлари иштирокида жорий йилнинг 27 апрель куни Термиз шаҳрида ижтимоий химояталаб оилалардан бўлган 20 жуфт келин-куёвларнинг никоҳ тўйлари ўтказилди.

 

Жорий йилнинг 25 апрель куни Шеробод тумани Тиббиёт бирлашмаси Касаба уюшма қўмитаси томонидан  “ 2017 йил — Ҳалқ билан мулоқот ва инсон манфаатлари йили ” Давлат дастури чора-тадбирлар режасини бажариш мақсадида туман тиббиёт ходимларининг 4 нафари  Самарқанд шаҳрига саёҳатга юборилди.

Жорий йилнинг 14 апрель куни   Шеробод тумани Тиббиёт бирлашмаси Касаба уюшма қўмитаси томонидан туман тиббиёт бирлашмаси ходимлари ўртасида “Ҳамшира 2017” кўрик танлови  ўтказилди. Кўрик танлов ғолиблари  Касаба уюшма қўмитасининг диплом ва эсдалик совғаларига сазовор бўлишди.

Жорий йилнинг 6-9 апрель кунлари Давлат муассасалари ва жамоат хизмати касаба уюшмаси  тизимидаги ташкилот , корхона ва муассасаларда фаолият кўрсатаётган ходимлардан 50 нафари Термиз-Хива-Бухоро йўналиши бўйича саёҳатга олиб борилди.

Жорий  йилнинг 16 март куни «Сурхондарё  ҳудудий  электр тармоқлари корхонаси»да “Меҳнатни муҳофаза қилишнинг ҳуқуқий асослари” мавзусига бағишланган семинар ўтказилди.

Cеминарда Ўзбекистон Республикасининг “Янги таҳрирдаги “Меҳнатни муҳофаза қилиш тўғрисида”ги қонунини қабул қилиниши муносабати билан давлат ва нодавлат ташкилотлари олдидаги вазифалари тўғрисида” мавзусида маърузалар  қилинди.

Шўрчи тумани тиббиёт бирлашмасида навруз байрами кўтаринки руҳда  нишонланди. Унда  тиббиёт бирлашмаси касаба уюшма қўмитаси томонидан 56 нафар кам таъминланган оила вакилларига  гуруч ва ёғ тарқатилиб   туман марказий боғида пиширилган сумалакдан ҳамма баҳраманд бўлишди.

Жорий йилнинг 3 март куни вилоят касаба уюшмалари ташкилотлари бирлашмаси томонидан “Спорт-саломатлик гарови” шиори остида спартакиаданинг вилоят босқичи ўтказилди.

Мазкур мусобақанинг вилоят босқичида  Термиз шаҳар ва туман босқичларида ғолибликни қўлга киритган 200 нафарга яқин ишчи-ходимлар спортнинг шахмат, шашка, стол тенниси, бадментон ва волейбол турлари бўйича ўзаро беллашдилар.

Мусобақа сўнгида спортнинг барча турлари бўйича 1-2-3-ўринни қўлга киритган ғолибларга ҳамда қуйидаги “Энг ёши улуғ иштирокчи”, “Энг маҳоратли ҳаваскор спортчи”, “Ғалабага бўлган интилиши учун”, “Энг ёш иштирокчи” (эркак,аёллар ўртасида) қўшимча номинациялари бўйича мусобақа иштирокчиларига вилоят касаба уюшмаларининг эсдалик совғалари ва дипломлари топширилди.

 

 

Жорий йилнинг  17 февраль  куни  “Спорт саломатлик гарови”  шиори остида  Ангор туман касаба уюшма ташкилотлари  ходимлари ўртасида спартакиада бўлиб ўтди. Тадбирда тиббиёт ва таълим муассасалари ходимлари фаол иштирок этишди ва вилоят босқичига  йўлланмани  қўлга киритишди.