Жорий йилнинг 1 октябрь куни Қизириқ туман таълим, фан ва маданият ходимлари касаба уюшмаси кенгаши ҳамда туман халқ таълими муассасалари фаолиятини методик таъминлаш ва ташкил этиш бўлими билан ҳамкорликда “Устозлар ва мураббийлар куни” муносабати билан катта тадбир ўтказди. Унда бир гуруҳ устоз мураббийларга туман таълим, фан ва маданият ходимлари касаба уюшмаси кенгаши томонидан қимматбаҳо совғалар тарқатилди.
Агросаноат мажмуи ходимлари касаба уюшмаси Олтинсой туман кенгаши томонидан 2015 йил 30 сентябрь куни Олтинсой туманида пахта йиғим теримида қатнашаётган 92 нафар теримчиларга дастурхон ёзилиб, ош тайёрланиб уларнинг ҳолидан хабар олинди.
31 нафар илғор теримчиларга касаба уюшмаларининг 2740,0 минг сўмлик қимматбаҳо совғалари топширилди.
Жорий йилнинг 29 сентябрь куни Ангор туман халқ таълими муассасалари фаолиятини методик таъминлаш ва ташкил этиш бўлими ва туман таълим, фан ва маданият ходимлари касаба уюшмаси кенгаши ҳамкорликда 1 октябрь ўқитувчи ва мураббийлар куни байрами муносабати билан уйда кексалик гаштини сураётган фахрий ва ногирон ўқитувчилар холидан хабар олинди. Фахрий ўқитувчиларга касаба уюшма кенгашининг эсдалик совғалари топширилди.
Агросаноат мажмуи ходимлари касаба уюшмаси Термиз тумани Кенгаши ҳисобидан 2015 йил пахта йиғим — теримида қатнашган илғор теримчиларга 2140.0 сўмлик қимматбаҳо совғалар ҳамда 410.0 минг сўмлик озиқ-овқат маҳсулотлари тарқатилди.
Жорий йилнинг 23 сентябрь куни Ангор туман ҳокимлиги ва таълим, фан ва маданият ходимлари касаба уюшмаси кенгаши томонидан Қурбон хайити байрами муносабати билан кам таъминланган тармоқ ходимлари ҳолидан хабар олинди. Кам таъминланган тармоқ ходимларига касаба уюшмаси кенгаши томонидан озиқ-овқат маҳсулотлари олиб берилди.
Жорий йилнинг 21 сентябрь куни пахта йиғим — теримида фаол иштирок этаётган илғор теримчилардан 28 нафари таълим фан ва маданият ходимлари касаба уюшмаси Қизириқ туман кенгаши томонидан рағбатлантирилди.
“Ҳорманг пахтакорлар” шиори остида Термиз туман ҳокимлиги ва Агросаноат мажмуи ходимлари касаба уюшмаси Термиз тумани кенгаши томонидан 2015 йил пахта йиғим – теримида қатнашган илғор теримчиларга қимматбаҳо совғалар тарқатилди.
Ўзбекистон давлат муассасалари ва жамоат хизмати ходимлари касаба уюшмаси Tермиз шаҳар Кенгаши томонидан 2015 йил пахта йиғим-теримида илғор қатнашган соҳа ҳашарчи-теримчиларига 378000 сўмлик қимматбаҳо совғалар жойларга чиқиб топширилди.
Жорий йилнинг 4 сентябрь куни вилоят касаба уюшмалари ташкилотлари бирлашмаси томонидан Ўзбекистон Республикаси давлат мустақиллигининг йигирма тўрт йиллигига бағишлаб амалга ошириладиган, “Бетакроримсан, ягонамсан, она Ватаним -Ўзбекистоним!” деган эзгу ғояни ўзида мужассам этган ташкилий-амалий, маданий-маърифий тадбирлар ҳамда билимлар кунига бағишлаб “Касаба уюшмалари — фахрийларга” акцияси ўтказилди.
Акция доирасида “Тозалик, озодалик — саломатлик гарови” тадбири ташкил этилиб, тадбирда илк бора мактабга борган 857 нафар ўқувчиларга Ўзбекистон касаба уюшмалари Федерациясининг эсдалик совғалари (санитария-гигиеник пакетлар) тарқатилди.