20.10.2018й. Бойсун туманидаги 6-сон Болалар мусиқа ва санъат мактабининг активлар залида Вилоят касаба уюшмалари ташкилотлари бирлашмаси вакиллари иштирокида «Меҳнат сохасидаги муҳим ахамиятга молик масалалар» мавзусида давра суҳбати ўтказилди .

Давра суҳбатида тумандаги таълим, фан ва маданият ходимлари касаба уюшмаси тизимидаги аъзо ташкилотлар ходимлари, муассаса рахбарлари, бошланғич касаба уюшма раислари ҳамда меҳнат хавфсизлигига жавобгар ходимлар иштирок этдилар.

     9.11.2018й. Ангор туманидаги  “Семурғ” номли 1- сонли мактабгача таълим муассасасида  “Олтин куз саховати” мавзусида  ўқув семинари бўлиб ўтди. Семинарда барча туманлардан келган иштирокчилар бир-бирлари билан ўзаро тажриба алмашишди. Тадбир сўнгида туман касаба уюшма кенгаши томонидан фаол иштирок этган  тармоқ ходимларига фахрий ёрлиқ ва эсдалик совғалари топширилди.

20.10.2018й. Ўзбек тилига давлат мақоми берилганлигининг 29 йиллиги муносабати билан тумандаги барча таълим муассасаларида байрам тадбирлари ўтказилди. Тил байрамига бағишлаб бадиий кечалар, махаллий шоир ва ёзувчилар билан давра суҳбатлари ташкил этилди.  

Узун туман таълим, фан ва маданият ходимлари касаба уюшма кенгаши  томонидан “1 Октябрь — Устоз ва муррабийлар куни” муносабати билан узоқ йиллар давомида таълим тизимида меҳнат қилиб  ҳозирда нафақа гаштини сўраётган таълим фахрийлари ҳолидан хабар олиниб, байрам совғалари топширилди

Ўсиб келаётган ёш авлодни баркамол қилиб тарбиялаш, бўш вақтларини мазмунли ташкил қилишда болалар оромгоҳларининг алоҳида аҳамияти мавжуд.
Жорий йилнинг 14 сентябрь куни вилоят “Баркамол авлод” болалар марказида вилоят Мувофиқлаштирувчи гуруҳи томонидан 2018 йил ёзги болаларни дам олдириш ва соғломлаштириш мавсуми якунлари бўйича “Болаларни ёзги дам олдириш ва соғломлаштириш” ташкилотчилари анжумани ўтказилди.
Анжуманда “Энг ғамхўр тарбиячи”, “Энг мохир тўгарак рахбари”, “Энг фаол етакчи”, “Энг яхши спорт мураббийи”, “Энг яхши тиббиёт ходими”, “Энг яхши пазанда”, “Энг фаол ички ишлар идораси ходими”, “Энг фаол фавқулодда вазиятлар хизмати ходими”, “Энг масъулиятли ташкилотчи”, “Энг яхши оромгоҳ бошлиғи”, “Энг намунали оромгоҳ-2018” ҳамда “Энг ғамхўр хомий” номинациялари ғолиблари вилоят Мувофиқлаштирувчи гуруҳининг дипломлари ҳамда эсдалик совғалари билан тақдирландилар.

02.09.2018  Мустақилликнинг 27 йиллиги байрами арафасида дам олиш кунларида Агросаноат мажмуи ходимлари касаба уюшмаси Қумқўрғон туман кенгаши томонидан кенгаш касаба уюшма аъзоларидан 36 нафари Самарқанд шахридаги тарихий жойларга саёҳатга олиб борилди

25.08.2018й. Сурхондарё вилояти касаба уюшмалари ташкилотлари бирлашмаси катта мажлислар залида “Мажбурий меҳнатга қарши курашиш – долзарб масала” мавзусида ўқув-семинар ўтказилди.

Семинарда Ўзбекистон Агросаноат мажмуи ходимлари касаба уюшмаси Республика кенгашининг Меҳнатни муҳофаза килиш бўлими, вилоят ва ҳудудий фермер, деҳқон хўжаликлари ва томорқа ер эгалари кенгашлари раислари, вилоят касаба уюшмалари ташкилотлари бирлашмаси масъул ходимлари ҳамда бошланғич касаба уюшмаси қўмита раисларидан иборат 60 киши иштирок этди.

Тадбир мақсади – жойларда меҳнат муҳофазасини ташкил этиш ва шароитлар яратиш бўйича миллий ва халқаро нормаларда белгиланган талабларнинг мазмуни, мажбурий меҳнатни олдини олиш.

Семинарда: “Миллий меҳнат стандартлари ва Ҳалқаро меҳнат ташкилотининг Ўзбекистон Республикаси томонидан ратификация қилинган конвенциялари уни Ўзбекистон Республикасида амалга оширилиши ҳамда жойларда меҳнат муҳофазасини ташкил этиш ва шароитлар яратиш”, Феремер хўжаликларида меҳнатни тўғри ташкил қилиш, мажбурий меҳнат ва болалар мехнатига йўл қўймаслик, ходимларнинг меҳнат ва ҳуқуқларини химоя қилиш сохасида касаба уюшмаларнинг вазифалари мавзуларида маърузалар тингланди. Хар бир маъруза охрида савол жавоблар тариқасида тренинг машғулотлари ўтказилди.

Таълим  фан ва маданият ходимлари Музрабод туман кенгаши ҳамда туман ҳокимлиги,  тумандаги барча ташкилотлар ҳамкорлигида Музрабод спорт мажмуасида мустақиллигимизнинг 27 йиллиги байрами кенг нишонланди. Байрам тадбирида санъаткорлар, спортчилар ва ҳарбийлар ўз чиқишлари билан меҳмонларда катта таассурот қолдирди.