Жорий йилнинг 24 февраль куни вилоят касаба уюшмалари ташкилотлари бирлашмаси кенгаши томонидан “Соғлом она ва бола йили” дастури доирасида ҳамда 8 март Халқаро хотин-қизлар байрами муносабати билан 1 нафар агросаноат мажмуи ходимлари, 1 нафар таълим, фан ва маданият ходимлари касаба уюшмалари тизимида ишловчи кам таъминланган аёлларга ижтимоий суғурта бюджети маблағлари ҳисобидан бепул йўлланмалар берилди.

«Соғлом она ва бола йили» муносабати билан ходимлар ва уларнинг оила аъзоларини жисмоний тарбия ва спортнинг оммавий турларига қизиқишини ошириш, айниқса оила аъзолари ўртасида соғлом турмуш тарзини тарғиб этииш орқали ўз саломатлигига масъулият ҳиссини шакиллантириш мақсадида жорий йилнинг 24 февраль куни Шеробод туманида «Соғлом оила» шиори остида оилавий спорт мусобақалари туман босқичи ўтказилди.
Ўтказилган оммавий спорт мусобақасининг туман босқичида ғолибликни 1-босқичда қўлга киритган 10 нафар оилалар иштирок этиб, мусобақаларда энг фаол иштирок этган оилаларга касаба уюшмаларининг дипломлари ҳамда эсдалик совғалари топширилди.
Оилавий спорт мусобақаларида 1- ўринни қўлга киритган оилалар, вилоят босқичида иштирок этиш учун йўлланмани қўлга киритдилар.

“Соғлом она ва бола йили” муносабати билан ходимлар ва уларнинг оила аъзоларини жисмоний тарбия ва спортнинг оммавий турларига қизиқишини ошириш, айниқса оила аъзолари ўртасида соғлом турмуш тарзини тарғиб этиш орқали ўз саломатлигига масъулият ҳиссини шакллантириш мақсадида жорий йилнинг 8 февралидан 19 февралигача Олтинсой, Қизириқ, Музробот, Шўрчи, Қумқўрғон, Жарқўрғон, Денов туманлари ҳамда Термиз шаҳрида “Соғлом оила” шиори остида оилавий спорт мусобақалари ўтказилди.
Ўтказилган оилавий спорт мусобақаларининг I-босқичида ғолибликни қўлга киритган 80 нафардан зиёд оилалар иштирок этиб, энг фаол иштирок этган оилаларга касаба уюшмаларининг диплом ва эсдалик совғалари топширилди.
Оилавий спорт мусобақаларида I-ўринни қўлга киритган оилалар, вилоят босқичида иштирок этиш учун йўлланмани қўлга киритдилар.

Тармоқ касаба уюшмалари Термиз шаҳар кенгашлари томонидан меҳнаткашлар ўртасида “Соғлом она ва бола йили” муносабати билан “Соғлом оила” шиори остида оилавий спорт мусобақасининг шаҳар босқичи ўтказилди.
Мусобақада тармоқ кенгашлари орасида ғолибликни қўлга киритган 10 нафар оилалар иштирок этди.
Ғолиб бўлган оилалар, касаба уюшмаларининг эсдалик совғалари билан тақдирланиб, вилоят босқичида иштирок этиш учун йўлланмани қўлга киритдилар.

Ўзбекистон касаба уюшмалари Федерациясининг VII Қурултойи қарорлари, Ўзбекистон Республикасининг 2016 йилги иқтисодий дастурининг устувор йўналишларидан, шунингдек Ўзбекистон касаба уюшмалари Федерацияси фаолиятининг 2016-2020 йилларга мўлжалланган стратегик йўналишлари ва Ўзбекистон касаба уюшмалари Федерацияси фаолиятининг стратегик йўналишларини амалга ошириш бўйича 2016-2017 йилларга мўлжалланган Ҳаракат дастури, Ўзбекистон касаба уюшмалари Федерацияси, Сурхондарё вилоят касаба уюшмалари ташкилотлари бирлашмаси фаолиятининг 2016 йилдаги устувор йўналишларидан келиб чиқадиган вазифаларни янги сайланган ва олдиндан ишлаб келаётган бошланғич касаба уюшма ташкилотлари, тармоқ касаба уюшмалари шаҳар, туман кенгашлари раислари, касаба уюшма фаолларига тушунтириш, уларнинг малакасини ошириш, иш кўникмаларини юксалтириш, уларга ҳар томонлама амалий ва услубий ёрдамлар кўрсатиш мақсадида Сурхондарё вилоятининг шаҳар ва туманларида амалий ўқув-семинарлар ўтказилди.
Семинарларда вилоят касаба уюшмалари ташкилотлари бирлашмаси раисининг ўринбосари Қ.Боболов “Ўзбекистон касаба уюшмалари Федерациясининг VII Қурултойи қарорлари, Ўзбекистон Республикасининг 2016 йилги иқтисодий дастурининг устувор йўналишларидан, шунингдек Ўзбекистон касаба уюшмалари Федерацияси фаолиятининг 2016-2020 йилларга мўлжалланган стратегик йўналишлари ва Ўзбекистон касаба уюшмалари Федерацияси фаолиятининг стратегик йўналишларини амалга ошириш бўйича 2016-2017 йилларга мўлжалланган Ҳаракат дастури, Ўзбекистон касаба уюшмалари Федерацияси, Сурхондарё вилоят касаба уюшмалари ташкилотлари бирлашмаси фаолиятининг 2016 йилдаги устувор йўналишларидан келиб чиқадиган вазифалар тўғрисида” маъруза қилди.
Шунингдек, бирлашма кенгашининг бўлим мудирлари ўз соҳалари бўйича чиқишлар қилиб ва иштирокчилар томонидан берилган саволларга жавоб беришди.
Вилоятнинг барча шаҳар ва туманларида амалий ўқув-семинарлар ўтказилди. Семинарларда 1560 нафардан ортиқ тармоқ касаба уюшмалари шаҳар, туман касаба уюшмаси кенгашлари ходимлари, бошланғич касаба уюшма ташкилотлари раислари ва касаба уюшма фаоллари иштирок этди.

2016 йил 18 февраль куни таълим, фан ва маданият ходимлари касаба уюшмаси Олтинсой туман кенгаши томонидан, ўқувчи ёшлар ўртасида шахмат мусобақаси ташкил қилиниб, туман мактабларидан келган ёш шахматчилар ўзаро беллашдилар.
Беллашувда фаол иштирок этиб ғолибликни қўлга киритган ёш спортчилар касаба уюшмасининг фахрий ёрлиқ ва қимматбаҳо совғалари билан тақдирландилар.

Сурхондарё вилоят Ички ишлар бошқармасида 2016 йил 12 февраль куни 2015-2017 йилларга тузилган жамоа шартномасининг 2015 йил якунига бағишланган умумий йиғилиши бўлиб ўтди.

Тармоқ касаба уюшмалари Шўрчи туман кенгашлари томонидан меҳнаткашлар ўртасида “Соғлом она ва бола йили” муносабати билан “Соғлом оила” шиори остида оилавий спорт мусобақасининг туман босқичи ўтказилди.
Мусобақада тармоқ кенгашларида ғолибликни қўлга киритган 10 нафар оилалар иштирок этди.
Ғолиб бўлган оилалар, касаба уюшмаларининг эсдалик совғалари билан тақдирланиб, вилоят босқичида иштирок этиш учун йўлланмани қўлга киритдилар.

Агросаноат мажмуи ходимлари касаба уюшмаси Шўрчи туман кенгаши томонидан “Соғлом она ва бола йили” муносабати билан ходимлар ва уларнинг оила аъзоларини жисмоний тарбия ва спортнинг оммавий турларига қизиқишини ошириш, айниқса оила аъзолари ўртасида соғлом турмуш тарзини тарғиб этиш орқали ўз саломатлигига масъулият ҳиссини шакллантириш мақсадида “Соғлом оила” шиори остида оилавий спорт мусобақаси ўтказилди.
Мусобақада тармоқ тизимидаги корхона ва ташкилотларда меҳнат қилаётган 18 нафар оилалар иштирок этди.
Ғолиб бўлган оилалар, касаба уюшмаларининг эсдалик совғалари билан тақдирланиб, кейинги босқичда иштирок этиш учун йўлланмани қўлга киритдилар.