2015 йилнинг 15 декабрь куни Қумқўрғон туман Ҳокимлиги, корхона ва ташкилотлар ходимларининг туман касаба уюшмалари фаоллари билан “Меҳнат соҳасидаги муҳим аҳамиятга молик масалалар” мавзусидаги Давра суҳбати ўтказилди.
Давра суҳбатида туман ҳокимининг ўринбосари У. Бердимуродов, Ўзбекистон таълим, фан ва маданият ходимлари касаба уюшмаси Республика кенгашининг Сурхондарё вилояти бўйича масъул ташкилотчиси Н.Ёқубов, туман ташкилотлари раҳбарлари, тумандаги тармоқ касаба уюшмалари кенгашлари раислари иштирок этди.
Давра суҳбати давомида иштирокчиларнинг кўплаб саволларига тумандаги тегишли ташкилотлар вакиллари жавоб бердилар.

2015 йил 15 декабрь куни Олтинсой туман “ 1-сонли санъат мактаби залида туман ҳудудидаги барча маҳалла фуқаролар йиғинларининг ободончилиги, озодалиги, аҳолининг турмуш шароити юқорилиги, маҳаллада обрў-эътиборга эга ва бошқаларга ўрнак бўладиган хонадорлар, уларнинг томорқалардан фойдаланиш ҳолати, санитария гигиеник қоидаларга амал қилиниши, коммунал тўловларнинг ўз вақтида тўланиши, жиноятчиликнинг олдини олиш, иш билан таъминлаш, тадбиркорликни ривожлантириш каби омиллардан келиб чиқиб “Маҳалла менинг тақдиримда” кўрик танлови ўтказилди.
Кўрик танлов ғолиблари туман агросаноат мажмуи ходимлари касаба уюшмасининг фахрий ёрлиқ ва қимматбаҳо совғалари билан тақдирландилар.