Joriy yilning 7 mart kuni  Surxondaryo viloyat sog‘liqni saqlash boshqarmasi va boshlang‘ich kasaba uyushma qo‘mitasining 2023-2025 yillarga mo‘ljallab tuzilgan jamoa shartnomasining 2024 yilda bajarilishi bo‘yicha mehnat jamoasining umumiy yig‘ilishi hamda hisobot-saylov yig‘ilishi o‘tkazildi. Kun tartibidagi masalalar yuzasidan Surxondaryo viloyat sog‘liqni saqlash boshqarmasi ish beruvchi nomidan M.Sattorov va boshqarma kasaba uyushmasi qo‘mitasi raisi I.Tursoatovlarning  hisobotlari tinglandi. Yig‘ilishda ish beruvchi va kasaba uyushmasi qo‘mitasining hisoboti ma’lumot uchun qabul qilindi. Mehnat jamoasi tomonidan jamoa shartnomasi bajarilishi qoniqarli deb topildi. Jamoa shartnomasiga 2025 yil » Atrof muxitni asrash va «yashil» iqtisodiyot yili» uchun qo‘shimchalar kiritish yuzasidan qarorlar qabul qilindi.

Konferensiyada kasaba uyushma qo‘mitasi, taftish komissiyasining  2020 — 2025 yillardagi faoliyatlari yuzasidan xisobotlari tinglandi. Kun tartibidagi masalalar ko‘rib chiqildi va tegishli qarorlar qabul qilindi. Kasaba uyushma qo‘mita raisini saylash ochiq ovoz berish yo‘li bilan amalga oshirildi va I. Tursoatov qo‘mita raisi etib qayta saylandi

Ishchi-xodimlarni qo‘llab-quvvatlash, moddiy va ma’naviy ko‘mak ko‘rsatish jamoa shartnomasida o‘z aksini topgan bo‘lib, undagi bandlarning ijrosiga jiddiy e’tibor qaratilgan.

Yig‘ilishda ishtirok etgan O‘zbekiston Sog‘liqni saqlash xodimlari kasaba uyushmasining Surxondaryo viloyat Kengashi raisi M.Kadirova  sohada bo‘layotgan o‘zgarishlar, yangiliklar, mamlakatimizda ilk kasaba uyushmalari harakatining 120 yilligi to‘g‘risida to‘xtalib o‘tdilar va jamoani qiziqtirgan savollariga javob berdilar.                                     

 

Joriy yilning 6-mart kuni Termiz davlat pedagogika instituti boshlang‘ich kasaba uyushmasi tashkilotining 2023-2025-yillar uchun tuzilgan jamoa shartnomasining 2024-yilda bajarilishi yakunlariga bag‘ishlangan jamoa yig‘ilishi hamda hisobot-saylov konferensiyasi bo‘lib o‘tdi.

Konferensiyada O‘zbekiston ta’lim va fan xodimlari kasaba uyushmasi Respublika Kengashi raisi R.M.Bedilov, institut rektori A.B.Xasanov, O‘zbekiston kasaba uyushmalari Federatsiyasining Surxondaryo viloyati viloyat Kengashi raisi A.A.Axmedov va tegishli mas’ullar ishtirok etishdi.  

Joriy yilning 3 mart kuni O‘zbekiston davlat muassasalari va jamoat xizmati xodimlari kasaba uyushmasi Surxondaryo viloyat Kengashi tarmog‘i tizimidagi Surxondaryo viloyati ichki ishlar boshqarmasi hibsxonasida 2023-2025 yillar uchun imzolangan Jamoa shartnomasining 2024 yilda bajarilishi yuzasidan yig‘ilishi hamda “O‘zbekiston kasaba uyushmalari Federatsiyasi tizimidagi kasaba uyushmalari tashkilotlarida hisobot-saylovlarni o‘tkazish to‘g‘risida”gi Nizom asosida Hisobot-saylov yig‘ilishi o‘tkazildi.

Yig‘ilish davomida 2023-2025 yillar uchun imzolangan Jamoa shartnomasining 2024 yilda bajarilishi bo‘yicha Ish beruvchi hamda kasaba uyushmasi qo‘mitasi tomonidan amalga oshirilgan ishlar bo‘yicha hisobotlari tinglandi hamda yig‘ilish ishtirokchilari tomonidan qoniqarli deb topildi.

Yig‘ilish davomida kasaba uyushmalari xarakatiga 120 yil to‘lishi munosabati bilan ma’lumotlar ham berildi.

Hisobot saylov yig‘ilishida qo‘mitaning 5 yillik faoliyati yuzasidan ma’ruzalar tinglandi hamda qoniqarli deb topildi. Yig‘ilish davomida kasaba uyushmasi qo‘mitasi raisi va a’zolari qayta saylanib, kelgusi 5 yillik uchun vazifalar belgilab olindi.

2025 yil 3 mart kuni Uzun tumanidagi 41 va 42- maktablarda 2023-2025 yillarga mo‘ljallab tuzilgan jamoa shartnomasini 2024 yilda bajarilishi xamda boshlang‘ich kasaba uyushmasi qo‘mitasining xisobot saylov yig‘ilishi bo‘lib o‘tdi. Jamoa shartnomasining 2024 yil yakuni qonikarli deb topildi. Xisobot saylov yig‘ilishlari ochiq ovoz berish yo‘li bilan o‘tkazildi. Ko‘pchilik ovoz bilan ko‘rsatilgan nomzodlardan boshlang‘ich kasaba uyushmasi qo‘mitasi raisligiga qayta saylandilar