Жорий йилнинг 4 сентябрь куни вилоят касаба уюшмалари ташкилотлари бирлашмаси томонидан Ўзбекистон Республикаси давлат мустақиллигининг йигирма тўрт йиллигига бағишлаб амалга ошириладиган, “Бетакроримсан, ягонамсан, она Ватаним -Ўзбекистоним!” деган эзгу ғояни ўзида мужассам этган ташкилий-амалий, маданий-маърифий тадбирлар ҳамда билимлар кунига бағишлаб “Касаба уюшмалари — фахрийларга” акцияси ўтказилди.
Акция доирасида “Тозалик, озодалик — саломатлик гарови” тадбири ташкил этилиб, тадбирда илк бора мактабга борган 857 нафар ўқувчиларга Ўзбекистон касаба уюшмалари Федерациясининг эсдалик совғалари (санитария-гигиеник пакетлар) тарқатилди.

Жорий йилнинг 28 август куни Ангор туманида туман хотин — қизлар қўмитаси, маҳалла жамғармаси ҳамда ангор туман таълим, фан ва маданият ходимлари касаба уюшмаси кенгаши ҳамкорлигида Ўзбекистон Республикаси Мустақиллигининг 24 йиллиги муносабати билан “Маҳалланинг энг ораста қизлари” кўрик танловининг туман босқичи ўтказилди. Танлов ғолиблари ва иштирокчилари ташкилотчиларнинг дипломлари ва эсдалик совғалари билан тақдирландилар.

Жорий йилнинг 25 августь куни Термиз шахрининг “Диета” (Фламинго) кафесида Ўзбекистон Республикаси давлат мустақиллигининг йигирма тўрт йиллигига бағишлаб “Бетакроримсан, ягонасан, она Ватаним -Ўзбекистоним!” деган эзгу ғояни ўзида мужассам этган маданий-маърифий тадбир ўтказилди.
Тадбирда “Касаба уюшмалари — фахрийларга”, “Касаба уюшмалари — ҳарбийларга”, “Касаба уюшмалари — талабаларга” акциялари ўтказилиб, акциялар доирасида ёлғиз ва ижтимоий ҳимояга мухтож кексалар яшаётган эхтиёжманд оилаларнинг бир гурухига электр-маиший техника товарлари, кексалар ва ногиронларга ёрдамчи ва реабилитация техник воситалари (ногиронлик аравачалари), мустақиллик йилларида хизмат вазифаларини бажариш вақтида халок бўлган Ватан химоячилари оилаларининг хар бирига 200,0 минг сўмдан моддий ёрдам ҳамда олий ва ўрта махсус ўқув юртларида тахсил олаётган ижтимоий ҳимояга мухтож, эхтиёжманд ва иқтидорли талаба — ўқувчиларга касаба уюшмаси стипендиялари топширилди.

Жорий йилнинг 21 августь куни Агросаноат мажмуи ходимлари касаба уюшмаси Шўрчи туман кенгаши ташаббуси билан Ўзбекистон Республикаси Давлат мустақиллигининг 24 йиллигига бағишлаб амалга оширилган, “Бетакроримсан, ягонамсан, она Ватаним – Ўзбекистоним!” деган эзгу ғояни ўзида мужассам этган маданий – маърифий тадбирлар дастури доирасида туман Ветеринария бўлимида меҳнат фахрийлари иштирокида тадбир ўтказилди.
Тадбир сўнгида меҳнат фахрийларига касаба уюшмасининг эсдалик совғалари топширилди

Жорий йилнинг августь ойида Ўзбекистан Республикаси мустақиллигининг йигирма тўрт йиллик байрами муносабати билан таълим, фан ва маданият ходимлари касаба уюшмаси Шеробод туман кенгаши, “Камолот” ёшлар ижтимоий ҳаракати туман кенгаши ҳамда “Маҳалла” хайрия жамоат фонди туман бўлими ҳамкорлигида тумандаги “Чинобод” ва ‘Meҳнaтoбoд,, маҳалла фуқаролар йиғинларида яшовчи аҳоли (эркак ва аёл) ўртасида веломарафон мусобақаси ўтказилди. Тадбир сўнгида мусобақа ғолибларига ташкилий қўмитанинг эсдалик совғалари топширилди

Жорий йилнинг 20 августь куни “Кексаларни эъзозлаш йили” хамда Ўзбекистон Республикаси Мустақиллигининг йигирма тўрт йиллик байрами муносабати билан “Касаба уюшмалари — фахрийларга” акцияси доирасида Қумқўрғон туманидаги бир гуруҳ меҳнат фахрийларига Ўзбекистон касаба уюшмалари Федерацияси Кенгаши томонидан берилган электр-маиший техника жиҳозлари топширилди.

Жорий йилнинг 19 августь куни вилоят касаба уюшма ташкилотлари бирлашмаси кенгаши раёсатининг 2015 йил Р-25/42”с” сонли қарори ижроси юзасидан Ангор туманидаги касаба уюшма ташкилотларида узоқ йиллар самарали меҳнат қилиб, ҳозирги кунда кексалик гаштини сураётган 6 нафар ходимларга Ўзбекистон касаба уюшмалари Федерацияси Кенгаши томонидан ажратилган маиший техника воситалари тарқатилди.

2015 йилнинг 19 августь куни Шеробод туман ҳалқ таълими муассасалари фаолиятини методик таъминлаш ва ташкил этиш бўлимининг мажлислар залида “Кексаларни эъзозлаш йили” Давлат дастурининг тегишли бандлари ижросини таъминлаш мақсадида Ўзбекистон касаба уюшмалари Федерацияси Кенгаши томонидан юборилган маиший техника воситалари Шеробод туманидаги касаба уюшма тармоқларида узоқ йиллар самарали меҳнат қилиб, ҳозирги кунда нафақада бўлган ходимларга тарқатилди ҳамда ўрта махсус, касб-ҳунар таълими муассасаларида таҳсил олаётган, кам таъминланган, етим, ногирон, иқтидорли, жамоатчи талаба ва ўқувчиларни моддий ва маънавий томондан қўллаб-қувватлаш, уларнинг жамоат ишларидаги иштирокларини фаоллаштириш мақсадида тармоқ тизимидаги Шеробод педагогика ва иқтисодиёт коллежида таҳсил олаётган 1-босқич ўқувчиси Юсупов Шариф Панжи ўғли Ўзбекистон касаба уюшмалари Федерацияси Кенгашининг устама стипендияси билан тақдирланди.

Вилоят касаба уюшмалари ташкилотлари бирлашмаси кенгаши раёсатининг 2015 йилдаги P-25/42 “C” сонли қарори ижроси юзасидан Музработ туманида яшовчи нафақада бўлган 5 нафар фуқарога “Кексаларни эъзозлаш йили” давлат дастури муносабати билан Ўзбекистон касаба уюшмалари Федерация Кенгаши томонидан ажратилган маиший техника воситалари топширилди.