O’zbekiston Respublikasi Prezidentining 2023 yil 27 iyuldagi “O’zbekiston Respublikasi davlat mustaqilligining o’ttiz ikki yillik bayramiga tayyorgarlik ko’rish va uni o’tkazish to’g’risida”gi PQ-241-son Qarori ijrosini ta’minlash maqsadida, kasaba uyushmalari tomonidan “Yangi hayot uchun, Yangi O’zbekiston uchun!” shiori ostida Mustaqillik – eng ulug’ ne’mat!” mavzusida qator ma’naviy-ma’rifiy va sport tadbirlari tashkil etilib kelinmoqda.
Joriy yilning 30 avgust kuni O’zbekiston kasaba uyushmalari Federatsiyasining Surxondaryo viloyat Kengashi raisi va bir guruh xodimlar tomonidan O’zbekiston xalq baxshisi, xalqaro tanlovlar sovrindori Shoberdi baxshi Boltayev xonodonida bo’lib, uning xolidan xabar oldi.
Uchrashuvlar jarayonida istiqlol bergan erkinlik, tinch osoyishta xayot, davlatimiz tomonidan nuroniylarga qaratilayotgan e’tibor, mamlakatimizda amalga oshirilayotgan bunyodkorlik ishlari hamda bugungi dorulomon kunlarga shukronalar keltirildi.
Suhbat so’ngida Shoberdi baxshi Boltayevga kasaba uyushmalarining sovg’alari topshirildi.

Prezidentimizning tegishli Farmonlariga muvofiq mamlakatimiz mustaqilligining o’ttiz ikki yillik bayrami arafasida davlatimizning yuksak orden va medallari bilan taqdirlangan 24 nafar Surxondaryolik turli soha vakillari safida O’zbekiston kasaba uyushmalari Federatsiyasining Surxondaryo viloyat kengashi raisi Axmedov Abdukarim Abduraxmonovichning ham borligi kasaba uyushmalari jamoasida faxr-iftixor tuyg’usini tuydiradi.
Bugun Surxondaryo viloyati hokimi Ulug’bek Qosimov tomonidan viloyat hokimligining majlislar zalida bo’lib o’tgan tadbirda ushbu mukofotlar o’z egalariga topshirish marosimi bo’lib o’tdi.
Tantanali tadbirda so’zga chiqqanlar davlatimizning  e’tibor va e’tirofi uchun o’zlarining cheksiz minnatdorchiliklarini bildirishdi.

O’zbekiston kasaba uyushmalari Federatsiyasining Surxondaryo viloyat Kengashi tomonidan Davlatimiz Mustaqilligining 32 yilligi bayrami munosabati bilan befarzand oila vakillarining 3 nafariga:
Surxondaryo viloyati Toza hudud davlat unitar korxonasi transport vositalari texnik holati nazoratchisi Allamuratov Djamshid Nortojiyevich, Sherobod tumani “Chorbog’” tez tibbiy yordam bo’limi xamshirasi Kenjayeva Gulshirin Xusan qizi hamda Oltinsoy tumani Tibbiyot birlashmasi xamshirasi Ashurova Guljamol Botir qiziga Toshkent viloyati , Qibray tumanida joylashgan “Umid Gulshani” sanatoriysiga aksiya doirasida bepul yo’llanmalar topshirildi.

Inson qadr-qimmati ulug‘langan, manfaatlari ustuvor yurtda yuksalish va taraqqiyot bardavom bo‘ladi. E’tiborlisi, mustaqillik yillarida mazkur tamoyil asosida mamlakatimizning barcha jabhalarida ijobiy o‘zgarish va yangilanishlar kuzatilib, xalqimizning erkin va farovon yashashi, baxtli hayoti yo‘lida izchil islohotlar amalga oshirilmoqda.
Ayniqsa, mamlakatimizda aholining sog‘ligini muhofaza qilish va mustahkamlash masalasiga davlat siyosati darajasida e’tibor qaratilayotgani bejiz emas. Zero, xalq salomatligi, millat genofondi mustahkamligi shu davlatning katta boyligi sanaladi.
Yangi tahrirdagi Konstitutsiyaning qator moddalarida ushbu masalaga e’tibor qaratiligan bo‘lib, xususan 42-moddasida “Har kim munosib mehnat qilish, kasb va faoliyat turini erkin tanlash, xavfsizlik va gigiena talablariga javob beradigan qulay mehnat sharoitlarida ishlash huquqiga ega ekanligi belgilangan bo‘lsa, 48-moddasida “Har kim sog‘lig‘ini saqlash va malakali tibbiy xizmatdan foydalanish huquqiga ega ekanligi, O‘zbekiston Respublikasi fuqarolari tibbiy yordamning kafolatlangan hajmini qonunda belgilangan tartibda davlat hisobidan olishga haqli ekanligi, shuningdek, davlat jismoniy tarbiya va sportni rivojlantirish, aholi o‘rtasida sog‘lom turmush tarzini shakllantirish uchun shart-sharoitlar yaratib berish kabi masalalarning Konstitutsiya darajasida mustaxkamlab qo‘yilayotganligi ham bunga yana bir misoldir.
Qayd etish kerakki, keyingi besh–olti yilda sog‘liqni saqlash sohasini tubdan takomillashtirish, xalqimizga sifatli tibbiy xizmat ko‘rsatish, aholining reproduktiv salomatligini mustahkamlash, sog‘lom avlod tarbiyasi uchun zarur shart-sharoitlar yaratish davlatimiz siyosatining ustuvor yo‘nalishlaridan biri sifatida belgilanib, bu yo‘lda misli ko‘rilmagan ishlar amalga oshirildi. Bugun yurtimiz tibbiyotidagi bu kabi ijobiy o‘zgarish va yangilanishlarni mamlakatimizning har bir fuqarosi o‘z hayotida, turmush tarzida chuqur his etmoqda.
Mamlakatimizda aholiga ko‘rsatilayotgan tibbiy xizmatlar sifatini oshirish maqsadida yangidan–yangi shifoxona, markaz hamda sanatoriylar bunyod etilib, ular zamonaviy tibbiyot uskuna va asboblari bilan jixozlanmoqda.
Ta’kidlash joizki, aholi salomatligini tiklash va mustaxkamlash borasidagi davlatimiz tomonidan amalga oshirlayotgan islohotlar kasaba uyushmalarining ham faoliyat maydoni bo‘lib qolmoqda.
Jumladan, 2017 yilda barcha sharoitlarga ega zamonaviy «Amudaryo» bolalar sog‘lomlashtirish oromgohining qurilib foydalanishga topshirildi. Buning natijasida har yili xalqimizning 1000 nafar farzandlarini dam oldirish hamda sog‘lomlashtirish imkoniyati yaratildi. Shuningdek, 2017 yilda Termiz tumanida 250 o‘rinli «Termiz marvaridi» sanatoriysi, 2020 yilda Oltinsoy tumanida 180 o‘rinli «Xo‘jaipok» sanatoriysi, foydalanishga topshirildi.
O‘zbekiston Respublikasi Prezidentining tegishli qaroriga muvofiq Boysun tumanidagi «Omonxona» sanatoriysi ham kasaba uyushmalari tasarrufiga o‘tkazildi. Shu munosabat bilan mazkur sanatoriyda dam oluvchilar uchun yanada qulay sharoitlarni yaratish hamda zamonaviy xolga keltirish hamda so‘nggi rusumdagi tibbiyot jixozlari bilan ta’minlash maqsadida keng ko‘lamli qurilish-rekonstruksiya ishlari boshlab yuborilgan.
2022 yilda Sariosiyo tumanida «Sangardak» sanatoriysining 50 o‘rinli binosi foydalanishga topshirilgan bo‘lsa, ayni kunlarda mazkur sanatoriyning 200 kishiga mo‘ljallangan 7 qavatli binosini qurib foydalanishga topshirish ustida keng ko‘lamli ishlar olib borilmoqda.
O‘zbekiston kasaba uyushmalari Federatsiyasi Kengashi Kurortlar boshqarmasi buyurtmasiga asosan, O‘zbekiston kasaba uyushmalari Federatsiyasi Kengashi qoshidagi “Kasaba qurilish ta’mir sho‘ba korxonasi” tomonidan bunyod etilmoqda. Ushbu sanatoriyni aholi xizmatiga topshirish Vatanimiz mustaqilligining 32 yilligi bayrami kunlariga mo‘ljallangan.
Ma’lumot o‘rnida qayd etish kerakki, O‘zbekiston kasaba uyushmalari Federatsiyasi mablag‘lari hisobidan qad ko‘tarayotgan mazkur inshoatning loyiha qiymati 105,5 mlrd. so‘mni tashkil etib, yiliga 6 ming nafardan ortiq xodimlar va ularning oila a’zolarini sog‘lomlashtirish imkoniyatiga ega.
Shu o‘rinda yangi tahrirdagi Konstitutsiya loyihasining 73-moddasida «Kasaba uyushmalari xodimlarning ijtimoiy-iqtisodiy huquqlarini va manfaatlarini ifoda etadilar va himoya qiladilar» deb belgilab qo‘yilayotganligi ham bizga katta mas’uliyat yuklaydi.
Umuman olganda aholi salomatligi uchun qayg‘urish, ularning samarali mehnat qilishlari uchun munosib sharoitlar yaratish, maroqli hordiq chiqarishlarini ta’minlash bizning oldimizda turgan asosiy vazifalardandir. Zero, xalqimizga sidqidildan xizmat qilish bizning asosiy maqsadimizdir.

O’zbekiston Respublikasi Prezidentining 2023 yil 27 iyuldagi “O’zbekiston Respublikasi davlat mustaqilligining o’ttiz ikki yillik bayramiga tayyorgarlik ko’rish va uni o’tkazish to’g’risida”gi PQ-241-son Qarori ijrosini ta’minlash maqsadida, kasaba uyushmalari tomonidan “Yangi hayot uchun, Yangi O’zbekiston uchun!” shiori ostida Mustaqillik – eng ulug’ ne’mat!” mavzusida qator ma’naviy-ma’rifiy va sport tadbirlari tashkil etilib kelinmoqda.
Joriy yilning 18 avgust kuni O’zbekiston davlat muassasalari va jamoat xizmati xodimlari kasaba uyushmasi Surxondaryo viloyat Kengashi tomonidan tashkil etilgan xotira tadbiri ham shular jumlasidandir.
Mamlakatimiz suvereniteti va mustaqilligini himoya qilish, xalqimizning tinch va osoyishtaligini saqlash maqsadida xizmat majburiyatini bajarish vaqtida halok bo’lgan harbiy xizmatchilar xonadonlariga tashrif buyurib Eshtemirov Muxiddin Xusanovich, Jo’rayev Mashrab Xurramovich, Choriyev Xushboq Chorshanbiyevichlarni xotirladilar, ularning oilalariga osoyishtalik va farovonlik tilaklarini bildirib, farzandlariga otalari mard va jasur insonlar bo’lganligi, ular bugungi tinch xayotimizni himoya qilganliklari to’g’risida so’zladilar.
Uchrashuvlar nihoyasida xizmat vazifasini o’tash davrida halok bo’lgan xarbiy xizmatchilarning oilalariga kasaba uyushmalari tomonidan qimmatbaho sovg’alar topshirildi.

O’zbekiston kasaba uyushmalari Federatsiyasining Surxondaryo viloyati kengashi tomonidan Angor tumani 8-sonli umumiy o’rta ta’lim maktabi o’qituvchisi, Afg’on urushi ishtirokchisi Mirza Ermanovga «Bo’ston» sanatoriysiga sog’ligini tiklab kelish maqsadida bepul yo’llanma berildi.

2023 yil 11 avgust kuni O’zbekiston kasaba uyushmalari Federatsiyasi Surxondaryo  viloyat Kengashining majlislar zalida O’zbekiston transport, yo’l va kapital qurilish, qurilish  industriyasi xodimlari kasaba uyushmasi tizimi Surxondaryo  viloyati xududidagi   korxona va tashkilotlarning kasaba uyushmalari faollari uchun kasaba uyushmasining asosiy yo’nalishlari, ish yuritish, mehnat muxofazasi va xodimlarga  qulay ish sharoitlari yaratish, murojaatlar bilan ishlash, kasaba uyushmasida moliyaviy masalalariga bag’ishlangan o’quv seminar bo’lib o’tdi.

 Seminar davomida O’zbekiston kasaba uyushmalari Federatsiyasining 2023 yil 17 iyuldagi 10-1 sonli Ijroiya qo’mita qarorining ijrosi bo’yicha belgilangan vazifalar, Ish beruvchi va xodim o’rtasida mehnatga oid munosabatlar, mehnatni muxofaza qilishni tashkil etish,ish joylarida qulay sharoitlarni yaratish va baxtsiz xodisalarni oldini olish, Jamoa shartnomalarini belgilangan tartibda rasmiylashtirish masalalari bo’yicha keng tushuntirishlar va tavsiyalar berildi, shuningdek sohaga oid muammolar va ularning yechimi yuzasidan fikrlar almashildi.

Seminarda yangilangan Konstitutsiya, Halqaro mehnat tashkilotining ratifikatsiya qilingan 148-konventsiyasining targ’iboti tashkil etildi. Korxona va tashkilotlarning kasaba uyushmasi qo’mitasi raislari, kadrlar bo’limi mutaxassislari va mexnat muxofazasi bo’yicha muxandislari faol ishtirok etib faoliyatning yo’nalishlari bo’yicha qiziqtirgan savollariga aniq javoblarni oldilar.  Seminar davomida ishtirokchilarga  qonun va qonunosti me’yoriy xujjatlari elektron tarzda taqdim etildi.

O’zbekiston kasaba uyushmalari Federatsiyasining VIII Qurultoyi qarorlari hamda 2021-2025 yillarga mo’ljallangan Strategik yo’nalishlarida belgilangan vazifalarijrosini ta’minlash sohasida O’zbekiston Agrosanoat majmui xodimlari kasaba uyushmasi Surxondaryo viloyat tashkilotlarida muayyan ishlar amalga oshirilib, o’z navbatida kasaba uyushmasi Respublika kengashining hudud bo’yicha mas’ul tashkilotchilari tomonidan ham joylarda VIII Qurultoyda qabul qilingan hujjatlar targ’iboti amaliy ishlar bilan bir qatorda amalga oshirilib kelinmoqda.
O’zbekiston kasaba uyushmalari Federatsiyasining Surxondaryo viloyat Kengashida ayni masalalarga bag’ishlab tashkil etilgan o’quv-seminarida ham faoliyatni yanada samarali tashkil etish yuzasidan qator tavsiyalar berib o’tildi.

Seminar yakunida kun tartibidagi masalalar yuzasidan ishtirokchilar tomonidan ko’tarilgan mehnat sohasiga oid qator savol va takliflarga Respublika va viloyat tashkilotlarining mutaxassislari tomonidan atroflicha javoblar berildi.
Shundan so’ng uzoq yillar davomida tizimda faoliyat yuritib, o’zining samarali mehnati, fidoyiligi va tashabbuskorligi bilan boshqalarga o’rnak bo’lib kelayotgan bir qator tuman va shahar kengashlari rahbarlari kasaba uyushmalari atloyat kengashining faxriy yorliqlari hamda estalik sovg’alari bilan taqdirlandi.