Surxondaryo viloyat sog‘liqni saqlash boshqarmasi hamda O‘zbekiston sog‘liqni saqlash xodimlari kasaba uyushmasi Surxondaryo viloyat kengashi hamkorlikda joriy yilning 10-11-noyabr kunlari “Tibbiyot xodimlari kuni” munosabati bilan bayram tadbiri tashkil etildi.
Tadbirda viloyat sog‘liqni saqlash boshqarmasi boshlig‘i Abduvoxidov Komil Murtazayevich, O‘zbekiston Sog‘liqni saqlash xodimlari kasaba uyushmasi Surxondaryo viloyat kengashi raisi Kadirova Muyassar Djumayevnalar ishtirok etdi.
Tibbiyot sohasida sadoqatli xizmatlari, sog‘liqni saqlashni rivojlantirishga qo‘shgan xissalarini inobatga olib bir gurux tibbiyot xodimlari O‘zbekiston Respublikasi sog‘liqni saqlash vazirligining “Sog‘liqni saqlash a’lochisi”ko‘krak nishoni, tashakkurnomasi, O‘zbekiston Sog‘liqni saqlash xodimlari kasaba uyushmasi Respublika Kengashining qimmatbaho sovg‘alari, viloyat sog‘liqni saqlash boshqarmasi, O‘zbekiston Sog‘liqni saqlash xodimlari kasaba uyushmasi Surxondaryo viloyat kengashining faxriy yorlig‘i va sovg‘alari bilan taqdirlandilar.

Ta’lim va fan xodimlari kasaba uyushmalari Boysun tuman Bo‘linmasi tomonidan bir guruh ta’lim xodimlari va boshlang‘ich kasaba uyushmalari qo’mita raislarni 11-noyabr kasaba uyushmalari kuni munosabati bilan qadimiy va navqiron Samarqand shaxrining ta’rixiy obidalari va YANGI Samarqandning navbunyod go‘zal joylarini ziyorat qilish tashkillashtirildi. Soha xodimlari ushbu turizm sayoxatidan kasaba uyushmalari tashkilotchilaridan mamnun bo‘lganliklarini bildirdilar.

O‘zbekiston kasaba uyushmalari Federatsiyasining VIII Qurultoyi bo‘lib o‘tgan 2020-yil 11-noyabr — O‘zbekiston kasaba uyushmalarining hayotida unutilmas va tarixiy kun bo‘lib qoldi.

Muhtaram Prezidentimiz tashabbusi bilan “11-noyabr – “O‘zbekiston kasaba uyushmalari kuni” deb e’lon qilinib, har yili ushbu kunni bayram sifatida nishonlash kasaba uyushmalarining an’analaridan biriga aylandi.

Yurtimizda ishchi-xodimlarning mehnatga oid huquq va manfaatlarini ta’minlashda, aholi turli qatlamlarining ijtimoiy manfaatlarini himoya qilishda, davlat organlari bilan ijtimoiy sheriklik masalalarida erishilayotgan salmoqli natijalarda soha xodimlarining munosib hissasi mujassam.

Bugun Angor tumanida bayram munosabati bilan soha fidoyilari tuman hokimining faxriy yorliqlari va sovg‘alari bilan taqdirlandi.

11 Noyabr «Kasaba uyushmalari kuni» bayrami munosabati bilan Uzun  tuman ta’lim va fan xodimlari kasaba uyushmasi Bo‘linmasi tomonidan  boshlang‘ich kasaba uyushmasi tashkilot raislari ishtirokida madaniy  tadbir o‘tkazildi. Tadbir yakunida boshlang‘ich tashkilot raislari esdalik  sovg‘alari bilan rag‘batlantirildi.

Islohotlar samarasi O‘zbekistonning tom ma’noda qiyofasini ham, maqsad-muddaolarini ham o‘zgartirdi. “Bugungi O‘zbekiston – bu kechagi O‘zbekiston emas, bugungi xalqimiz ham kechagi xalq emas”, degan qatiy siyosiy iroda dunyo atamashunosligiga “Yangi O‘zbekiston” degan so‘zni olib kirdi.
Keyingi yetti yil O‘zbekiston kasaba uyushmalari tarixida unutilmas tarixiy voqealarga boy davr bo‘ldi. O‘zbekiston Respublikasi Prezidenti Shavkat Miromonovich Mirziyoyev tomonidan «Kasaba uyushmalari to‘g‘risida»gi yangi qonunning imzolanishi — kasaba uyushmalariga xodimlarning ijtimoiy-mehnat sohasidagi huquqlarini himoya qilish, aholining ijtimoiy himoyaga muhtoj qatlamlarini har tomonlama qo‘llab-quvvatlash sohasidagi faoliyatlarini yanada yuqori bosqichga olib chiqish uchun katta imkoniyatlar eshigini ochdi.
Ayniqsa, 2020 yil 11 noyabr – O‘zbekiston kasaba uyushmalarining hayotida unutilmas kun sifatida zarhal harflar bilan yozildi.
Aynan shu kuni mustaqil davlatimiz tarixida ilk bor Respublika Prezidenti kasaba uyushmalari Federatsiyasining VIII Qurultoyi qatnashchilariga o‘z tabrigini yo‘lladi.
Muhtaram Prezidentimiz tomonidan mazkur tarixiy Qurultoy o‘tayotgan kunni «Kasaba uyushmalari kuni» etib belgilash taklif etilishi, 2020 yil 23 noyabrda O‘zbekiston Respublikasining «O‘zbekiston kasaba uyushmalari kunini belgilash to‘g‘risida»gi qonun qabul qilinishi mamlakatimiz kasaba uyushmalarining qariyib 100 yillik tarixiy faoliyati davri uchun o‘chmas iz qoldirdi.
Ayni paytda, O‘zbekiston kasaba uyushmalari Federatsiyasi o‘z safida salkam 6 millionlik a’zolarni birlashtirib, ularning mehnatga oid huquq va manfaatlarini ta’minlashda yaqindan yordam berib kelmoqda. Ushbu ustuvor vazifani samarali ta’minlash maqsadida so‘nggi 7 yilda kasaba uyushmalari faoliyati yanada faollashdi, tizimda keng ko‘lamli chora-tadbirlar dasturlari amalga oshirildi, mehnat jamoalarida xodimlarni ijtimoiy-iqtisodiy qo‘llab-quvvatlash ishlari chinakamiga yangi bosqichga ko‘tarildi.
O‘zbekiston kasaba uyushmalari Federatsiyasi quruvchilari uchun Surxondaryo chinakamiga qurilish maydoniga aylandi. Shu vaqt ichida Termiz shahrida “Amudaryo” bolalar sog‘lomlashtirish oromgohi, Termiz tumanida “Termiz marvaridi”, Oltinsoy tumanida “Xo‘jaipok” sanatoriysi qurib foydalanishga topshirildi. Viloyatimiz kasaba uyushmalari moddiy-texnika bazasi yanada mustahkamlandi.
Shu yilning sentyabr oyida 200 o‘rinli yana bir sanatoriy — “Sangardak” sanatoriysi foydalanishga tantanali topshirildi.
Shu bilan viloyatimizda O‘zbekiston kasaba uyushmalari Federatsiyasi tizimidagi sanatoriylar soni 4 taga yetdi. Bundan yetti yil oldin bironta sanatoriy bo‘lmagan — Surxondaryo bu jixatdan Respublikada Toshkent viloyatidan keyingi 2-chi o‘ringa chiqib oldi.
Ularda yiliga 30 ming nafar aholi dam olib sog‘liqlarini tiklash imkoniyati paydo bo‘ldi.
Yana bir quvonchli voqea, Markaziy Osiyo mamlakatlari kasaba uyushmalari o‘rtasida “Eng yaxshi jamoa shartnomasi” ko‘rik-tanlovida “Termiz daryo porti” MCHJ boshlang‘ich kasaba uyushma tashkiloti (boshlang‘ich kasaba uyushma qo‘mitasi raisi Kalimulina Elmira Raximovna) g‘olib deb topildi.
Shuningdek, O‘zbekiston sog‘liqni saqlash soxasida o‘tkazilgan tanlovda “Eng yaxshi tibbiyot xodimi” nominatsiyasi bo‘yicha “Termiz marvaridi” sanatoriysi kasaba uyushma qo‘mitasi raisi Aliyev Shaxriyor G‘aniyevich g‘olib bo‘ldi.
Termiz “Mintaqaviy temir yo‘l uzeli” kasaba uyushmasi hududiy qo‘mitasi raisi Daminov G‘ulomjon Bo‘riyevich O‘zbekiston kasaba uyushmasilari Federatsiyasining eng oliy mukofoti bo‘lgan “Ehtirom nishoni”ga loyiq deb topildi.
Mustaqillik yillarida birinchi marta O‘zbekiston kasaba uyushmalari Federatsiyasining Surxondaryo viloyat kasaba uyushmalari Tojikiston mustaqil kasaba uyushmalari Federatsiyasining Xatlon viloyati kasaba uyushmalari bilan tuzilgan o‘zaro Kelishuvga muvofiq joriy yilning mart va may oylarida delegatsiya tashrifi almashildi. Bu kabi ijobiy yutuqlarni ko‘plab keltirish mumkin.

Taʼlim va fan xodimlari kasaba uyushmasi Muzrabot tuman boʼlinmasi Maktabgacha va maktab taʼlimi boʼlimi tasarrufidagi maktablardan sport musobaqalarida gʼolib chiqgan jamoalar orasida 11-noyabr «Kasaba uyushmalari kuni» bayrami munosabati bilan Sport musobaqasining tuman bosqichi oʼtkazildi. Tadbir yakunida gʼolib chiqgan jamoalarga boʼlinma tomonidan faxriy yorliq va qimmatbaho sovgʼalar tarqatilib bayram koʼtarinki ruhda oʼtdi.