Жорий йилнинг 25 ноябр куни Ангор туман “Камолот” ёшлар ижтимоий ҳаракати, ва туман таълим, фан ва маданият ходимлари касаба уюшмаси кенгаши ҳамкорликда мактабнинг етакчи ўқитувчилари ўртасида Ўзбекистон Республикаси Президенти Ислом Каримовнинг “Она юртимиз бахту иқболи ва буюк келажаги йўлида хизмат қилиш – энг олий саодатдир” китобининг мазмун-моҳияти, асосий ғояларини умумтаълим мактабларида
ўргатиш бўйича тақдимоти бўлиб ўтди.
Йиғилишда Агросаноат мажмуи ходимлари касаба уюшмаси туман, шаҳар кенгашлари ва бошланғич касаба уюшма қўмиталари раисларидан 50 нафари иштирок этишди.
Ўзбекистон касаба уюшмалари Федерацияси Кенгашининг меҳнатни муҳофаза қилиш бўлими етакчи мутахассиси Нурилла Дадажанов ва Ўзбекистон агросаноат мажмуи ходимлари касаба уюшмаси Республика кенгашининг меҳнатни муҳофаза қилиш бўлими бошлиғи Хуршид Умаровлар томонидан “Сурхондарёдонмахсулотлари” акциядорлик жамияти ва “Шўрчидонмахсулотлари” акциядорлик жамиятларида меҳнатни муҳофаза қилиш ҳолати бўйича содир бўлаётган бахтсиз ходисалар сабабларини ўрганиш натижаси бўйича йўл қўйилган хато ва камчиликларни бартараф қилиш йўллари ва қилинган ижобий ишларни бошқа аъзо ташкилотларда тадбиқ этиш бўйича маърузалар ўқилди.
Жорий йилнинг 20 ноябрь куни Ангор туман “Камолот” ёшлар ижтимоий ҳаракати, туман халқ таълими муассасалари фаолиятини методик таъминлаш ва ташкил этиш бўлими ва туман таълим, фан ва маданият ходимлари касаба уюшмаси кенгаши ҳамкорликда мактаб ўқувчилари ўртасида шахмат-шашка мусобақаси ўтказишди. Мусобақада 5-9 синф ўқувчилари иштирок этишди. Мусобақа сўнгида ғолиб бўлган ўқувчиларга касаба уюшмаси туман кенгашининг эсдалик совғалари топширилди.
2015 йил “Кексаларни эъзозлаш йили” Давлат дастури асосида савдо соҳасида фаол меҳнат қилган Тошмамат Абраматовни нафақага кузатиш тадбири ўтказилди
Соғлиқни сақлаш ходимлари касаба уюшмаси Шеробод туман қўмитаси томонидан “Конституция-ислоҳатлар ва бунёдкорлик ишларининг асоси” шиори остида Самарқанд шаҳрининг тарихий обидаларига ҳамда мустақиллик даврида барпо этилган иншоатларига соҳа ходимларининг саёҳати уюштирилди
Жорий йилнинг 12 ноябрь кунида Бойсун туманидаги ”Шўрсой” маҳалласида янги “Орзу” номли ўйингоҳ қурилиб ишга туширилди. Ўйингоҳнинг очилиш маросимида таълим ходимларининг иштироки таъминланди. Ушбу ўйингоҳ “Ботир Ҳамроев” хусусий фирмаси томонидан ташкил этилиди ва фирманинг 5 нафар ходимлари касаба уюшмаси аъзолигига қабул қилинди.
Жорий йилнинг 11 ноябр куни Ангор туман хокимлиги, туман Ички ишлар бўлими, туман таълим, фан ва маданият ходимлари касаба уюшмаси кенгаши ҳамкорлигида “Намунали милиция таянч пункти”, ”Энг оқила маҳалла маслахатчиси” ва ”Энг намунали касаба уюшма қўмитаси раиси” кўрик танловининг туман босқичини ўтказишди. Туман босқичи ғолибларига кўрик танлов сўнгида ҳомийлар томонидан фахрий ёрлиқлар ва эсдалик совғалари топширилди.
Жорий йилнинг 10 ноябр куни Ангор тумани таълим, фан ва маданият ходимлари касаба уюшмаси кенгаши, туман халқ таълими муассасалари фаолиятини методик таъминлаш ва ташкил этиш бўлими ва “Адолат” социал демократик партияси туман кенгаши билан ҳамкорликда “Партиянинг оқила аёли” кўрик танловини ўтказишди. Кўрик танловда таълим муассасаларида ишлаётган оқила аёлларимиз ва педагог сингилларимиз қатнашишди. Кўрик танлов сўнгида ғолиб бўлган қизларимиз “Адолат” социал демократик партияси вилоят кенгаши ва Ангор туман таълим, фан ва маданият ходимлари касаба уюшмаси кенгаши томонидан эсдалик совғалари ва фахрий ёрлиқлари билан рағбатлантирилди.
Жорий йилнинг ноябрь ойида Олтинсой туман тиббиёт бирлашмаси касаба уюшма қўмитаси томонидан Тиббиёт ходимлари ўртасида спорт мусобақаси ташкил этилди. Ишчи ходимлар спортнинг мини футбол, шахмат, шашка, волейбол турлари бўйича куч синашдилар.
Ушбу спорт мусобақасида ғолиб бўлган қатнашчилар касаба уюшмасининг қимматбаҳо совғалари билан тақдирландилар.