Таълим, фан ва маданият ходимлари касаба уюшмаси Шеробод туман кенгаши, туман халқ таълими муассасалари фаолиятини методик таъминлаш ва ташкил этиш бўлими, туман ҳокимлиги, туман марказий шифохонасига қарашли ОИТС маркази, “Камолот” ёшлар ижтимоий харакати туман кенгаши ҳамда туман ички ишлар бошқармаси ҳамкорликда “1 декабр – халқаро гиёҳвандликка қарши кураш куни” муносабати билан 2015 йил 1 декабрь куни Шеробод туманидаги 67-сонли умумий ўрта таълим мактабида “Биз ёшлар соғлом турмуш тарзи тарафдоримиз”, “ОИТС ва гиёҳвадликка қаршимиз” мавзуларида иншо ва расмлар танлови, спорт мусобақалари, “Гиёхвандлик аср вабоси” мавзусида давра сухбати ташкил этилди.
Ғолиб ўқувчи ва жамоалар касаба уюшмаси томонидан рағбатлантирилди;

Жорий йилнинг 2 декабр куни Қизириқ туман таълим, фан ва маданият ходимлари касаба уюшма кенгаши томонидан “3 декабр — Халқаро ногиронлар куни” муносабати билан тадбир ўтказилди. Тадбирда узоқ йиллар таълим соҳасида ишлаган фахрийлар ҳамда бугунги кунда ногиронлик нафақасида бўлган бир гуруҳ ногиронлар ҳолидан хабар олиниб бир пиёла чой ташкил этилиб, қимматбаҳо совғалар топширилди.

Жорий йилнинг 30 ноябрь куни туман ҳокимлиги агросаноат мажмуи ходимлари касаба уюшмаси Шўрчи туман Кенгаши билан биргаликда “3 декабрь – Халқаро ногиронлар куни” муносабати билан туманнинг чекка ва чегара ҳудудлари ҳисобланган “Эзгулик” маҳалласида истиқомат қилувчи узоқ йиллар қишлоқ хўжалиги соҳасида меҳнат қилиб, ҳозирда юз билан юзлашган Чориева Улкан момонининг хонадонига ташриф буюрилди ва эсдалик совғалари тақдим этилди.
Шунингдек, “Эзгулик” маҳалласида яшовчи 1-гуруҳ ногирони Худойқулов Ойбекнинг ҳолидан ҳам хабар олинди.

Жорий йилнинг 27 ноябрь куни вилоят касаба уюшмалари ташкилотлари бирлашмаси кенгашида Ўзбекистон Республикаси Конституцияси қабул қилинганлигининг йигирма уч йиллиги муносабати билан “Конституция халқимиз олий иродасининг қонуний ифодасидир” мавзусида “Маънавият соати” ўтказилди.

Ўзбекистон Республикаси Конституцияси қабул клинганлигининг 23 йиллигига бағишлаб Шўрчи туманидаги хизмат кўрсатиш касб-ҳунар коллежида, тармоқ касаба уюшмалари ҳамда ҳамкор ташкилотлар билан биргаликда маданий, маънавий-маърифий тадбир ташкил этилди.
“Ёшлар тинчлик истайди” шиори остида ташкил этилган мазкур маданий тадбирда туманнинг чекка ва чегара ҳудудларидаги маҳаллаларда истиқомат қилувчи эҳтиёжманд оилаларга касаба уюшмалари ҳамда ҳамкор ташкилотлар томонидан озиқ-овқат маҳсулотлари тарқатилди.
Тадбир сўнгида тумандаги болалар мусиқа ва санъат мактаби ўқувчилари томонидан тайёрланган бадиий чиқишлар намойиш этилди.

Жорий йилнинг 25 ноябр куни Ангор туман “Камолот” ёшлар ижтимоий ҳаракати, ва туман таълим, фан ва маданият ходимлари касаба уюшмаси кенгаши ҳамкорликда мактабнинг етакчи ўқитувчилари ўртасида Ўзбекистон Республикаси Президенти Ислом Каримовнинг “Она юртимиз бахту иқболи ва буюк келажаги йўлида хизмат қилиш – энг олий саодатдир” китобининг мазмун-моҳияти, асосий ғояларини умумтаълим мактабларида
ўргатиш бўйича тақдимоти бўлиб ўтди.

Йиғилишда Агросаноат мажмуи ходимлари касаба уюшмаси туман, шаҳар кенгашлари ва бошланғич касаба уюшма қўмиталари раисларидан 50 нафари иштирок этишди.
Ўзбекистон касаба уюшмалари Федерацияси Кенгашининг меҳнатни муҳофаза қилиш бўлими етакчи мутахассиси Нурилла Дадажанов ва Ўзбекистон агросаноат мажмуи ходимлари касаба уюшмаси Республика кенгашининг меҳнатни муҳофаза қилиш бўлими бошлиғи Хуршид Умаровлар томонидан “Сурхондарёдонмахсулотлари” акциядорлик жамияти ва “Шўрчидонмахсулотлари” акциядорлик жамиятларида меҳнатни муҳофаза қилиш ҳолати бўйича содир бўлаётган бахтсиз ходисалар сабабларини ўрганиш натижаси бўйича йўл қўйилган хато ва камчиликларни бартараф қилиш йўллари ва қилинган ижобий ишларни бошқа аъзо ташкилотларда тадбиқ этиш бўйича маърузалар ўқилди.

Жорий йилнинг 20 ноябрь куни Ангор туман “Камолот” ёшлар ижтимоий ҳаракати, туман халқ таълими муассасалари фаолиятини методик таъминлаш ва ташкил этиш бўлими ва туман таълим, фан ва маданият ходимлари касаба уюшмаси кенгаши ҳамкорликда мактаб ўқувчилари ўртасида шахмат-шашка мусобақаси ўтказишди. Мусобақада 5-9 синф ўқувчилари иштирок этишди. Мусобақа сўнгида ғолиб бўлган ўқувчиларга касаба уюшмаси туман кенгашининг эсдалик совғалари топширилди.

2015 йил “Кексаларни эъзозлаш йили” Давлат дастури асосида савдо соҳасида фаол меҳнат қилган Тошмамат Абраматовни нафақага кузатиш тадбири ўтказилди