Вилоят касаба уюшмалари ташкилотлари бирлашмаси томонидан Давлат дастури доирасида 8 март Ҳалқаро хотин-қизлар байрами муносабати билан кўп болали оилалардан 2 нафарига яъни таълим, фан ва маданият ходимлари касаба уюшмаси Ангор туман кенгаши тизимидаги туман ҳалқ таълими бўлими услубчиси Менглиқулова Манзура Абдуллаевнага ҳамда агросаноат мажмуи ходимлари касаба уюшмаси Термиз шаҳар кенгаши тизимидаги «Сурхондонмахсулотлари» акциядорлик жамияти ишчиси Хушбоқова Ойсифат Норалиевналарга “Умид гулшани” санаторийсига бепул йўлланмалар берилди.

Сурхондарё вилоят касаба уюшмалари ташкилотлари бирлашмаси Хотин-қизлар комиссияси томонидан 8 март – Халқаро хотин-қизлар куни муносабати билан «Аёл – хонадонимиз чароғбони» мавзусида давра суҳбати ўтказилди.

Давра суҳбатига вилоят, туман, шаҳар кенгашлари депутатлари,  сиёсий партиялар, хуқуқ тартибот органлари хамда корхона, ташкилот ва муассасалар, шунингдек, касаба уюшмалари тизимида ишлаётган  жами 110 нафар фаол хотин-қизлар таклиф этилди.

Давра суҳбатида вилоят касаба уюшмалари ташкилотлари бирлашмаси раиси А.Ахмедов, хотин-қизлар комиссияси раиси М.Қодирова, Ўзбекистон либерал-лемократик партияси вилоят кенгаши ҳузуридаги сиёсий таълим маркази раҳбари Г.Амирова, вилоят касаба уюшмалари ташкилотлари бирлашмаси юридик бўлими мудири З.Холовлар сўзга чиқишди.

Байрам муносабати билан 7 нафар  вилоятнинг ижтимоий иқтисодий ривожланишида фаол иштирок этаётган хотин-қизлар вилоят касаба уюшмалари ташкилотлари бирлашмаси кенгашининг Фахрий ёрлиғи, шунингдек давра суҳбатининг барча иштирокчилари қимматбаҳо совғалар билан тақдирландилар.

 

28.02.2020й. Сурхондарё вилоят перинатал маркази маъмурияти ва касаба уюшма қўмитаси ўртасида 2018-2020 йилларга мўлжалланган жамоа шартномасида белгилаб олинган мажбуриятларининг 2019 йил якунларига бағишланган меҳнат жамоасининг умумий йиғилиши бўлиб ўтди.

Вилоят перинатал маркази рахбариятининг 2019 йил якунлари бўйича жамоа шартномасида белгиланган иш берувчининг мажбуриятлари ижросини таъминлаш ҳамда касаба уюшма қўмитасининг олиб борган ишлари юзасидан касаба уюшма аъзолари вакилларига ҳамда барча иштирокчиларга ҳисоботлар ўқиб эшиттирилди.

Шунингдек  касаба уюшмаси ташкилотининг ҳисобот-сайлов йиғилиши ўтказилди. Унда касаба уюшма қўмитаси тафтиш комиссиясининг 2015 йил февраль ойидан 2020 йил февраль ойигача олиб борган фаолияти юзасидан хисоботи тингланди.

Кун тартибидаги масалалар юзасидан йиғилиш иштирокчилари таклиф ва тавсиялари инобатга олиниб, касаба уюшмасининг келгусидаги устувор йўналишлари белгилаб олинди.

21.02.2020й.  Агросаноат мажмуи ходимлари касаба уюшмаси Термиз шаҳар тизимидаги Тошкент давлат аграр университети Термиз филиалида Сурхондарё вилоят касаба уюшмалари ташкилотлари бирлашмаси ва филиал профессор ўқитувчи ҳамда техник ходимлар иштирокида ҳисобот-сайлов ва 2019 йил учун жамоа шартномасининг якунларига бағишланган умумий йиғилиши ўтказилди. Ҳисобот-сайлов йиғилишида бошланғич касаба уюшма қўмитаси раиси ҳамда тафтиш комиссиясининг ҳисоботлари эшитилди ва қониқарли деб топилди.

11.02.2020 й. Агросаноат мажмуи ходимлари касаба уюшмаси Шўрчи туман кенгаши тизимидаги Шўрчи тумани Ҳайвонлар касалликлари ташхиси ва озиқ-овқат махсулотлари хавфсизлиги давлат марказида ҳамда Шурчи Агросаноат касб-ҳунар коллежида Ўзбекистон агросаноат мажмуи ходимлари касаба уюшмаси Республика кенгашининг Сурхондарё вилояти бўйича масъул ташкилотчиси Ш. Ибраимов ҳамда Шўрчи туман кенгаши раиси Э.Холматов иштирокида ҳисобот-сайлов ва 2019 йил жамоа шартномалари якунларига бағишланган конференцияси ўтказилди.

06.02.2020й. Вилоят касаба уюшмалари ташкилотлари бирлашмаси юридик бўлими мудири З. Холов томонидан Истеъмол товарлари ишлаб чиқариш, савдо ва хизмат кўрсатиш ташкилотлари ходимлари касаба уюшмаси Шеробод туман кенгашининг фаолияти ўрганилди ва амалий ёрдам кўрсатилди .

05.02.2020й. Вилоят касаба уюшмалари ташкилотлари бирлашмаси ижтимоий ҳимоя бўлими етакчи мутахассиси Р.Карабоев томонидан Истеъмол товарлари ишлаб чиқариш, савдо ва хизмат кўрсатиш ходимлари касаба уюшмаси Денов туман кенгашининг 5 йиллик фаолияти қисман ўрганиб чиқилди ва аниқланган камчиликларни бартараф этиш бўйича  тавсиялар берилди.

05.02.2020й. Вилоят касаба уюшмалари ташкилотлари бирлашмаси меҳнатни муҳофаза қилиш бўлими етакчи мутахассиси Д.Шукуров томонидан Узун туман таълим, фан ва маданият ходимлари касаба уюшма кенгашининг 5 йиллик фаолияти қисман ўрганилди ва аниқланган камчиликларни бартараф этиш юзасидан амалий ёрдам кўрсатилди.

04.02.2020 й.  Узун тумани умумий ўрта таълим мактабларида касаба уюшма қўмиталарининг жамоа шартномасининг бажарилиши бўйича йиғилиши бўлиб ўтди. Йиғилишда мактаб маъмурияти ва касаба уюшма қўмиталарининг 2019 йилда жамоа шартномаларининг бажарилиши бўйича ҳисоботлари тингланди ва 2020 йилга мўлжалланган жамоа шартномасига янги ўзгартиришлар киритилиши бўйича қарор қабул қилинди. Шу куннинг ўзида ҳисобот-сайлов йиғилишлари бўлиб ўтди ва касаба уюшма қўмитаси раисларининг 2015-2020 йил ҳисоботлари тингланди. Олиб борилган 5 йиллик фаолият умумий таҳлил қилиниб ижобий қабул қилинди.  Йиғилиш давомида касаба уюшма қўмитаси раислари ва қўмита аъзолари таркиби қайта сайланди.