O‘zbekiston davlat muassasalari va jamoat xizmati xodimlari kasaba uyushmasi o‘z a’zolarini rag‘batlantirish, ularning ma’naviy hordiq chiqarishini ta’minlash maqsadida 1–2 oktyabr kunlari Samarqand shahriga ikki kunlik tarixiy-ma’rifiy sayohat tashkil etdi. Ushbu sayohat 11 noyabr — O‘zbekiston kasaba uyushmalari kuni arafasida, tarmoqda xizmat qilayotgan 50 nafar fidoiy xodim va ularning ota-onalari uchun ajoyib tuhfa bo‘ldi.

​Sayohat dasturi juda boy va mazmunli bo‘lib, ishtirokchilar Temuriylar davrining eng buyuk obidalariga tashrif buyurdilar. Jumladan, Ulug‘bek rasadxonasi va «Ziji Ko‘ragoniy» katalogi bilan tanishib, ajdodlarimiz ilm-fanidan g‘ururlanishdi. Shuningdek, Shohizinda, Go‘ri Amir va Sharq me’morchiligining durdonasi Registon maydoni ziyorat qilindi.

​Safarning eng ta’sirli qismi O‘zbekiston Respublikasining Birinchi Prezidenti Islom Abdug‘anievich Karimovning uy-muzeyi va muborak qabri ziyorati bo‘ldi. Ziyorat davomida Qur’on tilovat qilinib, mamlakat taraqqiyotiga hissa qo‘shgan ulug‘ insonlar ruhiga duolar bag‘ishlandi.

​Ishtirokchilar, jumladan, Qumqo‘rg‘on tuman Mudofaa ishlari bo‘limi xodimi Sayfiev Nurillo Saitovich va FVB xodimi Xidaev Temur Turg‘unovich bunday yuksak e’tibor va mehnat qadrlangani uchun tashkilotchilarga — O‘zbekiston kasaba uyushmalari Federatsiyasining Surxondaryo viloyat Kengashi rahbariyatiga o‘z minnatdorchiligini bildirdi.

Angor tuman kasaba uyushma bo‘linmasi  tomonidan 1 oktyabr o‘qituvchi va murabbiylar kuni munosabati bilan tadbir tashkil etildi. Tadbirda ta’lim xodimlariga faxriy yorliq va esdalik sovg‘alari topshirildi.

1 oktyabr » Ustozlar va Murabbiylar kuni» bayrami munosabati bilan Uzun tuman talim va fan xodimlari Kasaba uyushmasi Bo‘linmasi tomonidan tumanlardagi barcha boshlang‘ich tashkilotlardagi faoliyat yuritayogan ustozlarga extirom ko‘rsatilib, ularga bayram sovg‘alari ulashildi.

Uzun tuman ta’lim va fan xodimlari kasaba uyushmasi bo‘linmasi tizimidagi boshlang‘ich tashkilotlar soni yana bittaga ko‘paydi. Uzun tumani Fayzovo maxallasida  150 nafar bolajonlarga mo‘ljallangan 2 qavatli zamonaviy  bolalar bog‘chasi foydalanishga topshirildi.  Ushbu №32- maktabgacha ta’lim tashkilotida 46 nafar xodimlar ish bilan ta’minlanib, faoliyatini boshladi.

Bugun ushbu ta’lim maskanida boshlang‘ich kasaba uyushmasi tashkilotini tuzish bo‘yicha mexnat jamoasining umumiy yig‘ilishi bo‘lib o‘tdi. Yig‘ilishda tuman bo‘linmasi raisi Z.Sheraliev so‘zga chiqib, kasaba uyushmasi afzalliklari, jamoa shartnomasi mazmun-mohiyati to‘g‘risida yig‘ilish ishtirokchilariga ma’lumot berdi. Boshlang‘ich kasaba uyushmasi qo‘mitasi a’zolari va qo‘mita raisligiga nomzodlar ko‘rsatilib, ochiq ovoz berish yo‘li bilan saylov o‘tkazildi. Ko‘pchilik ovoz bilan boshlang‘ich kasaba uyushmasi qo‘mitasi raisligiga Toshboeva Maftuna saylandi. Yig‘ilish qatnashchilari o‘zlarini qiziqtirgan savollarga to‘laqonli javoblar olishdi.

1-Oktyabr «Ustozlar va murabbiylar kuni» bayrami arafasida Uzun tuman ta’lim va fan xodimlari kasaba uyushmasi bo‘linmasi tomonidan bir gurux tuman ta’lim soxasi xodimlari uchun ko‘xna va navqiron Samarqand shahriga sayyohat tashkil etildi. Ustozlar sayohatdan boy taassurotlar bilan qaytishdi.

Bugun 18 sentyabr kuni O‘zbekiston Agrosanoat majmui xodimlari kasaba uyushmasi Respublika kengashining  Surxondaryo viloyati buyicha mas’ul tashkilotchisi J.N.Xolmurodov Qumqurg‘on tumanidagi «QUMTEX INVEST» MChJ ga tashrif buyurib, ishchi xodimlarning  faoliyati, mehnat muxofazasi va ularga yaratilgan shart sharoitlar bilan tanishdi

O’zbekiston Respublikasi Prezidentining 2023 yil 21 dekabrdagi “Oila va xotin-qizlar qo’mitasining faoliyatini takomillashtirishga oid qo’shimcha chora-tadbirlar to’g’risida”gi PF-208-son farmoninig ijrosini ta’minlash hamda xotin –qizlarni har tomonlama qo’llab-quvvatlash va ularning faolligini oshirish maqsadida har oyning 17 sanasida “Kitobxon  onalar kuni” munosabati bilan Angor tuman Axborot-kutubxona markazida «Biz kitobxon onalarmiz» mavzusida davra suxbati bo’lib o’tdi.

Uzun tumanidagi » Davr» tantanalar saroyida 1 Oktyabr «Ustozlar va murabbiylar kuni» bayrami munosabati bilan ustozalar uchun bayram dasturxoni tashkil etildi. Bayramni tuman xokimi tabrik so‘zi bilan ochib, tumanda ta’lim soxasida erishilgan yutuqlarni e’tirof etib, o‘quvchilari viloyat, respublika bosqichi  olimpiadalarida o‘rin olgan ustozlarni hamda soxadagi ilg‘or o‘qituvchi va tarbiyachilarni tuman ta’lim va fan xodimlari kasaba uyushmasi Bo‘linmasi tomonidan taqdim etilgan sovg‘alar bilan taqdirladi.

Angor tumanida 1-oktabr – «O‘qituvchi va murabbiylar kuni» munosabati bilan tadbir o‘tkazildi.

Dastlab tuman hokimligida o‘tkazilgan tadbirda hokim Qosim Mardonov pedagoglarni bayram bilan tabrikladi. Hokim ta’lim sohasi rivojiga munosib hissa qo‘shib kelayotgan o‘qituvchilarning fidokorona mehnatini alohida qayd etdi.

Tadbirda bir qator ilg‘or o‘qituvchi va murabbiylar faxriy yorliq va esdalik sovg‘alari bilan taqdirlandilar.

Shundan so‘ng, bayram «Ofarin» tantanalar saroyida davom ettirildi. Unda o‘qituvchi va murabbiylar uchun konsert dasturi namoyish etildi.