Таълим, фан ва маданият ходимлари тизимида меҳнат қилаётган касаба уюшма аъзоларидан 50 нафарининг Хива шаҳарига саёҳати уюштирилди.
Улар шаҳар ҳудудида жойлашган диққатга сазовор қадамжоларни зиёрат қилишди.

Сурхондарё вилоят касаба уюшмалари ташкилотлари бирлашмасида 2014 йил 7 октябрь куни “Бутунжаҳон муносиб меҳнат куни”га бағишлаб “Ижтимоий адолат, Иқлим адолати” шиори остида Давра суҳбати бўлиб ўтди.
Унда Ўзбекистон Республикаси Меҳнат ва аҳолини ижтимоий муҳофаза қилиш вазирлигининг масъул ходими И.Аброров, Нефть-газ ва геология ходимлари касаба уюшмалари Республика кенгаши раиси ўринбосари М.Зияев, вилоят бошқармалари, бирлашмалари ва муассасалари раҳбарлари, касаба уюшма органлари, нодавлат-нотижорат ташкилотлари ва оммавий ахборот воситалари вакиллари қатнашдилар.
Давра суҳбатида Халқаро меҳнат ташкилотининг Ўзбекистон Республикаси томонидан ратификация қилинган 13 та Конвенциялари бўйича, касаба уюшмаларининг Муносиб меҳнат Консепциясини амалга ошириш юзасидан ва вилоятимизнинг ижтимоий-иқтисодий фаолиятида касаба уюшмаларининг тутган ўрни ва роли ҳақида ҳамда олиб бораётган фаолиятлар тўғрисида маърузалар қилиниб, савол-жавоблар, фикр-мулоҳаза ва таклифлар билдирилди.

Сурхондарё вилояти истеъмол товарлари ишлаб чиқариш , савдо ва хизмат кўрсатиш ташкилотлари ходимлари касаба уюшма аъзоларидан 2014 йил пахта йиғим- теримида фаол қатнашаётган Қизириқ туман Ободонлаштириш бошқармаси ходимлари Аконова Бахтигул, Нормурадова Муяссар, Қаршиев Бахром, Тожиева Инобатларга касаба уюшмаларининг совғалари топширилди.

Ўзбекистон касаба уюшмалари Федерацияси, “Соғлом бола” йили Давлат дастурининг бандларини бажариш мақсадида Ангор туманидаги 3, 9, 30 мактаб 1-синф ўқувчиларининг 195 нафарига гигиеник воситаларидан иборат совғалар тўплами топширдилар .

Таълим , фан ва маданият ходимлари касаба уюшмаси Ангор тумани кенгаши , халқ таълими муассасалари фаолиятини методик таъминлаш ва ташкил этиш бўлими билан ҳамкорликда “Соғлом бола” йили Давлат дастурининг бандларини бажариш мақсадида ҳамда Ўзбекистон Республикаси Мустақиллигининг 23 йиллигига бағишлаб кўрик танлов ва ўқитувчиларнинг “Анъанавий август анжумани” бўлиб ўтди. “Анъанавий август анжумани” да таълим сохасидаги кўп йиллик самарали меҳнати учун 65 нафар ўқитувчилар туман хокимлигининг ва туман касаба уюшма кенгашининг фахрий ёрлиғи ва қимматбаҳо совғалари билан тақдирландилар.

2014 йил “Соғлом бола йили” Давлат дастурининг бандларига асосан Сурхондарё вилояти истеъмол товарлари ишлаб чиқариш , савдо ва хизмат кўрсатиш ташкилотлари ходимлари касаба уюшмасининг 50 нафар аъзолари учун шу йилнинг 22 август куни Самарқанд шахри бўйлаб саёxат уюштирилди.

Ўзбекистон Республикаси Давлат Мустақиллигининг йигирма уч йиллик байрами муносабати билан Вилоят касаба уюшмалари ташкилотлари бирлашмаси томонидан Ватанимиз хавфсизлиги ва барқарорлиги ҳамда сарҳадлари дахлсизлигини таъминлашда муносиб хисса қўшиб келаётган чегара қўшинлари таркибидаги харбий қисм хизматчиларининг оилаларига рўзғор ташвишларини енгиллаштириш ва маиший шароитларини яхшилаш учун электр-маиший техника жихозлари, хизмат вазифаларини бажариш вақтида ҳалок бўлган харбий хизматчилар оилаларига совғалар хамда кам таъминланган ва боқувчисини юқотган оила фарзандларига стипендиялар шунингдек 2014 йил “Соғлом бола йили” Давлат Дастури ижросини таъминлаш мақсадида кам таъминланган ва фарзанд кўрмаган оилаларни соғломлаштириш учун санаторийларга йўлланмаларни шу йилнинг 19 август куни Термиз шаҳридаги М.Уйғур номли вилоят мусиқали драма театрида Ўзбекистон касаба уюшмалари Федерацияси Кенгашининг раиси Танзила Камаловна Нарбаева тантанали равишда топширди .