Сурхондарё вилоятида 2014 йил ёз мавсумида болажонларнинг мароқли ва мазмунли дам олишларини ташкил этиш мақсадида вилоят худудидаги барча шарт-шароитларга эга бўлган 8 та стационар оромгохларидан шу йилнинг 7 июнидан “Вахшивор” ,12 июн кунидан “Х.Қулниёзов” номли , “Мироб”,”Бешбулоқ-Сурхон-Шеробод”,”Нефтчи” болалар соғломлаштириш оромгохлари ўз фаолиятларини бошладилар

Амалий ўқув-семинар 2014 йил 22 май куни соат 9-00 да семинар иштирокчиларини рўйхатга олиш билан бошланди.
Семинар иштирокчилари икки гуруҳга бўлинган ҳолда тумандаги фаолияти намунали йўлга қўйилган “Шўрчидонмаҳсулотлари” очиқ акциядорлик жамияти ва тумандаги 59-умумий ўрта таълим мактаби касаба уюшма қўмиталарига ташриф буюришди ва уларнинг фаолияти билан танишишди.
Семинарни вилоят касаба уюшмалари ташкилотлари бирлашмаси раиси А.Ахмедов очиб, Республикамизда, вилоятимизда Давлатимиз раҳбари ва Ҳукумати ташаббуси билан амалга оширилаётган ижобий ишлар, ижтимоий-иқтисодий ислоҳотлар самараси, касаба уюшмалари тизимидаги ўзгаришлар тўғрисида гапирди.
Шунингдек, вилоятимизнинг ижтимоий-иқтисодий фаолиятида касаба уюшмаларининг тутган ўрни ва роли ҳақида ҳамда олиб бораётган фаолияти, касаба уюшмалари тизимидаги такомиллаштиришнинг мазмун-моҳияти тўғрисида сўзлади.
Ўзбекистон касаба уюшмалари Федерацияси Кенгаши маданий-маърифий ишлар бўлими мудири Л.Холмўминова “Бошланғич ташкилотлар фаолияти самарадорлигини оширишнинг устувор вазифалари” тўғрисида маъруза қилди. У йиғилиш иштирокчиларига бугунги кунда касаба уюшма ташкилотларининг олдида турган вазифалар тўғрисида атрофлича тушунча бериб ўтди.
Шунингдек, ўқув-семинарда вилоят касаба уюшмалари ташкилотлари бирлашмаси ташкилий ишлар бўлими мудири Б.Муҳаммадиев “Касаба уюшма ташкилотларида ташкилий ишларни Устав талаблари асосида йўлга қўйиш ва бу борада бошланғич ташкилотларнинг вазифалари ҳамда фаолиятининг асосий йўналишлари тўғрисида”ги, меҳнаткашларнинг ижтимоий-иқтисодий манфаатларини ҳимоя қилиш бўлими мудири М.Анарбоев “Ходимларнинг ижтимоий-иқтисодий манфаатларини ҳимоя қилишни ташкил этиш соҳасида бошланғич ташкилотларнинг вазифалари ҳамда фаолиятининг асосий йўналишлари тўғрисида”ги, юридик бўлими етакчи юрисконсульти А.Бабаяров “Ходимларнинг меҳнат ҳуқуқларини ҳимоя қилиш соҳасида бошланғич ташкилотларнинг вазифалари ҳамда фаолиятининг асосий йўналишлари тўғрисида”ги, меҳнатни муҳофаза қилиш бўлими етакчи мутахассиси Д.Шукуров “Меҳнатни муҳофаза қилиш, меҳнаткашларга хавфсиз меҳнат шароитларини яратиш ва бу борада жамоатчилик назоратини ташкил этиш соҳасида бошланғич ташкилотларнинг вазифалари ҳамда фаолиятининг асосий йўналишлари тўғрисида”ги, маданий-маърифий ва спорт ишлари бўлими мудири Ў.Ўтаганов “Касаба уюшма ташкилотларида маданий-маърифий ва спорт ишларни ташкил ва туризмни ривожлантириш соҳасида бошланғич ташкилотларнинг вазифалари ҳамда фаолиятининг асосий йўналишлари тўғрисида”ги, молия бўлими мудири Р.Холматов “Молиявий масалаларда амалдаги меъёрий ҳужжатларга риоя этиш, аъзолик бадаллари тушуми тўлиқлигини таъминлаш, молиявий интизомга риоя этиш соҳасида бошланғич ташкилотларнинг вазифалари, касаба уюшма бюджети маблағлари ҳисобидан ходимлар ва уларнинг оила аъзоларини соғломлаштиришни ташкил қилиш ҳамда фаолиятининг асосий йўналишлари тўғрисида”ги, ижтимоий суғурта бўлими мудири Ў.Мирзаев “Ягона ижтимоий тўловдан ажратмалар ҳисобига ходимлар ва уларнинг фарзандларини соғломлаштириш учун йўналтирилган маблағларни мақсадли сарфлаш тўғрисида”ги, “Шўрчидонмаҳсулотлари” очиқ акциядорлик жамияти касаба уюшма қўмитаси раиси Ш.Назарова ““Шўрчидонмаҳсулотлари” очиқ акциядорлик жамияти касаба уюшма қўмитасининг ижобий иш тажрибаси тўғрисида”ги, Шўрчи туманидаги 59-умумий ўрта таълим мактаби касаба уюшма қўмитаси раиси М.Рахмонова “Шўрчи туманидаги 59-умумий ўрта таълим мактаби касаба уюшма қўмитасининг ижобий иш тажрибаси тўғрисида”ги маърузалари билан иштирок этишди.
Ўқув-семинар иштирокчилари томонидан берилган саволларга Ўзбекистон касаба уюшмалари Федерацияси кенгаши маданий-маърифий ишлар бўлими мудири Л.Холмўминова, вилоят касаба уюшмалари ташкилотлари бирлашмаси раиси А.Ахмедов, молия бўлими мудири Р.Холматовлар жавоб беришди.

2014 йил 14 март куни Олтинсой тумани Халк таълими муассасалари фаолиятини методик таъминлаш ва ташкил этиш булимига қарашли мактаб ва мактабдан ташкари, мактабгача таьлим муассасаларида “Наврўз” умумхалқ байрами ўтказилди. Байрам тадбирида сумалак, таомлар тайёрланиб, халқимизга ҳос бағрикенглик, саховат, меҳр — оқибат фазилатларини юклантириш, инсонни маънавий баркамоллик сари омилларни кучайтириш ва “Соғлом бола йили” Давлат дастури ҳамда “Жамоа келишув”га асосан туман таълим, фан ва маданият ходимлари касаба уюшмаси кенгаши томонидан 35 нафар кекса, кам таъминланган ва нафақага чиққан мураббийларнинг ҳолидан ҳабар олиниб қимматбаҳо совғалар берилди. Ушбу тадбирда 3850,0 минг сўм сарфланди

2014 йил 13 мартда “Сурхондарё ҳудудий электр тармоқлари корхонаси” очиқ акциядорлик жамияти меҳнат жамоасининг йиғилиши бўлиб ўтди.
Йиғилишда Ўзбекистон касаба уюшмалари Федерацияси Кенгашининг меҳнатни муҳофаза қилиш бўлими мудири Ў.М.Адилов, Ўзбекистон ёқилғи-энергетика комплекси, кимё саноати ва геология ходимлари касаба уюшмаси Кенгашининг раиси Ғ.Ю.Ҳамидов, “Ўзбекэнерго” ДАК бошқармаси бош мутахассиси, энергетика ходимлари Республика бирлашган касаба уюшма қўмитаси раиси С.С.Тўхтаев, Сурхондарё вилоят касаба уюшмалари ташкилотлари бирлашмаси раиси А.А.Ахмедов ва “Сурхондарё ҳудудий электр тармоқлари корхонаси” ОАЖ бошқаруви раиси У.С.Рахимовлар иштирок этишди.
Йиғилиш кун тартибидаги 1-масала бўйича “2013 йилда жамоа шартномасининг бажарилиши натижалари тўғрисида” “Сурхондарё ҳудудий электр тармоқлари корхонаси” ОАЖ бошқаруви раиси У.С.Рахимов ва “Сурхондарё ҳудудий электр тароқлари корхонаси” ОАЖ касаба уюшма қўмитаси раиси И.Р.Абдуллаевларнинг ҳисоботлари эшитилди.
“2013 йилда жамоа шартномасининг бандларини бажарилишини текшириб бориш комиссияси” аъзоси, корхонанинг ишлаб чиқариш техник хизмати бошлиғи Н.С.Шайматов текширув далолатномаси билан таништирди.
Корхонада жамоа шартномасига асосан 1951 нафар ходим 2780,1 млн сўмлик имтиёзлар олдилар.
Ўзбекистон Республикасида белгиланган энг кам иш ҳақининг 20 % миқдорида суткалик ва йўлкира харажатлари норматив асосида тўланиб, уларга 148,6 млн сўм сарфланган.
Иш жараёнида зарарсизлантириш воситаларидан фойдаланиш учун 258,2 млн.сўм хожатхона фаррошларининг лавозим маошларига 10 фоиз миқдорида компенсация тўловлари тўланган.
Ҳисобот йилида Иш берувчи ва касаба уюшма кўмитаси томонидан 35 нафар ходимга ташаккурнома ва 69 нафар ходимга фахрий ёрлиқлар эълон қилиниб уларга 19,9 млн сўм, 14 нафар ходим нафақага чиқиши муносабати билан 75,4 млн сўм бир йўла рағбатлантириш, “8-март Хотин-қизлар куни” байрами ва 9-май “Хотира ва қадрлаш куни” муносабати билан ишчи ходимларга ҳамда меҳнат фахрийларига 18,7 млн сўм сарфланган.
Жамоа шартномасига илова сифатида ҳар йили тузиладиган Меҳнатни муҳофаза қилиш бўйича битимга биноан иш ўринларида меҳнат шароитларини, меҳнатни мухофаза қилиш ва техника хавфсизлиги аҳволини яхшилаш юзасидан тадбирлар бажариш чоралари кўрилиб, бу ишларга 21,8 млн сўм сарфланди.
Меҳнат мухофазаси тадбирларини молиялаштириш учун Ўзбекистон Республикаси Вазирлар Маҳкамасининг 2008 йил 12 ноябрдаги 245-сон қарори билан тасдиқланган “Корхоналар, ташкилотлар ва муассасаларда Меҳнатни мухофаза қилиш жамғармасини ташкил этиш ва унинг маблағларидан фойдаланиш тартиби тўғрисида”ги Низомга биноан Меҳнатни мухофаза қилиш жамғармаси барпо этилган.
Ноқулай меҳнат шароитларида банд ходимларни махсус, кийим-бош, махсус пойабзал, бошқа якка тартибдаги ҳимоя воситалари билан, шунингдек, ювиш ва зарарсизлантириш воситалари билан таъминлаш учун 94,7 млн.сўм, корхонанинг 1959 нафар ишчи ходимларини тиббий кўрикдан ўтказиш учун 4,2 млн.сум, 54 нафар ходимнинг сурункасига бир ойдан ортиқ касал бўлганлиги учун, жами 10,7 млн сўмлик ва 49 нафар ходимнинг яқин қариндошлари вафот этганда 11,2 млн сўм миқдорида моддий ёрдамлар кўрсатилган.
Жамоа шартномасига киритилган 11 та бўлимнинг 127 та бандлари барчаси бажарилган.
Кун тартибидаги 3-масала бўйича, 2014-2016 йилларга тузилган Бош келишув ва вилоятда тузилган Минтақавий Келишувларига мослаштирилиб 2014-2016 йилларга тузилган жамоа шартномаси қабул қилинди.
Йиғилиш якунида Ўзбекистон касаба уюшмалари Федерацияси Кенгашидан бўлим мудири Ў.М.Адилов, Кенгаш раиси Ғ.Ю.Хамидов ва вилоят касаба уюшмалари ташкилотлари бирлашмаси раиси А.Ахмедовлар сўзга чиқиб таклиф ва мулоҳазалар билдиришди

2014 йилнинг 12 март куни Сурхондарё вилоят касаба уюшмалари ташкилотлари бирлашмасининг кичик мажлислар залида Ўзбекистон транспорт йўл қурилиш ва капитал қурилиш индустрияси ходимлари Марказий кенгаши томонидан ўқув-семинар ўтказилди. Унда тизим ташкилотларининг 48 нафар бошланғич касаба уюшма қўмиталари раислари, ташкилотчилари иштирок этишди.
Ўқув-семинарини вилоят касаба уюшмалари ташкилотлари бирлашмаси раиси А.Ахмедов очиб, семинар иштирокчиларига “Ўзбекистон Республикаси Президенти И.А.Каримовнинг 2013 йилда мамлакатимизни ижтимоий-иқтисодий ривожлинтириш якунлари ҳамда 2014 йилга мўлжалланган иқтисодий Дастурнинг энг муҳим устивор йўналишларига бағишланган Вазирлар Маҳкамасининг мажлисидаги маърузаси” мазмун моҳияти тўғрисида гапириб ўтди.
Ўзбекистон транспорт йўл ва капитал қурилиш, қурилиш индустрияси ходимлари касаба уюшмаси республика кенгаши раиси О.Т.Турганов, ташкилий ишлар бўлими бош мутахассиси А.Х.Мирзажонов, меҳнаткашларни ижтимоий-иқтисодий манфаатларини ҳимоя қилиш бўлими бош мутахассиси М.Т.Абдумаликорвалар Ўзбекистон траспорт йўл ва капитал қурилиш, қурилиш индустрияси ходимлари касаба уюшмасининг олдида турган долзарб вазифалар, нодавлат сектордаги ходимларни касаба уюшмаси аъзолигига жалб этиш, жамоа шартномаларидаги имтиёзлар ва Ҳалқаро Меҳнат Ташкилотининг 138, 182-Конвенциялари моҳиятидан келиб чиқадиган вазифалар тўғрисида маъруза қилишиб, иштирокчиларга тушунтиришлар беришди.

2014 йил 22 февралида «Жарқурғон Пахта» ОАЖ бошқаруви раиси И.Холиқов томонидан шартнома шартлари, тадбир, мажбуриятлар юзасидан иш берувчининг ҳисоботи ва ходимлар вакили, касаба уюшмаси қўмитаси раиси С.Алламуродовнинг жамоа шартномаси якунлари бўйича ҳисоботлари эшитилди.
Конференцияда 2014 йил жамоа шартномасининг лойихаси ҳам маъқулланиб, унга киритиш учун ходимлар томонидан таклифлар берилди. Жамоа шартномаларининг муҳокамаларини ташкил этиш, уларга давр талабларидан келиб чиққан ҳолда тадбирларни киритиш юзасидан бирлашма раисининг ўринбосари Қ.Боболов томонидан таклифлар берилди. Музокаралар юзасидан ва шартномаларни тузиш ва бажарилишини муҳокама қилишни ташкил этиш ва уни ўтказиш юзасидан вакиллар ва иштирокчилар томонидан берилган саволларга бирлашма маъсул ходимлари ва жамият бошқаруви ходимлари томонидан жавоблар берилди.

2014 йил 18 февралда вилоят агросаноат мажмуи ходимлари касаба уюшмалари тизимидаги Шўрчи туман “Шўрчидонмаҳсулотлари” ОАЖда Сурхондарё вилояти касаба уюшмалари ташкилотлари бирлашмаси кенгаши раиси А.А.Ахмедов, вилоят агросаноат мажмуи туман, шаҳар касаба уюшмалари кенгашлари масъул ходимлари, тармоқдаги йирик корхона ва ташкилотлар касаба уюшмалари қўмиталари раислари иштирокида жамиятда 2013 йил “Обод турмуш йили”да жамоа шартномасининг бажарилиши якунларига бағишланган меҳнат жамоасининг 50 нафар вакиллари иштирокидаги конференцияси ўтказилди.
“Шўрчидонмаҳсулотлари”ОАЖ бошқарув раиси О.Чўтов томонидан шартнома шартлари, тадбир, мажбуриятлари юзасидан иш берувчининг ҳисоботи ва ходимлар вакили Ш.Назарованинг жамоа шартномаси якунлари бўйича ҳисоботи эшитилди.
Жамиятда иш ҳақларининг ўз вақтида тўланиши юзасидан олиб борилаётган ижобий ишлар, ишчи, хизматчиларни бепул иссиқ овқат билан таъминлаш, цехларда меҳнат шароитларини яхшилаш, ходимлар ва уларнинг оила аъзоларини соғломлаштириш, маданий-оммавий тадбирлар, спорт-соғломлаштириш тадбирларини кўпроқ ўтказиш, янги иш ўринларини яратиш, касаначилар меҳнатини ташкил қилиш, ишчи, ходимлар айниқса кам таъминланган оилалар вакилларини моддий ва маънавий жиҳатдан қўллаб-қувватлаш борасида олиб борилган ишлар иш берувчи ва касаба уюшмаси қўмитаси раисининг ҳисоботларида ўз аксини топган.
Бирлашма раиси А.Ахмедов касаба уюшлмалари олдида турган вазифалар юзасидан маъруза қилди.

2014 йилнинг 14 февралида Сурхондарё вилоят касаба уюшмалари ташкилотлари бирлашмасининг навбатдан ташқари VI-конференцияси ўтказилди.
Конференцияда вилоят касаба уюшмалари ташкилотлари бирлашмаси кенгашининг 2010 йил июлидан 2014 йил февралигача фаолиятининг асосий йўналишлари тўғрисида ҳисоботи эшитилди.Шунингдек, Ўзбекистон касаба уюшмалари Федерациясининг навбатдан ташқари VI-қурултойига делегатлар сайланди.

Жорий йилнинг 12 февраль куни Сурхондарё вилоят касаба уюшмалари ташкилотлари бирлашмасининг катта залида “Меҳнат соҳасидаги муҳим аҳамиятга молик масалалар” мавзусида Давра суҳбати бўлиб ўтди.Унда Федерация Кенгашининг вакили ,вилоят хокимлиги ,вилоят бошқармалари,бирлашмалари,муассасалари раҳбарлари ва оммавий ахборот воситалари вакиллари қатнашди. Давра суҳбатида вилоят бошкарма ва ташкилотлар раҳбарлари дастур бўйича маъруза қилдилар.Маърузадан кейин “Меҳнат соҳасидаги муҳим аҳамиятга молик масалалар”юзасидан савол-жавоблар ,таклифлар ва мулохазалар қилинди.Жамоа шартномаларининг муҳокамалари жараёнида ва туманларда ўтказиб келинган очиқ мулоқотларда ишчи-хизматчилар томонидан меҳнат муносабатларида юзага келаётган айрим муаммоларни ечимини топишда ҳамда Давра суҳбати қатнашчилари томонидан кўтарилган саволларга таклиф этилган вилоят хокимлиги,вилоят бошқармалари,бирлашмалари,муассасалари раҳбарлари жавоб беришди.