Surxondaryoda “Yosh chegarachilar fan olimpiadasi” o‘tkazildi

 “Yosh chegarachilar” harbiy-akademik litseyida “Yoshlar – Yangi O‘zbekiston qanotlari” shiori ostida Surxondaryo viloyati O‘rta maxsus va professional ta’lim muassasalari hamda umumta’lim maktablari o‘rtasida “Yosh chegarachilar fan olimpiadasi” bo‘lib o‘tdi.

Olimpiada doirasida «Rahbar va yoshlar uchrashuvi» ham tashkil etilib o‘quvchi yoshlar o‘zlarini qiziqtirgan turli xil savollarga davra suhbati davomida javoblar olishdi. Tadbir so‘ngida eng yaxshi savol yo‘llagan o‘quvchilarga tadbir tashkilotchilari tomonidan kitoblar sovg‘a qilindi. Olimpiadada yuqori natijalar ko‘rsatgan o‘quvchi yoshlar tashkilotchilar tomonidan munosib taqdirlandilar.