2015 йилнинг 19 августь куни Шеробод туман ҳалқ таълими муассасалари фаолиятини методик таъминлаш ва ташкил этиш бўлимининг мажлислар залида “Кексаларни эъзозлаш йили” Давлат дастурининг тегишли бандлари ижросини таъминлаш мақсадида Ўзбекистон касаба уюшмалари Федерацияси Кенгаши томонидан юборилган маиший техника воситалари Шеробод туманидаги касаба уюшма тармоқларида узоқ йиллар самарали меҳнат қилиб, ҳозирги кунда нафақада бўлган ходимларга тарқатилди ҳамда ўрта махсус, касб-ҳунар таълими муассасаларида таҳсил олаётган, кам таъминланган, етим, ногирон, иқтидорли, жамоатчи талаба ва ўқувчиларни моддий ва маънавий томондан қўллаб-қувватлаш, уларнинг жамоат ишларидаги иштирокларини фаоллаштириш мақсадида тармоқ тизимидаги Шеробод педагогика ва иқтисодиёт коллежида таҳсил олаётган 1-босқич ўқувчиси Юсупов Шариф Панжи ўғли Ўзбекистон касаба уюшмалари Федерацияси Кенгашининг устама стипендияси билан тақдирланди.

Вилоят касаба уюшмалари ташкилотлари бирлашмаси кенгаши раёсатининг 2015 йилдаги P-25/42 “C” сонли қарори ижроси юзасидан Музработ туманида яшовчи нафақада бўлган 5 нафар фуқарога “Кексаларни эъзозлаш йили” давлат дастури муносабати билан Ўзбекистон касаба уюшмалари Федерация Кенгаши томонидан ажратилган маиший техника воситалари топширилди.

2015 йил 18 августь куни “Кексаларни эъзозлаш йили” Давлат дастурини бажариш мақсадида Ангор туман таълим, фан ва маданият ходимлари касаба уюшмаси кенгаши, Камолот “Ёшлар ижтимоий ҳаракати” ва “Маҳалла” жамғармаси ҳамкорликда “Қўштегирмон” маҳалласида ҳаваскор ёшлар ўртасида велоспорт мусобақаси ўтказишди. Тадбир сўнгида ғолиб бўлган жамоаларга туман касаба уюшма кенгаши, маҳалла жамғармаси ва ҳомийлар томонидан совғалар берилди.

Жорий йилнинг 14 августь куни Ангор тумани таълим, фан ва маданият ходимлари касаба уюшмаси кенгаши, маданият ва спорт ишлари бўлими ва Камолот “ Ёшлар ижтимоий ҳаракати” билан ҳамкорликда “Одам савдосига қарши кураш” мавзусида тадбир ўтказишди. Тадбирда маданият ва спорт ишлари ходимлари фаол қатнашишди. Тадбир сўнгида фаол қатнашган ходимларга касаба уюшма кенгаши томонидан фахрий ёрлиқлар ва совғалар топширилди.

2015 йил 14 августь куни “Кексаларни эъзозлаш йили” Давлат дастурини бажариш мақсадида Қизириқ туман таълим, фан ва маданият ходимлари касаба уюшмаси кенгаши, Камолот “Ёшлар ижтимоий ҳаракати”, маданият ва спорт ишлари бўлими, “Маҳалла” хайрия жамоат фонди ва “Нуроний” жамғармаси ҳамкорликда ёшлар ўртасида веломарафон ўтказишди. Тадбир сўнгида ғолиб бўлган жамоаларга туман касаба уюшма кенгаши, маҳалла жамғармаси ва ҳомийлар томонидан совғалар берилди.

Сариосиё туманидаги аёллар “Мурувват уйи”да “Ҳеч ким меҳр ва эътибордан четда қолмасин” шиори остида акция ташкил этилиб “Мурувват уйи”га бирлашма кенгашининг эсдалик совғалари топширилди.

2015 йил “Кексаларни эъзозлаш йили” Давлат дастури доирасида Шўрчи туманидаги 29-сонли умумий ўрта таълим мактабида таълим, фан ва маданият ходимлари касаба уюшмаси Шўрчи тумани кенгаши томонидан меҳнат фахрийлари ўртасида спортнинг шахмат тури бўйича мусобақа ўтказилди.
Мусобақа ғолиб ва иштирокчиларига касаба уюшмасининг эсдалик совғалари топширилди.