2016 йил 19 июль куни Термиз тумани “Паттакесар” қишлоқ фуқаролар йиғинидаги “Солиобод” маҳалласида  Мустақилликнинг йигирма беш йиллиги муносабати билан туман  хотин-қизлар қўмитаси, Давлат муассасалари ва жамоат хизмати ходимлари касаба уюшмаси Термиз туман Кенгаши, Ўзбекистон мусулмонлар идораси Термиз туман вакиллиги, “Аёллар маслаҳат маркази” билан биргаликда “Гўзал ва бетакроримсан, муқаддас Ватаним, жоним сенга фидо Ўзбекистоним!” шиори остида тадбир бўлиб ўтди.

Жорий  йилнинг 14 июлида Термиз тумани “Пахтаобод” қишлоқ фуқаролар йиғинидаги  “Қаҳрамон” маҳалла фуқаролар йиғинида жойлашган 5-мактабда  хотин-қизлар қўмитаси,  Давлат муассасалари ва жамоат хизмати ходимлари касаба уюшмаси Термиз туман Кенгаши  ҳамда Ўзбекистон мусулмонлар идораси туман вакиллиги билан биргаликда “Умр-энг олий неъмат” мавзусида тадбир ўтказилди. Тадбирда хотин-қизлар  ва ёшлар томонидан ўз жонига қасд  қилиш холатларига йўл қўймаслик ва бундай ҳолатлар такрорланишини олдини олиш чораларига бағишланган маърузалар тингланди.

Жорий йил таълим , фан ва маданият ходимлари касаба уюшма Қизириқ туман кенгаши томонидан мустақиллик байрамининг 25 йиллигига 10 та иш ўрин яратилди. Тумандаги “Истара гулшани”оилавий корхонаси билан ҳамкорликда  10 нафар коллеж битирувчилари иш билан таъминланди. Ҳозирда ёшлар оилавий корхонада тикувчилик, зардўзлик, сартарошлик ишлари билан шуғулланмоқда