Жорий йилнинг 28-29 декабрь кунлари “Шўрчидонмахсулотлари” акциядорлик жамияти касаба уюшмаси қўмитаси ҳамда жамият бошқаруви томонидан Янги йил байрами муносабати билан “Меҳрибонлик уйи” тарбияланувчиларининг 50 нафарига, туманидаги махсус мактаб интернатлари тарбияланувчиларининг 400 нафарига, “Бобур” маҳалласида яшовчи кўп болали, кам таъминланган оилалар фарзандларининг 120 нафарига, 21-сон умумтаълим мактаби ўқувчиларининг 220 нафарига, тумандаги уруш ва меҳнат фронти фаҳрийлари, ёлғиз қарияларнинг 50 нафарига Янги йил совғалари тарқатилди.

Жорий йилнинг 25 декабрь куни таълим, фан ва маданият ходимлари касаба уюшмаси Термиз туман кенгаши томонидан тумандаги мактабгача таълим муассасаларида “Янги йил” байрам тадбирлари ташкил этилиб, болажонларга касаба уюшмаларининг Янги йил совғалари тарқатилди.

Жорий йилнинг 25 декабрь куни таълим, фан ва маданият ходимлари касаба уюшмаси Ангор туман кенгаши томонидан тумандаги 1-сон “Семруғ” мактабгача таълим муассасасида “Янги йил” байрам муносабати билан “Байрам эрталиги” тадбири ташкил этилиб, болажонларга касаба уюшмаларининг Янги йил совғалари тарқатилди.

Жорий йилнинг 25 декабрь куни таълим, фан ва маданият ходимлари касаба уюшмаси Шеробод туман кенгаши томонидан тумандаги “Шодлик”, “Қўнғироқча”, “Офтобча”, “Камалак” номли мактабгача таълим муассасасида “Янги йил” байрам муносабати билан “Байрам эрталиги” тадбири ташкил этилиб, болажонларга касаба уюшмаларининг Янги йил совғалари тарқатилди.

Жорий йилнинг 21 декабрь куни транспорт, йўл ва капитал қурилиш, қурилиш индустрияси ходимлари касаба уюшмаси Сурхондарё вилоят бирлашган қўмитаси томонидан М.Уйғур номидаги вилоят мусиқали драма театрининг «Оппоқойим» номли театрлаштрилган спектаклига тизимдаги корхона, ташкилот, муассасаларда меҳнат қилаётган ишчи- ходимларнинг 300 нафар фарзандларининг ташрифи уюштирилди.

2015 йил 18 декабрь куни Сурхондарё вилоят ҳокимлиги, вилоятдаги корхона, ташкилот ва муассасалар раҳбарларининг вилоят касаба уюшмалари фаоллари билан “Меҳнат соҳасидаги муҳим аҳамиятга молик масалалар” мавзусида ўтказилган Давра суҳбати ўтказилди.
Унда, вилоят ҳокимининг вакили, вилоят бошқармалари, бирлашмалари ва муассасалари раҳбарлари, оммавий ахборот воситалари вакиллари иштирок этишди.
Давра суҳбатида касаба уюшмалари фаоллари томонидан берилган саволларга вилоят ҳокимлиги ,бошқарма, бирлашма вакиллари жавоб беришди.

Тармоқ касаба уюшмалари Узун туман кенгашлари томонидан “2015 йил – Кексаларни эъзозлаш йили” муносабати билан «Кексалар доим эъзозда” шиори остида “Янги рўзғор” маҳалласида яшовчи 100 ёшни қаршилаган уруш қатнашчиси Сариқов Асалоҳун бобо, меҳнат фахрийлари Содиқов Исмоилжон бобо, Ўринова Ўлмасхон момо, Муродов Абдусалом боболарнинг хонадонига ташриф буюриб, уларнинг ҳолидан хабар олиниб, фахрийларга озиқ-овқат маҳсулотлари топширилди.

Ўзбекистон Республикаси Вазирлар Маҳкамаси, Ўзбекистон касаба уюшмалари Федерацияси Кенгаши, Ўзбекистон Савдо-саноат палатаси ўртасида ижтимоий-иқтисодий масалаларга оид 2014-2016 йилларга мўлжалланган Бош келишувнинг 43-бандига асосан вилоят касаба уюшмалари фаоллари, ташкилот ва корхоналар вакиллари иштирокидаги “Меҳнат соҳасидаги муҳим аҳамиятга молик масалалар” мавзусидаги Давра суҳбатларини юқори савияда ўтказиш ҳақидаги вилоят касаба уюшмалари ташкилотлари бирлашмасининг 2015 йил 4 декабрдаги № Р-2/5-сонли қарори асосида Термиз тумани Хокимлигида туман Хокими ўринбосари, Тижорат банклари, Молия бўлими, Бандликга кўмаклашиш ва аҳолини ижтимоий мухофаза қилиш маркази, Халқ таълими муассасалари фаолиятини методик таъминлаш ва ташкил этиш бўлими, Тиббиёт бирлашмаси, Давлат солиқ инспекцияси, Хотин-қизлар қўмитаси, Ўрта махсус касб-ҳунар таълими муассасалари вакиллари ва фаол касаба уюшма аъзолари иштирокида давра суҳбати ўтказилди

2015 йилнинг 15 декабрь куни Қумқўрғон туман Ҳокимлиги, корхона ва ташкилотлар ходимларининг туман касаба уюшмалари фаоллари билан “Меҳнат соҳасидаги муҳим аҳамиятга молик масалалар” мавзусидаги Давра суҳбати ўтказилди.
Давра суҳбатида туман ҳокимининг ўринбосари У. Бердимуродов, Ўзбекистон таълим, фан ва маданият ходимлари касаба уюшмаси Республика кенгашининг Сурхондарё вилояти бўйича масъул ташкилотчиси Н.Ёқубов, туман ташкилотлари раҳбарлари, тумандаги тармоқ касаба уюшмалари кенгашлари раислари иштирок этди.
Давра суҳбати давомида иштирокчиларнинг кўплаб саволларига тумандаги тегишли ташкилотлар вакиллари жавоб бердилар.