Кўрик-танлови ўтказилди

Жорий йилнинг 25 май куни “Ҳамширалик иши-тиббиётнинг асосий таянчи” мавзусида мутахасисларнинг малака ва маҳоратини юксалтириш, ўрта тиббиёт ходимларининг меҳнатдан манфаатдорлигини ошириш борасида “Ҳамшира — 2017” кўрик танловининг Сурхондарё вилоят босқичи ўтказилди.

Кўрик танловда Термиз шаҳар, туманлар тиббиёт бирлашмалари ва вилоят даволаш профилактика муассасаларидан жами 17 нафар фаол ҳамширалар иштирок этиб, ҳакамлар томонидан баҳоланиб борилди.

Кўрик-танлови ғолибларига Вилоят касаба уюшмалари ташкилотлари бирлашмаси, вилоят соғлиқни сақлаш бошқармаси, “Ҳамширалар ассоциацияси” ва ҳомий ташкилотларнинг диплом ва эсдалик совғалари топширилди.