Joriy yilning 1- iyul kuni Amudaryo bolalar sog‘lomlashtirish oromgohida sport kuni munosabati bilan, O‘zbekiston Davlat muassasalari va jamoat xizmati xodimlari kasaba uyushmasi Surxondaryo viloyat Kengashi tizimidagi O‘zbekiston Respublikasi Milliy gvardiyasi Surxondaryo viloyati Chavandozlar maktabi o‘zlarining Graf hamda Gurzufxon otlari bilan bolajonlarimizning quvonchiga quvonch ulashish uchun tashrif buyurdilar.
Ot — millatimiz, ayniqsa er–yigitlarimiz uchun azaldan or-nomus va iftixor ramzi bo‘lib kelgan. O‘zbekistonda, jumladan, Surxondaryoda chavandozlik mahorati ming yillar burunga borib taqaladi. Tarixga nazar tashlasak, butun dunyoda ot sporti miloddan avvalgi 680 yildan boshlab antik Olimpiada o‘yinlari dasturiga kiritilgani, albatta, ot sporti va chavandozlikka muhabbat qadimdan shakllangani yaxshi ma’lum.
Ayni kunlarda esa, yurtimizda o‘sib kelayotgan barkamol avlodni ot sporti, zamonaviy beshkurash, polo va uloq-ko‘pkari bilan muntazam shug‘ullanishga jalb etish, ot sportiga ishtiyoqmand iqtidorli yoshlarni tanlash va saralash, seleksiya ishlarini rivojlantirish, yuqori mahoratli sportchilar tayyorlash maqsadida Milliy gvardiya Surxondaryo viloyati Chavandozlar maktabi tomonidan bir qator sa’y-harakatlar amalga oshirilmoqda.
Shu ma’noda, Milliy gvardiya mas’ullari tomonidan yoshlarning Chavandozlar maktabi Amudaryo oromgohiga otlari bilan chiqishlarini tashkil etdi. Tadbirga mehmon sifatida tashrif buyurgan O‘zbekiston Davlat muassasalari va jamoat xizmati xodimlari kasaba uyushmasi Surxondaryo viloyat Kengashi esa bolajonlarga hamroh bo‘ldilar.
Tadbir davomida yoshlar, ot sportning kelib chiqish tarixi, bugungi kunda umidli sportchilarimiz tomonidan jahon arenalarida erishilayotgan yutuqlar hamda hukumatimiz tomonidan ot sportini ommalashtirish borasida amalga oshirilayotgan tizimli ishlardan xabardor bo‘lish bilan birga, sportchilarning mashg‘ulotlar jarayoni bilan yaqindan tanishdilar hamda ot ustida sayr qildilar.

«30 iyun- Yoshlar kuni» munosabati bilan Uzun tumanidagi Fayzova maxallasida yoshlar o’rtasida «Salomatlik uchun 5000 kadam» tadbiri bolib o’tdi. Shuningdek voleybol, shaxmat, shashka va stol tennisi kabi sport turlari bo’yicha musobaqalar o’tkazildi. G’oliblar tashkiliy qo’mita tomonidan rag’batlantirildi.

Joriy yilning 28 iyun kuni O‘zbekiston kasaba uyushmalari Federatsiyasining Surxondaryo viloyat Kengashi tashabbusi bilan kasaba uyushmalari tarmoq kengashlari tizimidagi tashkilotlarda faoliyat olib borayotgan yosh xodimlari o‘rtasida «Yoshlar oyligi» doirasida “Zakovat” intellektual o‘yini o‘tkazildi. 

Bilimlar bellashuvida yosh xodimlardan iborat 7 ta jamoa ishtirok etdi.

“Zakovat” intellektual o‘yini 2 turdan iborat bo‘lib, jamolarga jami 24 ta savol berildi. Savollarga aniq va to‘g‘ri javob topgan jamoalar yakunda g‘oliblikni qo‘lga kiritdi.

G‘olib deb topilgan Davlat muassasalari va jamoat xizmati xodimlari kasaba uyushmasi viloyat kengashi nomidan ishtirok etgan “INHA” jamoasi birinchi o‘rinni qo‘lga kiritdi. Ikkinchi o‘rinni Tadbirkorlik, biznes va xizmat ko‘rsatish sohasi hodimlari kasaba uyushmasi viloyat kengashi nomidan ishtirok etgan “Taraqqiyot”, uchinchi o‘rinni Ta’lim va fan hodimlari kasaba uyushmasi viloyat bo‘limi nomidan “TMTI” jamoasi qo‘lga kiritdi.

G‘olib jamoalarga esdalik sovg‘alari topshirildi.

 

Termiz iqtisodiyot va servis universitetida O’zbekistonda xizmat ko’rsatgan yoshlar murabbiysi, «Do’stlik» ordeni va «Shuhrat» medali sohibi, Xalq deputatlari viloyat kengashi deputati, O’zbekiston kasaba uyushmalari Federatsiyasining Surxondaryo viloyati Kengashi raisi Abdukarim Axmedov va talaba-yoshlar ishtirokida «Rahbar va yoshlar uchrashuvi» o’tkazildi.

A.Axmedov talabalar bilan suhbat olib borar ekan, yurtimizda amalga oshirilayotgan sa’y-harakatlarning barchasi talaba-yoshlarning kelajagi uchun ekanligini ta’kidlab, yetuk kadr bo’lishlariga ishonch bildirdi.

Fikri teran, zehni o‘tkir, a’lochi va hulq atvori bilan o‘zini ko‘rsata olgan bolajonlarimizni bugun oromgohimiz nomidan ota — onalari nomiga tashakkurnoma hamda faxriy yorliqlar topshirilmoqda. Biz bilan bolajonlarimiz ajoyib dam oladilar.

Bugun Termiz temir yo‘l vokzalida Qoraqalpog‘iston Respublikasi Taxiatosh tumanidan kelgan 100 nafar o‘g‘il-qiz tantanali kutib olinib, “Beshbuloq” oromgohiga kuzatildi.
Surxondaryo viloyati hokimi tashabbusi bilan O‘zbekiston kasaba uyushmalari Federatsiyasi Surxondaryo viloyat kengashi hamkorligida ayni paytda qoraqalpog‘istonlik 100 nafar o‘g‘il-qizlar yozgi ta’tilni Surxondaryo viloyati Sherobod tumanidagi “Beshbuloq” bolalar oromgohida o‘tkazishmoqda. So‘lim va bahovo go‘shada joylashgan maskanda Orolbo‘yidan kelgan bolalarni maroqli dam olishi uchun barcha sharoitlar yaratilgan.
Oromgohda bolajonlarning mazmunli hordiq chiqarishlari uchun puxta tadbirlar rejasini ishlab chiqilgan bo‘lib, unga ko‘ra mavsum davomida turli davra suhbatlari, qiziqarli uchrashuvlar, intellektual o‘yinlar, viktorinalar o‘tkazilib boriladi.
Shuningdek, bolalarning jismonan sog‘lom, bilim va mahoratlarini oshirish uchun turli to‘garaklar tashkil etilgan.

 

Ta’lim va fan xodimlari kasaba uyushmasi Angor tuman bo‘linmasi tomonidan ta’lim xodimlari farzandlarini ta’til vaqtida «Vandob Beshbuloq» va “Xonjiza” bolalar oromgoxlarida  foydali, qiziqаrli va maroqli dam olishlari uchun jo‘natildi.

2023-2024 o‘quv yilida ta’lim soxasida erishgan yutuqlari uchun bir guruh o‘qituvchilar Uzun tuman Maktabgacha va maktab ta’limi bo‘limining faxriy yorliqlari hamda Uzun tumani ta’lim va fan xodimlari kasaba uyushmasi Bo‘linmasining estalik sovg‘alari bilan taqdirlandilar.

Ta’lim va fan xodimlari kasaba uyushmasi Oltinsoy tuman bo‘linmasi tomonidan 1-iyun Xalqaro Bolalarni himoya qilish kuni bayrami munosabati bilan tuman hokimligi birgalikda 800 dona muzqaymoq va qimmatbaxo sovg‘alar bolalarga topshirildi.