Агросаноат мажмуи ходимлари касаба уюшмаси Шўрчи туман кенгаши томонидан “Соғлом она ва бола йили” муносабати билан ходимлар ва уларнинг оила аъзоларини жисмоний тарбия ва спортнинг оммавий турларига қизиқишини ошириш, айниқса оила аъзолари ўртасида соғлом турмуш тарзини тарғиб этиш орқали ўз саломатлигига масъулият ҳиссини шакллантириш мақсадида “Соғлом оила” шиори остида оилавий спорт мусобақаси ўтказилди.
Мусобақада тармоқ тизимидаги корхона ва ташкилотларда меҳнат қилаётган 18 нафар оилалар иштирок этди.
Ғолиб бўлган оилалар, касаба уюшмаларининг эсдалик совғалари билан тақдирланиб, кейинги босқичда иштирок этиш учун йўлланмани қўлга киритдилар.

Узун туман таълим, фан ва маданият ходимлари касаба уюшмаси кенгаши томонидан тармоқда фаолият кўрсатаётган ходимлар ўртасида “Соғлом оила” шиори остида оилавий спорт мусобақасининг туман босқичи ўтказилди. Мусобақада ҳудудларда ғолиб чиққан жамоалар иштирок этишди.
Оила таркибида ота, она ва 8-12 ёшгача бўлган ўғил боладан иборат бўлган жамоалар ўртасида 23-мактабдан иштирок этган Рўзибадаловлар оиласи, иккинчи оила таркибида ота, она ва 8-12 ёшгача бўлган қиз боладан иборат бўлган жамоалар ўртасида 12-мактабдан иштирок этган Икромовлар оиласи биринчи ўринларни эгаллашди. “Энг чаққон оила” номинацияси бўйича 18-мактабдан Худойқуловлар оиласи, “Фаол иштирок этган оила” номинацияси бўйича “14-мактабгача таълим муассасасидан Каримовлар оиласи ғолибликни қўлга киритишди. Ғолиблар диплом ва эсталик совғалари билан тақдирландилар.