Ёлғиз ва ижтимоий ёрдамга муҳтож кексалар яшаётган оилаларнинг турмуш даражасини яхшилаш мақсадида, уларнинг рўзғор ташвишларини енгиллаштириш ва маиший шароитида қулайлик яратиш ҳамда “Кексаларни эъзозлаш йили” давлат дастури ижросини таъминлаш, Ўзбекистон Реслубликаси давлат мустақиллигининг йигирма тўрт йиллигига бағишлаб амалга ошириладиган “Бетакроримсан, ягонамсан, она Ватаним , Ўзбекистоним!” шиорини ўзида мужассам этган ташкилий-амалий, маданий-маърифий тадбир ўтказилди.
Тадбирда ёлғиз ва ижтимоий ҳимояга муҳтож кексалap яшаётган, эҳтиёжманд оилалардаги 46 нафар нуроний отахон ва онахонларга Ўзбекистон касаба уюшмалари Федерацияси Кенгаши томонидан берилган электр-маиший техника жиҳозлари тантанали равишда топширилди.

Жорий йилнинг 25 август куни Ангор туманининг 9 — болалар мусиқа мактабида туман таълим муассасалари фаолиятини методик таъминлаш ва ташкил этиш бўлими ҳамда таълим, фан ва маданият ходимлари касаба уюшмаси туман кенгаши ҳамкорлигида ўқитувчиларнинг Анъанавий август анжуманини ўтказилди. Тадбир сўнгида 2014 — 2015 ўқув йилида муваффақиятларга эришган бир қатор педагог ходимлар ҳамкорларнинг фахрий ёрлиғи ҳамда эсдалик совғалари билан тақдирландилар.

Ўзбекистон Республикаси Мустақиллик байрамининг йигирма тўрт йиллиги муносабати билан Таълим, фан ва маданият ходимлари касаба уюшмаси Шурчи туман кенгаши, “Маҳалла” хайрия жамоат фонди туман бўлими, туман маданият ва спорт ишлари бўлими, “Камолот” ёшлар ижтимоий ҳаракати туман кенгаши ҳамкорлигида маҳаллаларда яшовчи аҳоли ўртасида соғлом турмуш тарзини тарғиб қилиш, спорт-соғломлаштириш тадбирлари орқали саломатлигини тиклашга кўмаклашиш, уларни турли касб касалликларидан спорт ва соғлом турмуш тарзи асослари орқали муҳофаза қилиш, велосипед спорт турининг оммавийлигини ошириш мақсадида веломарафон мусобақаси ўтказилди.
Ўтказилган мусобақада маҳаллаларда яшовчи 210 нафар ҳаваскор велоспортчилар иштирок этишди.
Мусобақа ғолиблари ва иштирокчиларига ҳамкор ташкилотларнинг дипломлари ва эсдалик совғалари топширилди.

Жорий йилнинг 6 августь куни Ўзбекистон Республикаси Мустақиллигининг 24 йиллик байрами муносабати билан Сурхондарё вилояти таълим, фан ва маданият ходимлари касаба уюшмаси ташкилотлари томонидан 50 нафар фахрийлар, илғор тармоқ ходимлари Тошкент, Фарғона, Андижон ва Наманган шаҳарларига сайёҳатга олиб борилди.
Саёҳат иш берувчилар, хомий ташкилотлар ва касаба уюшмалари маблағлари ҳисобидан амалга оширилди.

Таълим, фан ва маданият ходимлари касаба уюшмаси Шеробод туман кенгаши томонидан Ўзбекистон Республикаси мустақиллигининг йигирма тўрт йиллигига бағишлаб, амалга ошириладиган “Бетакроримсан, ягонамсан, она Ватаним — Ўзбекистоним!” деган эзгу ғояни ўзида мужассам этган маънавий-маърифий ва маданий тадбирлар доирасида “Ҳеч ким меҳр ва эътибордан четда қолмасин” шиори остида кам таъминланган ва боқувчисини юқотган оилалар ҳамда меҳнат фахрийларининг ҳолидан хабар олинди. Уларнинг 15 нафарига озиқ-овқат махсулотлари, 1 нафарига дори-дармонлар олиб берилиб, 3 нафар оилага коммунал тўловлари тўлаб берилди.

Жорий йилнинг 2 август куни Узун туманида жойлашган вилоят касаба уюшмалари ташкилотлари бирлашмаси тасарруфидаги “Хонжиза” болалар соғломлаштириш оромгоҳида Республика болалар ва оилаларни қўллаб — қувватлаш Ассоциацияси, Ўзбекистон касаба уюшмалари Федерацияси Кенгаши ҳамкорлигида “Мен, Ўзбекистон фуқаросиман, буни мен билишим керак” мавзусида интерфаол усулда болалар учун ташкил этиладиган илмий — амалий тадбир ўтказилади.

Жорий йилнинг 30 июль куни вилоят касаба уюшмалари ташкилотлари бирлашмасининг VII-конференцияси бўлиб ўтди. Конференцияда вилоят касаба уюшмалари ташкилотлари бирлашмаси кенгаши раиси А.Ахмедовнинг Сурхондарё вилоят касаба уюшмалари ташкилотлари бирлашмаси кенгашининг 2010 йил июль ойидан 2015 йил июль ойигача бўлган фаолияти юзасидан хисоботи эшитилиб, касаба уюшмалари аъзоларининг меҳнат ҳуқуқлари ҳамда ижтимоий-иқтисодий манфаатларини ҳимоя қилиш бўйича касаба уюшма ташкилотларининг келгусидаги вазифалари белгилаб олинди.
Шунингдек, вилоят касаба уюшмалари ташкилотлари бирлашмаси тафтиш комиссияси раиси И.Маҳмадиёровнинг Сурхондарё вилоят касаба уюшмалари ташкилотлари бирлашмаси тафтиш комиссиясининг 2010-2015 йиллардаги фаолияти тўғрисидаги хисоботи эшитилди.
Конференцияда Ўзбекистон касаба уюшмалари Федерацияси фаолиятининг 2016-2020 йилларга мўлжалланган стратегик йўналишлари лойиҳаси ҳамда Ўзбекистон касаба уюшмалари Федерацияси Уставига киритиладиган ўзгартириш ва қўшимчалар лойиҳаси муҳокама қилинди.
Конференция ишида вилоят касаба уюшмалари ташкилотлари бирлашмаси кенгаши аъзолари, тафтиш комиссияси аъзоларининг янги таркиби, Ўзбекистон касаба уюшмалари Федерацияси VII Қурултойига делегатлар ҳамда Ўзбекистон касаба уюшмалари Федерацияси Кенгаши таркибига вакиллар сайлаб олинди.
Конференцияда Ўзбекистон касаба уюшмалари Федерацияси Кенгаши раисининг ўринбосари Тўлқин Зокирович Тешабаев ҳамда вилоят ҳокимининг ўринбосари, вилоят хотин-қизлар қўмитаси раиси Мавлюда Умаржоновна Қобуловалар иштирок этдилар ва сўзга чиқдилар.

Жорий йилнинг 30 июль куни вилоят касаба уюшмалари бирлашмаси томонидан “Кексаларни эъзозлаш йили” ҳамда Ўзбекистон Республикаси Мустақиллиги байрами муносабати билан “Кексалар дуосини олайлик” акцияси доирасида “Фахрийлар – фахримиз” мавзусида тадбир ўтказилди.
Тадбирда 21 нафар меҳнат фахрийларига Ўзбекистон касаба уюшмалари Федерацияси Кенгаши томонидан берилган электр-маиший техника жиҳозлари топширилди

Ўзбекистон транспорт, йўл ва капитал қурилиш, қурилиш индустрияси ходимлари касаба уюшмаси “Кексаларни эъзозлаш йили” дастурига асосан, 2015 йилнинг 22-23-24 май кунлари иш берувчилар, касаба уюшма маблағлари ҳисобидан Ўзбекистон транспорт, йўл ва капитал қурилиш, қурилиш индустрияси ходимлари Сурхондарё вилоят бирлашган ташкилотлари касаба уюшма қўмитаси тизимидаги Ўзавтойўл Бойсун йўл хўжалик, пудрат таъмирлаш, фойдаланиш корхонаси ҳамда касб-ҳунар коллежлари ва бошқа бошланғич ташкилотлардаги меҳнат фахрийларидан 150 нафари Самарқанд шаҳрига саёҳатлари уюштирилди.